Ong mga Ponupuꞌ ni Adam tidu sog Bataꞌ in nok si Set
5
Yonin na kini ok suksugan pasal sok ponupuꞌ ni Adam.
Dangan piongon nok Tuhan ong manusiyaꞌ,
inimungin kini nong migbatuk-batuk diyanin.
2 Piongonin ilon nog laki bug libun,
bu binarakatanin,
bangka nin ingalanoy nong Manusiyaꞌ.
3 Na pogdopot sogatus bu tolu puluꞌ tahun og gumul ni Adam,
ongon na sop og bataꞌ in nog laki nok simopu diyanin,
bu iningalanin Set.
4 Tidu bataoy si Set,
kidungagan pa og gumul ni Adam walu gatus tahun,
bu kidungagan pa og bataꞌ in nong mga laki bug libun.
5 Dadi minatoy si Adam sog gumul nok siyam gatus bu tolu puluꞌ tahun.
6 Na dangan migumul si Set sogatus bu lima tahun,
ongon na og bataꞌ in nog laki,
ong ngalanin Enos.
7 Pogdoksuꞌ bataoy si Enos,
kidungagan pa og gumul ni Set walu gatus bu pitu tahun,
bu sog waktu koyon kidungagan pa og bataꞌ in nong mga laki bug libun.
8 Dadi minatoy si Set sog gumul nok siyam gatus bu sopuluꞌ bu duwaꞌ tahun.
9 Na dangan migumul si Enos siyam puluꞌ tahun,
ongon na og bataꞌ in nog laki,
ong ngalanin si Kenan.
10 Tidu bataoy si Kenan,
kidungagan pa og gumul ni Enos walu gatus bu sopuluꞌ bu lima tahun,
bu sog waktu koyon kidungagan pa og bataꞌ in nong mga laki bug libun.
11 Dadi minatoy si Enos sog gumul nok siyam gatus bu lima tahun.
12 Na dangan migumul si Kenan pitu puluꞌ tahun,
ongon na og bataꞌ in nog laki,
ong ngalanin Mahalalel.
13 Pogdoksuꞌ bataoy si Mahalalel,
kidungagan pa og gumul ni Kenan walu gatus bu pat puluꞌ tahun,
bu sog waktu koyon kidungagan pa og bataꞌ in nong mga laki bug libun.
14 Dadi minatoy si Kenan sog gumul nok siyam gatus bu sopuluꞌ tahun.
15 Na dangan migumul si Mahalalel nom puluꞌ bu lima tahun,
ongon na og bataꞌ in nog laki,
ngalanin si Yared.
16 Tidu bataoy si Yared,
kidungagan pa og gumul ni Mahalalel walu gatus bu tolu puluꞌ tahun,
bu sog waktu koyon kidungagan pa og bataꞌ in nong mga laki bug libun.
17 Dadi minatoy si Mahalalel sog gumul nog walu gatus bu siyam puluꞌ bu lima tahun.
18 Na dangan migumul si Yared sogatus bu nom puluꞌ bu duwaꞌ tahun,
ongon na og bataꞌ in nog laki,
ong ngalanin Idris.
19 Pogdoksuꞌ bataoy si Idris,
kidungagan pa og gumul ni Yared walu gatus tahun,
bu sog waktu koyon kidungagan pa og bataꞌ in nong mga laki bug libun.
20 Dadi minatoy si Yared sog gumul nok siyam gatus bu nom puluꞌ bu duwaꞌ tahun.
21 Na dangan migumul si Idris nom puluꞌ bu lima tahun,
ongon na og bataꞌ in nog laki,
ong ngalanin si Metusala.
22 Si Idris kini molani tokodoy sok Tuhan.
Tidu bataoy si Metusala,
kidungagan pa og gumul ni Idris tolu gatus tahun,
bu sog waktu koyon kidungagan pa og bataꞌ in nong mga laki bug libun.
23 Dadi midopot ni Idris og gumul nok tolu gatus bu nom puluꞌ bu lima tahun.
24 Sigi-sigi yanin molani sok Tuhan.
Sunoy pa daꞌ na yanin diya,
poꞌ inalap nok Tuhan.
25 Na dangan migumul si Metusala sogatus bu walu puluꞌ bu pitu tahun,
ongon na og bataꞌ in nog laki,
ngalanin Lamek.
26 Doksuꞌ bataoy si Lamek,
kidungagan pa og gumul ni Metusala pitu gatus bu walu puluꞌ bu duwaꞌ tahun,
bu sog waktu koyon kidungagan pa og bataꞌ in nong mga laki bug libun.
27 Dadi minatoy si Metusala sog gumul nok siyam gatus bu nom puluꞌ bu siyam tahun.
28 Na dangan migumul si Lamek sogatus bu walu puluꞌ bu duwaꞌ tahun,
ongon na og bataꞌ in nog laki.
29 Dadi miktaluꞌ yanin,
“Og bataꞌ u kini mokopokpobogan nok kologon ta pasal sok suknaꞌ nok Tuhan sog lupaꞌ,
bu mokokulang nok poktiksaꞌ ta.”
Dadi iningalananin Nuh.a
30 Tidu bataoy si Nuh,
kidungagan pa og gumul ni Lamek lima gatus bu siyam puluꞌ bu lima tahun,
bu sog waktu koyon kidungagan pa og bataꞌ in nong mga laki bug libun.
31 Dadi minatoy si Lamek sog gumul nok pitu gatus bu pitu puluꞌ bu pitu tahun.
32 Na dangan migumul si Nuh lima gatus tahun,
ongon na ong mga gumbataꞌ in nog laki nok siloꞌ Sem,
Ham bug Japet.