Ponognaan 25

Ong mga Ponupuꞌ ni nog Len

Na mikopoglibun mokpuliꞌ si Ibrahim, ong ngalanin si Ketura. 2 Sog bon nilon moksolobuk, mikobataꞌ ilon nom kotow nog laki, yonin na siloꞌ Simran, Yoksan, Medan, Midiyan, Isbak bu si Suwa. 3 Tubus og bataꞌ ni Yoksan, yonin na si Seba bu si Dedan. Ok ponupuꞌ ni Dedan, yonin na ong mga tow Asur, Letus bug mga tow Leyum. 4 Ong mga gumbataꞌ ni Midiyan nog laki, yonin na siloꞌ Epa, Eper, Hanok, Abida bu si Eldaa. Ilon na koyon ong mga ponupuꞌ ni Ibrahim tidu sog libunin nok si Ketura.

5 Na pimusakaꞌ ni Ibrahim ok pongartaꞌ in sog bataꞌ in nok si . 6 Sugaid sog waktu nok totubuꞌ pa yanin, binogoyanin na asal nog bahagiꞌ nok pongartaꞌ in ong mga gumbataꞌ in song mga len libunin. Doksuꞌ pionongin ilon sog bonuwa tampal silangan, molayuꞌ ni Isahak.

Ok Kowapat ni  Ibrahim

7 Na ginumulang na tokodoy si Ibrahim. Midopot yanin sok pongumulan nok sogatus bu pitu puluꞌ bu lima tahun. 8 Minatoy yanin nog gulanganin, bu mosannang ok pongatoyanin. 9 Kinubul yanin nog gumbataꞌ in nok si bu si dituꞌ sog langub song Makpela, tampal silangan nog bonuwa Mamre. Og lupaꞌ koyon tidu ni Epron og bataꞌ ni Sohar, ok tow Hit. 10 Yonin na ong misaluy ni Ibrahim tidu dinilon, bu kinubul yanin sog langub nog lupaꞌ koyon nok pikkubulan nog libunin, si . 11 Dangan minatoy si Ibrahim, binarakatan nok Tuhan si Isahak, bu migonong yanin molani sok timbaꞌ nog Ber Lahay Roi.

Ong mga Ponupuꞌ ni Ismael

12 Yonin kini ok suksugan pasal sok ponupuꞌ ni Ismael, og bataꞌ ni bu ni , og ni Sarah nok tow . 13 Og gumbataꞌ ni Ismael nog laki, pipoksunuꞌ-sunuꞌ tidu sog gulang bataꞌ, yonin na siloꞌ Nebayot, doksuꞌ si Kedar, sumunuꞌ si Adbeel, Mibsam, 14 Misma, Duma, Massa, 15 Hadad, Tema, Yetur, Napis, bu si Kedema, ok kinomongudan. 16 Na yonin kini ong ngalan nog gumbataꞌ ni Ismael nog laki. Kotanan nilon miimung nog datuꞌ sok sosuku nok pigbonuwahan nilon, bu ong ngalan nok pigbonuwahan nilon, inalap tidu song mga ngalan nilon. 17 Na pasal ni Ismael, midopotin ok pongumulan nok sogatus bu tolu puluꞌ bu pitu tahun, bangka yanin patoy. 18 Ong mga ponupuꞌ ni Ismael migonong sog lot nog bonuwa Habila bug Sur, tampal silangan nog bonuwa Misir posunguꞌ sog Asiriya. Ondaꞌ ilon poksolobuk nok pigonongan nong mga ponupuꞌ ni Ibrahim nog len.

Pasal sok Koongon ni Esaw bu ni Yaꞌkub^c

19 Na yonin kini ok suksugan pasal sok ponupuꞌ ni , og bataꞌ ni . 20 Migumul si Isahak pat puluꞌ tahun sok kopoglibunin ni Ribeka. Yonin na og bataꞌ ni Betuel bu gilug ni Laban, ong mga tow Aram sog bonuwa Paddan Aram. 21 Sugaid si Ribeka ondiꞌ mokobataꞌ, dadi mingoni-ngoni si Isahak sok Tuhan nog bung mayan mokobataꞌ na og libunin. Na dinuhul nok Tuhan ok pingoni-ngoni nin, bu migbodos na si Ribeka.

22 Tibuwa mibatik ni Ribeka nong mogdinondoloy ong mga bataꞌ sog diyalom tiyanin. Dadi migdiyamatoy yanin, “Manu bayuꞌ maꞌ nini ma og bodosan ku kini?” Dadi mingoni-ngoni yanin sok Tuhan. 23 Na tinumabal ok Tuhan diyanin, “Sog diyalom tiyan nu koyon, duwaꞌ kotow og bataꞌ. Moimung ilon duwaꞌ bangsa nog ondiꞌ moksulut. Na ok solokotow mopagas tidu sok solokotow, bu og gulang bataꞌ pogbayaan nong mongudin.”

24 Dangan midopot na og bulan nok pogbataꞌ ni Ribeka, daꞌdun og duwaꞌ-duwaꞌ in, migbataꞌ yanin nok kambal lunsan laki. 25 Ong mikuna lumuwas, mopula-pula og lawasin bu bolohibuhon, mamaꞌ nok ponapot nog bombulon, saan na iningalanan yanin nog Esaw. 26 Ong mibinayaꞌ lumuwas, mingonggayd sok sakil nok kambalin, saan na iningalanan yanin Yaꞌkub. Sog waktu nog binataꞌ ilon, nom puluꞌ tahun na og gumul ni Isahak.

Poksoliyu ni Esaw sok Kan ok Kopatutin nog Gulang Bataꞌ

27 Dangan sinumolag na og duwaꞌ kotow nog gumbataꞌ kini, si Esaw miimung solobuk mopandoy monganup, bu aluꞌ-aluꞌ na hadja yanin sog gulangan. Sugaid si Yaꞌkub, motonaꞌ nok tow, koleganin song molani na hadja nog . 28 Molasa tokodoy si ni Esaw poꞌ loliyagon yanin kuman nok pinganupanin. Sugaid si Ribeka molasa tokodoy ni Yaꞌkub.

29 Na ongon og gondow, soliyan ni Yaꞌkub moglakbuꞌ nog bulatung pula, mikuliꞌ si Esaw tidu sok ponganupan, bu mogutom tokodoy yanin. 30 Taluꞌ in ni Yaꞌkub, “Bogoyan nu pa akon nog linakbuan nu nok pula koyon, poꞌ mogutomu na tokodoy.” Saan na iningalanan da sop yanin nog Edom, ong maana nin pula. 31 Na tinumabal si Yaꞌkub, “Bogoy nu poguna dinakon ok kopatut nu nok pokkogulang bataꞌ.” 32 Taluꞌ ni Esaw, “Tontong nu ba, posunguꞌ u na matoy nog gutom, olo pa ok kobalan ku nok kopatut nog gulang bataꞌ koyon?” 33 Ok taluꞌ ni Yaꞌkub, “Sapa a poguna dinakon.” Na simapa si Esaw dituꞌ ni Yaꞌkub nog binogoyin ok kopatut nog gulang bataꞌ koyon dun. 34 Puwas nituꞌ binogoyan ni Yaꞌkub si Esaw nok pan bug gutan pula linakbuan bangka yanin kan. Pogdoksuꞌ in kuman bug minum, mipanow na yanin. Ondaꞌ in tokodoy bogoyoy nog halgaꞌ ok kopatut nog gulang bataꞌ.