2 TIMOTEO
San Pablopa K'art'a T'êepema P'ãda Timoteomaa
Salude pëida
1
1 Mù, Pablopa na k'art'a p'ã pëiru Timoteomaa. Tachi Ak'õrepa k'inia bada perã, mù jùrùt'eraji Jesucristopa pëimerã ichi ûraa jarateede. Ma pedee jaratee bù k'aurepa eperãarã Cristode ijãapata mãik'aapa ùt'aa wãpata. 2 Timoteo, mùa pù k'inia iru bù mùchi warrak'a. Ùt'aa iidi bù Tachi Ak'õrepa mãik'aapa Tachi Waibùa Jesucristopa pù pia ak'ù p'anadamerã mãik'aapa chupùria k'awaadamerã. Mãgá pù k'ãiwee bapariit'ee.Pablopa Timoteo ûraada
3 Mùchi chonaarã judiorãpa oopatap'edaak'a, k'îra jîp'a mùa oo bù Tachi Ak'õrepa oopi bùk'a. Mapa ichita pù k'irãpapari ùt'aa t'âk'ãri; ãstaawa, p'ãrik'ua pida mãik'aapa ichita gracias jarapari Tachi Ak'õremaa pù pari. 4 K'irãpa bù pù jêe nâbada mù uchiak'ãri pù ik'aawaapa. Mapa pù waya unu k'inia bù. Unuruta pùrã, mù wãara o–îa bait'ee. 5 Ichiaba mùa k'irãpa bù pù Jesucristode ijãak'ãri, t'ãripa ijãaji pù awela Loida mãik'aapa pù nawe Eunice ijãapatap'edaak'a. K'awa bù ârá pù auk'a wãara ijãa bù ãrak'a.
6 Mapa k'irãpapi k'inia bù Tachi Ak'õre Jaurepa pùmaa oopida, mù jua pù ârù bùk'ãri. Irua ichita mãga oopi k'inia bù pùmaa. Mapa t'ãripa óoji irua oopi bùk'a. Mãgá ijãapataarã pù jua ek'ari p'anù pipùara k'aripait'ee. 7 Tachi Ak'õrepa ichi Jaure ba chepi–e paji tachi ijãapataarãmaa, waawee–idaa p'anadamerã. Ma k'ãyaara ichi Jaure pëiji mãgà juapa tachia choodamerã irude ijãa p'anùde; awaraarã k'inia iru p'anadamerã mãik'aapa k'awaadamerã ne–inaa k'achia k'îra t'ãdoo oo amaadait'ee. 8 Maperã k'îra nejasianáaji jarateeit'ee Tachi Waibùapa ooda eperãarã k'aripait'ee. Ichiaba k'îra nejasianáaji mù pù k'õp'ãyo perã, mù carcelde nâbù mîda Cristo k'aurepa. Ma k'ãyaara, chóoji Cristode ijãa bùde, awaraarãpa pù ichiaba miapiruta pùjida ma ijãa bù k'aurepa. ¡Tachi Ak'õrepa pù k'aripait'eepù! 9 Ichiata tachi o k'achiadeepa k'aripa ataji mãik'aapa tachi jùrùji ichideerã papiit'ee. Tachi mãgá k'aripa–e paji ne–inaa pia oopata perã. Jîp'a mãga ooji na eujã ooi naaweda, ichia k'îsia iru bada perã tachi pia ooit'ee Jesucristo k'aurepa. 10 Mãgà k'îsia iru bada k'awapiji, Tachi K'aripapari Jesucristo pëik'ãri na p'ek'au eujãdee. Iru chok'ai p'irabaik'ãri, ak'ùpiji tachi jida mãga oodai, irude ijãaruta pùrã. Ma awara irua jarateeda k'aurepa k'awa p'anù na p'ek'au eujãde p'anù misa, irua k'inia bùk'a p'anadai mãik'aapa aù t'êepai, ùt'ari ichita p'anadait'ee iru ome.
11 Ma jara pëidata jarateemerã Tachi Ak'õrepa mù jùrùt'eraji mãik'aapa Jesucristopa mù pëiji. 12 Ma k'aurépata mù mia nâbù nama carcelde. Mamîda mù k'îra nejasia–e, k'awa bairã k'aideta ijãa bù. Mãgà Jesucristo. Irua ne–inaa jõmaweda oopari. Mapa mùa k'awa bù irua jarateepida mùmaa jâait'ee, Tachi Ak'õre ewari waibùa ewate paru misa.
13 Ma jarateepidata pùmaa jaraji. K'irãpáji wãara perã. Ichiaba awaraarãmaa ma jîak'a jaratéeji. Mãga ooru misa, chóoji Jesucristode ijãa bùde mãik'aapa awaraarã k'inia iru báji iru k'ap'ùa pari. 14 Jçaji Tachi Ak'õrepa wãarata pùmaa jara pëida. Tachi Ak'õre Jaure, tachi ome baparipa pù k'aripait'ee.
15 Pùa k'awa bù perá jõma Asiadepema ijãapataarãpa mù yiaraa iru p'anù; Figelo, Hermógenes paara. 16 Onesiforopa aupaita mãga oo–e paji. At'apai mù k'aripa cheji. Mù carcelde nâbù mîda, #iru k'îra nejasia–ee baji mù k'aripa cheit'ee. Mapa mùa ùt'aa iidi bù Tachi Ak'õrepa Onesiforodeerã chupùria k'awaamerã. 17 K'îra nejasia bai k'ãyaara, Onesíforo Romade pachek'ãri, âi–ee mù jùrù cheji unu atarumaa. 18 Irua mù chupùria k'awaadak'a, mùa iidi bù Tachi Ak'õrepa iru auk'a chupùria k'awaamerã iru ewari waibùa ewate pak'ãri. Pùa pia k'awa bù jõmaweda Onesiforopa ooda ichiaba mù k'aripait'ee, Éfeso p'uurude bak'ãri.