Ong mga Ponupuꞌ nog Gumbataꞌ ni Nabi Nuh
10
Na yonin kini ok suksugan pasal song mga ponupuꞌ nog gumbataꞌ ni Nuh,
siloꞌ Sem,
Ham bug Japet.
Migbataꞌ ilon pogdoksuꞌ nog lunup.
2 Og gumbataꞌ ni Japet nog laki,
yonin na siloꞌ Gomer,
Magog,
Maday,
Yawan,
Tubal,
Mesek bug Tiras.
3 Si Gomer,
ongon sop og gumbataꞌ in nog laki,
yonin na siloꞌ Askenas,
Ripat bug Togarma.
4 Ong mga gumbataꞌ ni Yawan nog laki,
yonin na siloꞌ Elisa,
Tarsis,
Kittim bug Dodanim.
5 Na tidu dinilon mikanat ong mga tow sok kilid dagat bu song mga kopuluꞌ-puluan.
Kokoniya migonong sog len-len bonuwa bu moimung len-len og bahasa nilon mounut piktiduhan bug pangkatan nilon.
6 Og gumbataꞌ ni Ham nog laki,
yonin na si Kus,
Misir,
Put bug Kanaan.
7 Si Kus ongon sop og gumbataꞌ in nog laki,
yonin na siloꞌ Seba,
Habila,
Sabta,
Raama bug Sabteka.
Bu og gumbataꞌ ni Raama nog laki,
yonin na si Sheba bug Dedan.
8 Ongon pa sop og bataꞌ ni Kus nog laki,
ong ngalanin si Nimrod.
Si Nimrod ong mikuna mibantug sog ginlupaan pasal sok kowasa nin.
9 Mopandoy yanin monganup sok poktabang nok Tuhan,
dadi ongon og baasa,
“Mamaꞌ yanin ni Nimrod,
mopandoy monganup sok poktabang nok Tuhan.”
10 Ok tolipunan nong mga bonuwa nok pigbayaan ni Nimrod,
yonin na og Babel,
Erek bug Akkad.
Og lam kini sakup nog Babilonyaa.
11 Pogdoksuꞌ niyon,
minangoy yanin sog Asiriya bu piindogin ong mga siyudad nong Ninibe,
Rehobot-Ir,
Kala bug
12 Resen nog diyon sok titongaꞌ nong Ninibe bug Kala.
Yonin na ok solobuk bantug nok siyudad.
13 Si Misir yonin na ok piktiduhan nong mga tow Lud,
Anam,
Lehab bug Naptu,
14 Patrus,
Kaptorb bug Kaslu.
Na ok Kaslu kini,
yonin na ok piktiduhan nong mga tow Pilistinc.
15 Si Kanaan,
yonin na og gommaꞌ niloꞌ Sidon bug Hit.
Si Sidon og gulang bataꞌ.
16 Bu si Kanaan da sop ok piktiduhan nong mga tow Yebus,
Amur,
Girgas,
17 Hib,
Ark,
Sin,
18 Arbad,
Simar bug Hamat.
Doksuꞌ mikanat ong mga ponupuꞌ ni Kanaan.
19 Ok toktoban nog ginlupaan nok tow Kanaan miktidu sok Sidon bug mikodopot pa sampoy sog Gerar,
song molani nog Gasa,
bu og liwagin mikodopot sok Sodom,
Gomora,
Adma bug Seboyim sampoy sog Lasa.
20 Yonin koyon ok ponupuꞌ ni Ham.
Kokoniya migonong sog len-len bonuwa bu miimung len-len og bahasa nilon mounut piktiduhan bug pangkatan nilon.
21 Si Sem,
og gulang bataꞌ ni Japet,
ongon da sop ok tupuꞌ in.
Yanin ok piktiduhan nog lam nok ponupuꞌ ni Eberd,
yonin na ong mga tow Ibrani.
22 Na ong mga gumbataꞌ ni Sem nog laki,
yonin na siloꞌ Elam,
Asur,
Arpaksad,
Lud bug Aram.
23 Ong mga gumbataꞌ ni Aram nog laki,
yonin na siloꞌ Us,
Hul,
Geter bug Mas.e
24 Si Arpaksad,
og gommaꞌ ni Sela,
bu si Sela og gommaꞌ ni Eber.
25 Si Eber,
duwaꞌ kotow og bataꞌ in.
Ok solokotow iningalanan Peleg,f
poꞌ song masa nin tagnaꞌ mikanat-kanat ok tow sog dunya.
Ong ngalan nog gilugin si Yoktan.
26 Na si Yoktan og gommaꞌ niloꞌ Almodad,
Selep,
Hasarmabet,
Yera,
27 Hadoram,
Usal,
Dikla,
28 Obal,
Abimael,
Seba,
29 Opir,
Habila,
bu Yobab.
Og lam nilon koyon yonin na ong mga gumbataꞌ ni Yoktan nog laki.
30 Ok kolupaan nok pigonongan nilon miktolipun song Mesa bu posunguꞌ sok Separ,
sok kobontudan lambul silangan.
31 Ilon na koyon ok ponupuꞌ ni Sem,
ok kokoniya migonong sog len-len bonuwa bu miimung len-len og bahasa nilon mounut sok piktiduhan bug pangkatan nilon.
32 Na yonin kituꞌ og lam nong mga ponupuꞌ ni Nuh mounut song mga piktiduhan bug pangkatan nilon.
Bu tidu dinilon miongon ong mga kobangsahan sog dunya pokpuwas nog lunup.