Ponognaan 34

Piksabulan si Dina

Na og bataꞌ ni Yaꞌkub bu ni Leya nok si Dina, budjang na. Ongon og gondow minangoy yanin song mga kobudjangan nok taga . 2 Ong migbayaꞌ sog bonuwa koyon, si Hamur ok tow Hit. Ongon og bataꞌ in, ong ngalanin si Sekem. Dangan mitongowin si Dina, sinaggowin bangka nin poksabuloy. 3 Sugaid kieleganin tokodoy, bu linumasa yanin ni Dina og bataꞌ ni Yaꞌkub, dadi pimissalahanin. 4 Na tinaluan ni Sekem og gommaꞌ in nok si Hamur, taluꞌ in, “Ommaꞌ, polibunan nu akon sog libun kini.”

5 Dangan kiosunan ni Yaꞌkub nok piksabulan og bataꞌ in nok si Dina, daꞌ pa lilowoy ni Yaꞌkub, poꞌ binagadanin pa ong mga gumbataꞌ in nog laki. Dituꞌ ilon sog bukid migipat nong mga potubuonin.

6 Dadi mipanow na si Hamur, og gommaꞌ ni Sekem, poꞌ abit-abitonin si Yaꞌkub. 7 Dangan midongog nog gumbataꞌ ni Yaꞌkub sog bukid ok pasal sog gilug nilon, milingit ilon tokodoy bu mosakit ok pongatoyan nilon. Poꞌ ininang ni Sekem ong mokosipog sok pangkatan nog gommaꞌ nilon nok si .

8 Na miktaluꞌ si Hamur diyon ni Yaꞌkub bug gumbataꞌ in, “Meleg tokodoy og bataꞌ u nok si Sekem sog bataꞌ nu, dadi kumboy nu busung-busung bagun poglibunonin. 9 Polakihoy niyu ong mga budjang niyu dinami, bu poglibun amu da sop song mga budjang nami. 10 Na mogdadi amu mogonong bu mokopogusaha dini sog ayin-ayin na ok kolegan niyu, bu mogdadi amu sumaluy nog lupaꞌ dini.” 11 Miktaluꞌ sop si Sekem sog gommaꞌ bug mga gilug ni Dina, “Bilaꞌ mololat amu da dinakon, pokawing niyu na dinakon si Dina. Andun-andun na ok kolegan niyu bogoyon ku. 12 Na taluan niyu hadja akon bug andun ok sunggudanin, bu bisan olo-olo na ok pongonihon niyu, melegu da basta pokawing niyu hadja si Dina dinakon.”

13 Na pasal piksabulan ni Sekem og gilug nilon, tinipu nong mga gumbataꞌ ni Yaꞌkub si Sekem bug gommaꞌ in nok si Hamur. 14 Ok taluꞌ nilon, “Diꞌ mogdadi og gilug nami polakihan nog laki ondaꞌ koislam, poꞌ mokosipog koyon dinami. 15 Meleg ami da basta og lam nok kolakihan dini mamaꞌ dinami. 16 Doksuꞌ mogdadi nami na polakihan diniyu ong mga kobudjangan nami, bu moglibun ami sop nong mga kobudjangan niyu. Dini ami na pogbonuwa bu moksolobuk ita niyu na nog bangsa. 17 Sugaid bilaꞌ diꞌ amu mogunut sok kolegan nami nok sumboy islamon amu, bawion nami og gilug nami, bu oyiton nami mawaꞌ.”

18 Na kisulutan si Hamur bu si Sekem sok tinaluꞌ nog gumbataꞌ ni Yaꞌkub. 19 Ondaꞌ poganggaꞌ-anggaꞌ si Sekem sok pingambat nong mga gumbataꞌ ni Yaꞌkub pasal mosolag og legin ni Dina. Na si Sekem kini og labi pigogaddatan nong mga gusba-warisin.

20 Dadi minangoy si Hamur bu si Sekem sok poktopuk-topukan sog bongowan nok siyudad, bu inabit-abit nilon ong mga duma nilon nong mga kolakihan. 21 Taluꞌ nilon, “Ong mga tow koyon mobais og gaddat nilon. Poonongon ta na ilon dini mogusaha sog diyalom nok kosannangan, poꞌ moliwag da og bonuwa ta kini. Mogdadi ok kolakihan ta mokopoglibun sok kobudjangan nilon, bu ong mga kobudjangan ta polakihan ta dinilon. 22 Sugaid meleg hadja ilon mogonong dini bu sumolobuk sog bangsa ta, basta unutan ta niyu ong mga kolegan nilon. Sumboy ok kolakihan ta islamon mamaꞌ dinilon. 23 Na bilaꞌ sumulut ita dinilon, og lam nong mga potubuon nilon bug mga gartaꞌ nilon dinita na. Dadi unutan ta niyu na og leg nilon bagun dini na ilon pogonong.” 24 Na meleg og lam nong mga kolakihan sok siyudad sok tinaluꞌ ni Hamur bu si Sekem. Dadi inislam og lam nok kolakihan.

25 Dangan miniyan na ok tolu ondow nog daꞌ pa ilon kulioy, simolod sok siyudad og bataꞌ ni Yaꞌkub nok si Simeon bu si Lebi, ong mga gilug ni Dina nog daꞌ kosenehoy nong mga tow diyon. Migoyit ilon nok kalis bangka nilon patoyoy og lam nok kolakihan. 26 Pinatoy sop nilon si Hamur bu si Sekem, bu inalap nilon si Dina sog baloy ni Sekem, bangka nilon oyitoy mawaꞌ. 27 Doksuꞌ sinolod nog gumbataꞌ ni Yaꞌkub ok siyudad bangka nilon pongalapoy og lam nog olo-olo diyon. Yonin kituꞌ og bayad nok kosipogan nog gilug nilon nog budjang. 28 Pingalap pa nilon ong mga potubuon mamaꞌ na nog , kambing, sapiꞌ bug , bug lam nog gartaꞌ sog diyalom bug luwasan nok siyudad koyon. 29 Inoyit nilon og lam nog gartaꞌ diyon, bu sinaggow nilon og lam nok kolibunan bug mga gumbataꞌ diyon bangka awaꞌ.

30 Sugaid tinaluan ni Yaꞌkub si Simeon bu si Lebi, “Binogoyan niyu akon nong mosolag nok kosusahan. Piglaatan niyu ong ngalan ku. Kolingitan ita na tokodoy nong mga tow Kanaan bu mga tow Peris. Bilaꞌ moksolobuk ilon kotanan munuꞌ dinita, mopapas ita niyu poꞌ mikaan ita da.” 31 Tibuwa tinumabal og duwaꞌ kotow, “Inimungin og gilug nami nog libun bigaon. Diꞌ nami kopotiyangan og ginangin kituꞌ.”