LX 106 PÙMAA ÙT'AA T'ÂPATA TACHI AK'ÕRE WAIBÙA
¡Te loamos, Oh Dios! (Revive us again Gr coro 353)
7
1 Pùmaa ùt'aa t'âpata, Ak'õre, otau aba pùk'a bùde Pù Warra Cristo tachimaa pëida perã. Coro: Aleluya k'aripata pùa tachi k'inia iru bairã. Aleluya k'aripata pùmaa, Ak'õre Waibùa. Pùmaa ùt'aa t'âpata, Jesús, pù na eujãdee cheda perã; Tachi k'aripada perã kurusode piuk'ãri. Coro. Pùmaa ùt'aa t'âpata, Ak'õre Waibùa Jaure Tachi t'ãri o–îapi bairã, k'ãiweepi bairã. Coro. Ùt'aa t'âpata pùmaa, Tachi Ak'õre Waibùa Pùa tachi mãgá k'aripapari perã. Coro.
LX 107 PIA BÙ IJÃAIT'EE CRISTODE @
¡Oh cuán dulce es fiar en Cristo!
Pia bù ijãait'ee Cristode; bapariit'ee irua k'inia bùk'a; Nipait'ee iru o pia bùde, iru cheru nùit'ee. Coro: Jesucristo, Jesucristo, pùa mù k'inia iru bù. Jesucristo, Jesucristo, pùde ichita ijãait'ee. Pia bù ijãait'ee Cristode; ooit'ee irua oopi bùk'a; Ûriit'ee iru ûraa pia; pedee wãara ijãait'ee. Coro. Pia bù ijãait'ee Cristode; iru ome nipait'ee. Ùt'aripema net'aa pia mùmaa unupiit'ee. Coro. Pia bù ijãait'ee Cristode; mù t'ãride bapariit'ee; Chok'ai bùde, piuk'ãri, mù ome ichita bait'ee. Coro.
Noche de paz, noche de amor (Freddy)
P'ãrik'ua pia, Ak'õrepa ooda; Eperãarã k'ãi p'anùde Luceromãi âdaa beeji Ne–inaa pia, k'îra wãree. Pia âdaa beeji.// P'ãrik'ua pia, Ak'õrepa ooda; Angeleerãpa unupijida. Jesús t'oda jara chejida Ovejaarã ak'ùpataarãmaa. Jesucristo t'oji.// P'ãrik'ua pia, Ak'õrepa ooda; Awêrapa warra t'oji. Ichi warra k'îra wãree, Eperãarã rey pait'ee. Tachi Rey t'oji.// P'ãrik'ua pia, Ak'õrepa ooda; Iru Warra eperã beeji Ak'õre o ak'ùpiit'ee; Eperãarã k'aripait'ee. Tachi K'aripapari.//
LX 109 NE–ANIMALAARÃ NEK'OPATA TEDE @
Allá en un pesebre (Roland)
Ne–animalaarã nek'opata tede; k'ãipari wêe, Warra Jesús jêra baji. Ùt'ariipa luceropa ak'ù p'anajida, Warra Jesús k'ãi bùmãi. P'ak'a bia bùpa warra ârùmaji. Mamîda jêe–ee, ip'ii beeji. Jesús, mùa pù k'inia iru bù. Ùt'ariipa mù ak'ù bapariit'ee. Mù k'ait'a béeji, Ak'õre Jesús. Mù k'inia iru báji pù t'ãri pia bairã. Jõmaarã warrarã pù juade p'anù. Pù ome ichita p'ana k'inia p'anù.
Gloria a Dios en las alturas (Freddy)
O–îa p'anadáma; Tachi Ak'õre cheji. Tachi rey namaa cheji. T'ãripa ijãadáma irude. Coro: K'aridáma irumaa, k'aridáma irumaa, K'aridáma irumaa. O–îa p'anadáma tachi rey ome Iru nama cheda perã. Tachi ome bapariit'ee, tachi ome bapariit'ee. Coro. P'ek'au k'achia oo amaadáma. P'anadáma iru jua ek'ari. Cheji tachi k'aripait'ee, cheji tachi k'aripait'ee. Coro. Tachi reypa tachi ak'ù bapari. Wãarata jarapari. Tachi k'inia iru bapari, tachi k'inia iru bapari. Coro.
LX 111 BELÉN P'UURU K'AIPEEDE JESUCRISTO T'OJI @
Oh pequeño pueblo de Belén (Roland)
Belén p'uuru k'aipeede Jesucristo t'oji. Eperãarã k'ãi p'anùde, Ak'õre âdaa paji. O–îa ùt'aa t'âdáma Ak'õre Waibùamaa Iru Warra pëida perã na eujãdepemaarãmaa. K'îup'ee p'anù misa, Ak'õre tachimaa cheji. Iru Warra k'ap'ùa pari iru o ak'ùpiji. K'achia oopataarãpa ijãadaamaa p'anù mîda, Irude ijãapataarã p'anapata iru ome. Belende t'oda Cristo, ba chéji tachi ome. Tachi k'aripáji mãik'aapa p'ek'au wêpapíji. Angeleerã k'aripata eperãarã ijãadak'ãri. Ba chéji tachi ome, Jesús, Ak'õre Waibùa.
