HEBREOS
K'art'a P'ãda Hebreo Pedee Pedeepataarãmaa
Tachi Ak'õrepa<R>ichi Warra it'aideepa jarada
1
1 Chonaarãweda Tachi Ak'õre pedeepachi tachi chonaarãmaa ichi pedee jarapataarã it'aideepa. Mãgùùrãpa jarateepachida Ak'õrepa oopi k'inia bù eperãarãmaa. At'apai jarateepachida; ûraade mãik'aapa k'aride. 2 Mamîda Tachi Ak'õre Warra, Jesucristo chedak'ãriipa na p'ek'au eujãdee, Tachi Ak'õre pedeepari iru k'ap'ùa pari. Ichi Warramaa ne–inaa jõmaweda ùt'à nâbù mãik'aapa eujãde nâbù oopiji. K'îsia iru baji ma jõmaweda teeit'ee chi Warramaa ichi–it'ee iru bamerã. 3 Chi Warra chi ak'õre jîak'a bù. Iru bù jõma chi ak'õre k'îra wãree. Iru pedeerupapai ne–inaa jõma iru juade nâbù. Piup'eda Tachi Ak'õrepa tachia p'ek'au k'achia oopata wêpapiit'ee, ùt'aa wãji mãik'aapa Tachi Ak'õre juaraare ùt'ari su–ak'ù banaji.Jesucristo angeleerã k'ãyaara waibùara bù
4 Tachi Ak'õrepa ichi angeleerãmaa “chok'apariirã” apari. Mamîda chi warramaa “Warra” apari. K'awa p'anù eperã warra chi mimiapari k'ãyaara waibùara bù. Mãgá ichiaba Tachi Ak'õre Warra waibùara bù ichi angeleerã k'ãyaara. 5 Tachi Ak'õrepa waide jara–e paji ichi angeleerã apidaamaa:
‘Mùa idi jõmaarãmaa jara bù pù mù Warra.’ (Salmos 2.7)
Ma awara ichi ángel apidaamaa jara–e paji:
‘Mù pù ak'õre pait'ee. Jõdee pù mù warra pait'ee.’ (2 Samuel 7.14)
6 Mamîda chi Warra naapema jõmaarã k'ãyaara waibùara bairã, iru na p'ek'au eujãdee pëik'ãri, jaraji ichi angeleerãmaa:
‘Bedabáitù mù Warra k'îrapite mãik'aapa ùt'aa t'çtù irumaa.’ (Salmos 97.7)
7 Angeleerã nãga p'anùda a bù ichi ley p'ãdade:
‘Irua ichi angeleerã nãuk'a papipari mãik'aapa wêpapipari maa–e pùrã t'ùpùtauk'a uruapipari mãik'aapa k'îipipari.’ (Salmos 104.4)
8 Mamîda nãga bùda a bù chi Warra:
‘Tachi Ak'õreda, a bù, pù ichita jõmaarã rey bapariit'ee, na p'ek'au eujã jõru pùjida. K'achia wêe bapari perã, pùa pia ak'ù bapari pù jua ek'ari p'anùùrã. 9 Ne–inaa pia aupai oo k'inia bapachi. P'ek'au k'achia ooamaa bada perã, p'ek'au k'achia wêe bù. Maperã pù Ak'õre, Tachi Ak'õrepa pù jùrùt'eraji waibùara pamerã pù k'õp'ãyoorã k'ãyaara. Mãga ook'ãri, pù o–îapiji.’ (Salmos 45.6-7)
10 Tachi Ak'õrepa chi Warramaa ichiaba mãgaji:
‘Eperãarã Ak'ùpari Waibùa, ewaaweda pùata pùchi juadoopa ooji na p'ek'au eujã mãik'aapa pajã. 11 Ma jõmaweda p'aru sorek'a pak'oodaridait'ee mãik'aapa jõdaridait'ee. Mamîda pù ichita bapariit'ee, na p'ek'au eujã jõru pùjida. 12 Na eujã pari pùa eujã mãik'aapa pajã chiwidi ooit'ee. Mamîda pù jõ–e; ichita bapari perã.’ (Salmos 102.25-27)
13 Tachi Ak'õrepa ichi ángel apidaamaa jara–e paji:
‘Pù mù ome auk'a waibùa bairã, mù juaraare su–ak'ù béeji, mùa pù k'îra unuamaa iru p'anapataarã p'oyaaru misa.’ (Salmos 110.1)
14 Mãga jara–e paji, Tachi Ak'õrepa ichi angeleerã jõmaweda pëipari perã na eujãdee eperãarã k'aripade. Ãra eperã k'ap'ùa wêe p'anù mîda, Tachi Ak'õrepa ãra pëipari ichimaa wãdait'eerã k'aripadamerã.