Binarakatan si Ibram nok Tuhan
12
Na tinaluan nok Tuhan si Ibram,a
“Gonatan nu og bonuwa nu,
gusba-waris nu,
bug mokogulang-gilug nu,
bangka a angoy sog bonuwa nok tonduon ku dinika.
2 Imungon ku ika nong mosolag nog bangsa,
barakatan ku ika bu bantugon ku ong ngalan nu bagun moimunga nog barakat song mga manusiyaꞌ.
3 Barakatan ku ong mga tow nong mokpobais dinika,
bu siksaon ku ong mga tow nok sumuknaꞌ dinika.
Sabap dinika,
mobarakat og lam nok sakup sog dunya.”
Ok Kopanow niloꞌ Ibram sok Kanaan
4 Dadi mipanow si Ibram,
inunutin ok suguan nok Tuhan dun,
bu migunut diyanin ok komanakin nok si Lot.
Ginumonat si Ibram sog Haran sog gumul nok pitu puluꞌ bu lima tahun.
5 Na inoyitin og libunin,
si Saray,
si Lot bug lam nok sosuguonin,
bug pongartaꞌ in tidu sog Haran,
bangka ilon pokposunguꞌ sok Kanaan.
Dangan minatong na siloꞌ Ibram diyon,
6 migdayun ilon toktob sog bonuwa nok Sekem sog binantug nok kayu nong Moreh.
Sog waktu niyon,
diyon pa migbonuwa ong mga tow Kanaan.
7 Doksuꞌ mikpotongow ok Tuhan dituꞌ ni Ibram,
tinaluꞌ in,
“Yonin kini og bonuwa nog bogoyan ku sok ponupuꞌ nu.”
Dadi migimung si Ibram nok pokkurbanan para sok Tuhan.
8 Na tidu diyon mikpinda-pinda siloꞌ Ibram sok kobukidan tampal sok silangan nog lungsud nog Betel,
bangka ilon pokpotindog nog lokow-lokow nilon sog lot nog Betel bug Ay.
Dadi og Betel dapit sindopan bu og Ay sok silangan.
Migimung da sop si Ibram nok pokkurbanan diyon bu sinumabbut yanin song ngalan nok Tuhan Pogbayaꞌ-bayaꞌ,
bangka nin pudjihoy.
9 Doksuꞌ mikpinda-pinda ilon posunguꞌ sog bonuwa nong Negeb.
Ok Kopanow niloꞌ Ibram song Misir
10 Na dinatongan nok ponggutom og bonuwa nok Kanaan,
saan na mipanow siloꞌ Ibram song Misir,b
bagun dituꞌ ilon pogonong soliyan.
11 Dangan posunguꞌ na ilon sumolod sog bonuwa nong Misir,
tinaluan ni Ibram og libunin,
si Saray,
“Dang,
kiosunan ku nong molingkata,
12 dadi bilaꞌ motongowa nong mga tow Misir,
moktaluꞌ ilon nog libun ku ika.
Doksuꞌ patoyon nilon akon,
bu potubuon nilon ika.
13 Taluꞌ nu busung-busung nong mogilug ita,
bagun pobaisan bu potubuon nilon akon sabap dinika.”
14 Pogdatong niloꞌ Ibram song Misir,
mitongow dodaꞌ nong mga tow nog landuꞌ kolingkat og libun ni Ibram koyon.
15 Mitongow da sop nong mga sosaligan ni Pirꞌawn,c
bu piksanglitan nilon og libun koyon sok sunguanin.
Dadi inoyit si Saray dituꞌ sog gastanaꞌ in.
16 Na pibaisan ni Pirꞌawn si Ibram sabap ni Saray bu binogoyan si Ibram nong mga sapiꞌ,
bilibili,
kambing,
mga kudaꞌ himar,
guntaꞌ bug mga sosuguon nog libun bug laki.
17 Sugaid pidatongan nok Tuhan nong mokondok-ondok nong mga saki si Pirꞌawn bug mga sakup sog gastanaꞌ in,
poꞌ inalapin si Saray.
18 Dadi pitawag ni Pirꞌawn si Ibram,
bangka poktaluꞌ,
“Manu pigloputan nu ma akon?
Manu daꞌ a ma pokposun dinakon nog libun nu yanin?
19 Manu tinaluꞌ nu maꞌ nog gilug nu yanin?
Saan na inalapu yanin bagun poglibunon ku.
Na kini na og libun nu,
alap nu na,
bangka amu awaꞌ!”
20 Doksuꞌ simuguꞌ si Pirꞌawn song mga sosuguonin nok pawaon na si Ibram bug libunin song Misir sampoy og lam nok piktowanin bug gartaꞌ in.