LX 112 NAMA PÙ BAPARIIT'EE Himno de navidad
Dejaste tu trono (Thou didst leave thy throne From Worship and Service Hymnal p. 25)
Ùt'ariipa uchiak'ãri, Na eujãdee chek'ãri, Tachi rey pait'ee, Belende te unu–e paji Aùde t'oit'ee. Coro: Ba chéji mù t'ãride. Nama pù bapariit'ee. Pù ùt'ari bak'ãri, Angeleerã k'aripata Pù jõmaarã k'ãyaara waibùara bù. Mamîda na eujãde t'ok'ãri, Chupùria pù t'oji. Coro. Pù cheru ewate Angeleerã k'aridait'ee Netuaraarã p'oyaait'ee perã. Ma ewate mù t'â jarait'ee Ùt'aa wãmerã pù ome. Coro.
LX 113 ALELUYA, CHOK'AI BÙ Himno semana santa
Cristo resucitó Gr hymnal 72
Tachi Waibùa jitajida teedait'ee k'achiarãmaa. Iru oo iru p'anadap'eda, peet'aajida. Coro: Mamîda chok'ai p'irabaiji; Netuaraarã jõma p'oyaaji. Ichi peedap'edaarã paara p'oyaaji. Ârá ùt'ari chok'ai bù misa, tachi k'aripapari. Chok'ai bù, chok'ai bù, Aleluya, chok'ai bù. Jãùrade ùajida, Jesús Tachi K'aripapari. Ewari õpee, mama baji. Coro.
LX 114 EWARI ABA Hímno semana santa
Na eujãdepemaarã t'ãri k'achia p'anadak'ãri, Ewari aba Jesucristo t'oji. Uchiaji ichi trua piadeepa, K'achia ooyaa beerã k'aripait'ee. Coro: Na eujãde nipak'ãri, Ak'õre o ak'ùpiji. Kurusode piuji p'ek'au k'achia wêpapiit'ee. Ârá chupùria iidi bù ichideerã pari. Na ewari cheit'ee. Mùa iru nùit'ee. Ichi auk'aarãpa iru ateedak'ãri, Ewari aba peepidait'ee, Mia nâbeeji; ichi waa bat'a nâbeeji, Tachi p'ek'au k'achia wêpapiit'ee. Coro. Ùadap'eda, iru ituaba bak'ãri, Ewari aba chok'ai p'irabaiji. K'ap'ùa chiwidide ichi nipap'eda, K'õp'ãyoorã unup'eda, ichi truadee wãji. Coro. Ichideerã atade ichi waya chek'ãri, Mãgà ewari mùa iru unuit'ee. Mãga pak'ãri, mù o–îa bait'ee. Ichita Jesús ome mù banait'ee. Coro.
LX 115 MÙ K'ARIPAPARI CHOK'AI BÙ @
Al Cristo vivo sirvo (Roland)
Mùa Cristode ijãapari. Na eujãde iru bapari. Awaraarãpa ijãada–e p'anù mîda, mùa iru k'awa bù. Iru jua unupari; iru pedee ûripari. Irumaa ùt'aa t'âk'ãri, mù k'aripa chepari. Coro: Chok'ai bù, chok'ai bù, mù k'aripapari chok'ai bù. Mù ome ni mù wãrumaa mù k'inia iru bairã. Chok'ai bù, chok'ai bù, k'achiadeepa mù uchiapiji. Mùa mãga k'awa bù, mù t'ãride bapari perã. Iru jua unupari ne–inaa jõmaade. Mù t'ãri p'ua nâbeek'ãri, mù o–îapiit'ee. Iru ode ni perã mù ak'ù bapariit'ee Mãik'aapa ewari cherude waya cheit'ee. Coro. O–îa p'anadáma Cristodeerã jõmaweda. Irumaa k'aridáma iru tachi rey perã. Eperãarã k'aripapari p'ek'au k'achiadeepa. Iruk'a awaraa wê–e tachi k'aripait'ee. Coro.
LX 116 MÙ PIUJI PÙ PARI @
Mi vida di por ti (Roland)
Mù piuji pù pari; mù waa bat'aji. Mù wùjida pù pari, mùa pù k'aripait'ee. Coro: Pù pari, pù pari chupùria nâbaji. Pùa, ¿k'ãata ooit'ee mù pari?// Mù k'îra wãree eujãdeepa na p'ek'au eujãdee cheji Eperãarã o k'achiadeepa k'aripa atait'ee. Coro. Mù yiaraa iru p'anadap'eda, t'ãri p'ua nâbeeji. Pù pari chupùria nâbap'eda, pù pari mù piuji. Coro. Ârá mù Jaure k'ap'ùa mù pùmaa cheji Awaraarã k'inia iru bamerã mùa pù k'aripak'ãri. Coro.
AWARAA K'ARI
LX 117 CUMPLEAÑOS FELIZ @
¡Cumpleaños feliz! Pùmaa o–îa k'ari p'anù Ak'õrepa pù pia ak'ù bamerã. ¡Cumpleaños feliz! ¡Cumpleaños feliz! Pùmaa o–îa k'ari p'anù Año chok'ara bapariimerã Tachi Waibùa Cristo ome.
13 Coro: Oh, Colombia k'îra wãree, tachi eujã pia bee. Chõo para bù mîda pùde, pia uchiadait'ee, Ak'õrepa tachi k'aripait'ee. Oh, Colombia k'îra wãree, tachi eujã pia bee. Chõo para bù mîda pùde, Ak'õrepa tachi k'aripait'ee. Jura chõodap'eda, jêe p'aneejida, Chîara jua ek'ariipa uchiajida mîda. Madeepa uchiadap'edaarã Pùde at'ãri p'anadairã, Ârá k'awa wãda kurusode piuda pedee. Coro.