Choodaipia bù Cristode ijãa p'anùde
12
1 Mãpai ma ijãa p'anadap'edaarã chok'araarãpa tachi ak'ùmaa p'anadairã Ak'õre truadeepa, p'anapataadáma ãra p'anapatap'edaak'a. Ara p'irapataarã jîp'a p'irapatak'a panadait'ee ãchi p'ira wãrutamaa, mãga pùk'a Cristode ijãadáma. Oo amaadáma p'ek'au k'achia mãik'aapa ne–inaa Tachi Ak'õrepa oopi–e bù. Jîp'a oodáma Tachi Ak'õrepa k'inia bùk'a, irumaa p'ananaruta misa. 2 Mãga oo p'anùde k'îsiadáma Jesucristode, irua naapùara ijãa bada perã ichi piurumaa. Ârá ichia mãgá tachi k'aripapari, pipùara ijãa wãdamerã piurutamaa. Ichi kurusode chupùria piuk'ãri, k'îra nejasia–e paji mãgá piuit'ee, k'awa bada perã chupùria nâbap'eda, o–îa bait'ee. Mãgá ârá su–ak'ù bù Tachi Ak'õre su–ak'ù beepari juaraare.3 Parãpa k'îsiadaipia bù Jesús chupùria nâbada ijãadak'aa beerã k'aurepa. Ãchia ijãadaamaa p'anajida irua ooda unudak'ãri mãik'aapa irua jarada ûridak'ãri. Mãgá oojida mîda, iru choopachi. Mãgá parã auk'a choodaipia bù irude ijãa p'anùde. Sêdaik'araa bù mãik'aapa p'oyaa choo–eda adaik'araa bù. 4 Parã mãgá choo jõnùde, waide p'ek'au k'achia oopi k'inia p'anùùrãpa parã peeda–e p'anù Jesús peedap'edaak'a. 5 ¿K'îra atua p'anùk'ã Tachi Ak'õrepa parã ûraada, eperãpa chi warra ûraa bùk'a? Iru ley p'ãdade jara bù:
‘Warra, pia k'îsíaji Tachi Ak'õrepa jarateek'ãri ùtrùa pùk'a bùde. Irua k'irãpapik'ãri pùa ne–inaa k'achia oopata, k'îra pia–ee beenáaji. 6 Tachi Ak'õrepa mãgá ùtrùa pùk'a bùde ak'ùpipari pù k'inia iru bù mãik'aapa wùmaa pùk'a bùde miapik'ãri, ak'ùpipari wãara pù ichi warra.’ (Proverbios 3.11-12)
7 Mapa choo p'anadaipia bù mia jõnùde, Tachi Ak'õrepa jarateemaa bairã na eujãdepema ak'õrepa ooparik'a. Mãga oopari ichia k'inia bùta oo k'awaadamerã. Na eujãdepema ak'õreerãpa ãchi warrarã ûraapata mãik'aapa ùtrùapata ne–inaa k'achia oodak'ãri. 8 Mãgá ichiaba Tachi Ak'õrepa oopari. Mãga oo–e pùrã, parã ichi warrarã–e; jîp'a awaraa ak'õredepema. 9 Tachi k'aipee p'anadak'ãri, ak'õreerãpa ùtrùapachida ne–inaa k'achia oodak'ãri. Mapa tachia ãra waawee p'anapachida. Mãgá bù pùrã ak'õreerã na eujãdepema ome, Tachi Ak'õre audupùara waaweedaipia bù irua tachi wùmaa pùk'a iru bak'ãri, iru ome ichita p'anapataadait'ee perã. 10 Taarã–e nùde tachi k'aipeeweda tachi ak'õreerãpa ûraapachida mãik'aapa ùtrùapachida tachimaa ne–inaa oopi k'inia p'anadak'ãri. Jõdee Tachi Ak'õrépata ichita pia ûraapari mãik'aapa ùtrùapari pipùara p'anapataadamerã, t'ãri pia ichik'a. 11 Tachi Ak'õrepa tachi ùtrùamaa bù misa, k'îra pia–ee p'anapata. Mamîda ma t'êepai pia k'îsia p'aneedak'ãri, oo k'awaa wãpata irua oopi k'inia bùk'a mãik'aapa k'ãiwee p'anapata.
