2 SAN PEDRO
San Pedropa K'art'a T'êepema P'ãda
San Pedro, Jesucristopa jùrùt'eradapa na k'art'a p'ãji pëiit'ee jõmaweda Cristode ijãapataarãmaa. Ûraa k'inia baji seewa jarateepataarãpa jarateepata ûrinaadamerã.
Salude jarap'eda, naapùara Pedropa jara bù sãga Cristode ijãapataarãpa waapùara oopataadai irua oopi bùk'a (cap. 1.1-15) mãik'aapa k'irãpapi bù ichia Cristo unuda k'îra awaradaik'ãri. Ichiaba jara bù k'irãpadamerã chonaarãwedapema Ak'õre pedee jarapataarãpa jaradap'edaa ichita uchiapari, Ak'õre Jaurepa jarapida perã (cap. 1.16-21). Jara bù Tachi Ak'õrepa pia–ee ak'ùpari seewa jarapataarã, ichide ijãapataarã k'ûrapata perã (cap. 2). Jara bù sãga pait'ee Cristo cheru ewate; na p'ek'au eujã jõ chek'ãri. Ûraa bù audupùara oopataadamerã Cristopa oopi bùk'a mãik'aapa apidaamaa k'ûrapinaadamerã (cap. 3).