Israelitaarã k'achia p'anapata
7
1 ¡Aai, mù, Miqueas, t'ãri p'ua nâbùpù! Mù eperãk'a bù iru jarrapisia nâbak'ãri, uvajõ wa higojõ warraa bee jùrù wãpari; mamîda nejõ orodap'edaa ewari wãyaada perã, maarepida unu–e. 2 Na eujãde Tachi Ak'õrepa jara bùk'a oopataarã wê–e p'anù, t'ãri jîp'a p'anapataarã paara. Na eujãdepemaarã jõmaweda k'îsiapata sãgá awaraarã peedai mãik'aapa sãgá ãchi auk'aarã trampade baaipidai. 3 Ne–inaa k'achia ooi awaa p'anapata. Ãra poro waibùarãpa p'arat'a wa net'aa iidipata ãchi mimia oopata pari. Charraarãpa p'arat'a jitapata k'achia oo–ee p'anùùrã miapidait'ee. Eperãarã waibùa beerãpa ãchi k'iniata oopata. Chik'aripapata auk'a ne–inaa k'achia oodait'ee. 4 Ãradepema pipùara beerã ne–ùùrù–idáak'apù p'anù. P'uuru jâapari muralladeepa tachi k'îra unuamaa cheruta jaraparik'a, mãga pùk'a Tachi Ak'õre pedee jarapataarãpa jarapatak'a p'asaru. Tachi Ak'õrepa mãgee eperãarã miapiit'ee. Mãga nâbùde eperãarãpa k'awada–e pait'ee k'ãata oodaipia bù. 5 Mapa ijãanáatù parã k'ait'a p'anapataarãpa jara p'anù mãik'aapa oonáatù pãchi k'õp'ãyoorãpa jara p'anùk'a. K'îra k'aupai pãchia oo k'îsia p'anù jaradai pãchi wêraarãmaa paara. 6 Mùa mãga jara bù ârawedapema ewari warrarãpa ãchi ak'õreerã waaweedak'aa perã mãik'aapa k'aurãpa ãchi naweerãpa jara p'anùk'a oodaamaa p'anapata perã, ma awara ãiguurã ãchi p'ak'õreerã ome aupedeepata perã. Pia jarait'eera eperãdeerã ichi k'îra unuamaa iru p'anapataaråk'apù p'anù. 7 Mamîda mùta ijãapariit'ee Jõmaarã Ak'õre Waibùade mãik'aapa nùit'ee irua mù k'aripa chemerã k'awa bairã irua mù ùt'aa t'âpari ûriit'ee.Tachi Ak'õrepa ichi eperãarã k'aripait'ee
8 Jerusalén p'uurudepemaarãpa jarapata: “Tai k'îra unuamaa iru p'anapataarã, o–îa p'ananáatù tai k'achiade baaidap'edaa perã. Mãga p'anù mîda, waya pia uchiadait'ee. P'ãriu pùk'ade p'anù mîda, tai–it'ee Jõmaarã Ak'õre Waibùa âdaa pùk'a bait'ee. 9 Taipa p'ek'au k'achia oopatap'edaa perã Tachi Ak'õre Waibùa k'îrapite, iru k'îraupijida. Maperã tai miapiit'ee ichi k'îrau wêparu misa. Maap'eda tai chupùria k'awaait'ee mãik'aapa tai k'îra unuamaa iru p'anapataarã juadeepa uchia atait'ee ichi âdaa pùk'a bùde. Irua mãga ook'ãri, tachi taupa unudait'ee. 10 Ichiaba tai k'îra unuamaa iru p'anapataarãpa mãga unudait'ee mãik'aapa k'îra nejasia p'aneedait'ee taimaa jaradap'edaa perã: “¿Sãma bùma pãchi Ak'õre Waibùa?” Maapai taita o–îa p'anadait'ee unudak'ãri mãùrã k'achiade baairuta. Mãùrã calle jãdepema yooro–idaa bàk'apù p'anadait'ee eperãarã aù ârù t'ùapataadak'ãri.
Jerusalén p'uuru waya oodait'ee
Miqueapa ùt'aa iidida
14 Ak'õre Waibùa, pù p'uuru pidaarã pia ak'ù baparíiji pùa ãra jùrùt'erada perã pùchi eperãarã p'anadamerã. Ãra ak'ùparíiji ovejaarã ak'ùparipa ichi ovejaarã ak'ùparik'a. ¡Ârá tai na eujã mak'ùara pania wêe bùde ituaba p'anapata mîda, na eujã ik'aawa eujã bee pi–ia bù ne–uudait'ee! Mapa ãra atéeji ãra auk'aarã chonaarãweda p'anapatap'edaamaa; p'ûajara paraamaa Basán eujãde mãik'aapa Galaad eujãde. 15 Ne–inaa eperãarãpa p'oyaa oodak'aa ãchi juadoopa óoji pùa oodak'a tai chonaarã Egipto eujãdeepa uchiapik'ãri. 16 ¡Pùa mãga ook'ãri, taipa k'inia p'anù awaraa eujãdepemaarã, tai eujã k'ãyaara eujã waibùara bùdepema p'anù pùjida, k'îra nejasia p'aneedamerã ãra tai ek'ariara p'anadait'ee perã! ¡K'inia p'anù ãchi it'ai, k'ùùrù paara juapa t'ap'a bùdamerã p'era pùk'a jõnùpa! 17 ¡K'inia p'anù taamak'a yooro p'orade jêra p'aneedamerã ak'ùpidait'ee tai k'ãyaara ek'ariara p'anù! ¡K'inia p'anù ãra ãchi p'uuru murallapa t'ùak'au beedeepa wërewëree uchiadamerã p'era jõnùpa mãik'aapa k'inia p'anù pù, Tachi Ak'õre Waibùa waaweedamerã mãik'aapa pùde ijãapataadamerã!
Tachi Ak'õrepa ichi p'uuru pidaarã k'inia iru bapari