12 Maperã t'ãridepai choopatáatù ijãa p'anùde. Parã ûk'uru p'irapataaråk'ata p'anù. Mãùrã îyapaadaidak'ãri, juatau t'ûmaadaipata mãik'aapa bùùrù wëredaipata. ¡Mãgá p'ananáatù! 13 Ma k'ãyaara naawedapema oodap'edaak'a pia oopatáatù Tachi Ak'õrepa parãmaa oopi bùk'a. Mãga ooruta pùrã, pia ijãada–e p'anùùrã pia ijãapidai. Parãpa oo p'anapatak'a ãchia auk'a oo k'inia p'anadai.
K'îrak'aupai Tachi Ak'õre Ûraa ûri k'iniada–e pai
14 Jùrùdaipia bù k'ãiwee p'anapataadait'ee jõmaarã ome mãik'aapa oo p'anapatáatù Tachi Ak'õrepa oopi bùk'a. Mãga oodaipia bù k'awa p'anadairã Tachi Ak'õrepa oopi bùk'a ooda–e p'anùùrã irumaa p'oyaa wãda–e. 15 ¡K'îrak'aupai ijãa amaa p'aneedai Ak'õrepa Jesucristo pëida, ichia tachi k'inia iru bairã! Ichiaba apidaapa ûridaik'araa bù ijãa amaapi k'inia p'anùùrãpa jaratee p'anù Jesucristopa oodade. Ma jaratee p'anù neera k'achíak'ata bù, todak'ãri, chok'ara peepari perã. 16 Apida awaraa ome k'ãiik'araa bù, miak'ãi–e bù pùrã. Ichiaba oodaik'araa bù Esaupa oodak'a. Ichia Tachi Ak'õre waaweek'aa paji. Jacobmaa teeji chi ak'õre net'aa atait'ee pada mãik'aapa Tachi Ak'õrepa iru pia ak'ùit'ee pada, warra naapema pada perã. Mãga teeji chik'o p'arat'u abaa pari. 17 Parãpa k'awa p'anù ma t'êepai pia k'îsiak'ãri, chi ak'õrepa teeit'ee pada net'aa audú ata k'inia baji mãik'aapa audú k'inia baji Tachi Ak'õrepa ichi pia ak'ùmerã. Mamîda audupai jêeji mîda, mãga uchia–e paji, aù naaweda chi ak'õrepa jarada perã Tachi Ak'õrepa jarapidak'a; Jacob pipùara ak'ùit'ee Esaú k'ãyaara.
18 ¡K'îsíatù! Tachi Ak'õre Ûraa chiwidi k'aurepa, parã iru k'ait'aara wãpata israelitaarã wãdap'edaa k'ãyaara, irua Moisemaa jarada k'aurepa. Naaweda irua Moisemaa pedeeji ee ùt'ùa bùdeepa, mama bada perã. Maapai tachi chonaarã mãgà ee ùt'ùa bù k'ait'a wãdap'eda, t'ùpùtau ùt'aa urua nâbùk'a unujida. Ichiaba unujida p'ãriu jâararak'a ma ee aneu cheru. Ma awara ûrijida nãumia pururua nâbù mãik'aapa pa jîwaa nâbù. 19 Mãga unudak'ãri, ichiaba ûrijida trompeta jîwaa nâbù mãik'aapa Tachi Ak'õre ãchimaa pedeemaa bù. Chi mãga ûridap'edaarã audú p'era jõnùpa chupùria iidijida Moisemaa, Tachi Ak'õrepa ãchimaa waa pedeenaamerã. 20 Mãga oojida p'oyaa chooda–e pada perã Tachi Ak'õrepa jarak'ãri:
‘Chi t'ùaru na eede, ne–animal paara, peet'áatù mãupa.’(Éxodo 19.12-13)
21 Ma ewate jõmaarãta p'era para baji. Mapa Moisepa pida mãgaji:
‘Mù audú p'era nâbùda aji.’ (Deuteronomio 9.19)
22 Jõdee mãga–e parã ome. Jîp'a ùt'aa t'âmaa bùde k'ait'a wã p'anù Tachi Ak'õre bùmaa ùt'aripema eede t'âjarapata Sión mãik'aapa Tachi Ak'õre, chi ichita chok'ai bù, k'îrapite panapata ùt'aripema p'uuru Jerusalende. Mama unu p'anù angeleerã cho–k'ara see jõnù, o–îa k'ari para bù. 23 Ichiaba mama unu p'anù Tachi Ak'õre warrarã, chi ùt'ari t'â p'ã jêra bùùrã. Mãgùùrã jõma Tachi Ak'õre warra naapemaarãk'a, Jesucristode ijãapata perã. Mama ichiaba unu p'anù Tachi Ak'õre, na p'ek'au eujãdepemaarãpa pia mãik'aapa k'achia oopata ak'ùpari. Ma awara unu p'anù chonaarãwedapema ijãa p'anapatap'edaarã, p'ek'au k'achia wêe p'anù Cristo k'aurepa. 24 Mama unu p'anù Jesús, Tachi Ak'õrepa pëida ichi ûraa chiwidi jaramerã. Mama iru waa jîap'eda k'aurepa Tachi Ak'õre bùmãi, parã p'ek'au k'achia wêe p'anù iru k'îrapite. Ma waa awara bù Abel waa k'ãyaara. Tachi Ak'õrepa Abel waa unuk'ãri, chi Abel peeda k'achia oo k'inia baji. Mamîda Cristo waa unuk'ãri, irude ijãapataarã p'ek'au k'achia wêpapida perã mãgà waapa, k'achia oo k'iniak'aa Tachi Ak'õrepa.
25 Mapa parãpa Tachi Ak'õre Ûraa ûridaipia bù. Ma ee ùt'ùa bùdeepa pedeek'ãri, Tachi Ak'õrepa chupùria k'awa–e paji pùrã ichi ûraa ûridaamaa p'anadap'edaarã, audupùara tachi iru juadeepa uchiada–e pai, ûridaamaa p'anù pùrã iru ûraa jara pëida ùt'ariipa ichi Warra k'ap'ùa pari. 26 Ma ewate Tachi Ak'õrepa pedeek'ãri, eujã wëre jira ataji. Mamîda ârapema ewari jara bù:
‘Ewari cherude eujã waya wëre jira atait'eeda a bù, pajã paara.’ (Hageo 2.6)
27 Mãgà pedee waya jara k'inia bù ma wëre jira atarude Tachi Ak'õrepa jõt'aait'ee ichia ooda na p'ek'au eujãde nâbù mãik'aapa pajãde nâbù. Jõdee ne–inaa ùt'aripema mãik'aapa ichide ijãapataarã ichiak'au bùit'ee. 28 Mãgá tachi, Tachi Ak'õre trua wërek'aade p'anadait'ee perã, gracias jaradáma irumaa mãik'aapa oodáma irua oopi bùk'a, t'ãripa mãga oo k'inia p'anadairã. Ma awara Tachi Ak'õre waaweedáma, irua mãga k'inia bairã. 29 Ma jõma oodáma Tachi Ak'õrepa ichi ûraa ûri k'iniadak'aa p'anùùrã k'achia ooit'ee perã. Ooit'ee t'ùpùtaupa ne–inaa paa jõt'aaparik'a.