K'oraa nejõ waraa bee ome Amopa k'ãimok'araa pùk'a bùde unuda
8
1 K'ãimok'araa pùk'a bùde Tachi Ak'õre Waibùapa mùmaa nãga unupiji: K'oraa nejõ waraa bee ome baji. 2 Irua mùmaa iidiji:—Amós, ¿k'ãata unu bùma? aji.
Mùa p'anauji:
—K'oraa nejõ waraa bee ome unu bùda aji.
Mãpai Ak'õre Waibùapa mãgaji:
—Na nejõ waraa bee taarã–e bùde berauit'ee bùk'a, mãga pùk'a taarã–e bùde mù eperãarã, israelitaarã jõdait'ee. Mapa mù waa k'îsia awara ata–e pait'ee. Ãrapa p'ek'au k'achia oopata k'aurepa mùa ãra ichita miapiit'ee. 3 Ma ewari k'ari ârá palaciode o–îapa k'aripata chi–ùapata k'ari p'aneedait'ee. Eperãarã chok'ara piuk'oodait'ee mãik'aapa mãùrã k'ap'ùa piuda p'e atarutade maarepida biuk'a wê–e pait'ee.
Tachi Ak'õrepa israelitaarã miapiit'ee ewari
4 Mãpai Amopa jaraji: “Ûrítù parã netopataarã, chi ne–inaa k'achia oopataarãpa chupùria beerãmaa mãik'aapa juatau wêe beerãmaa. Ne–animalaarã yooro ârù t'ùadak'ãri, piarsîpatak'a, mãga pùk'a parãpa mãùrãmaa ne–inaa k'achia oopata. 5 ¿Pãchi t'ãridepai nãga jarapata–ek'ã? “¿Sãapai atane naapema ewaria wãyaait'eema? Ma ewari wãyaada t'êepai taipa trigo netodait'ee. ¿Sãapai âipata ewarib wãyaait'eema? Ma ewari wãyaada t'êepai taipa trigo âpùa netodait'ee mãik'aapa chaapari chùk'ùa chaaparidec net'a tau chaadait'ee. 6 Net'a tau ãri baibùta/ berau baibùta paara chupùria beerãmaa netodait'ee mãik'aapa ãrapa tai ome tewe paraa p'aneeruta pùrã, p'arat'a wa chancla omé pùjida, taipa ãra k'ap'ùa neto atadait'ee tai esclavoorã papidait'ee. 7 Tachi Ak'õre Waibùa, israelitaarãpa ijãapatada apata Ak'õre Waibùapa nãga juraaji: “Mùa mãùrãpa ne–inaa k'achia oopata k'îra atuak'aa pait'ee.”
8 Mãùrãpa ne–inaa k'achia oopata k'aurepa mù, Jõmaarã Ak'õre Waibùapa na eujã wërepiit'ee aùde p'anapataarã jêedamerã mãik'aapa chi–ùa p'aneedamerã. Mãgá na eujã #jirait'ee mãik'aapa #jiratùit'ee año chaa Nilo to ooparik'a k'oijara pak'ãri. 9 Ma ewari imat'ùpaweda mù, Jõmaarã Ak'õre Waibùapa ak'õrejîru baaipiit'ee mãik'aapa ãstaawaweda na eujã p'ãriupiit'ee. 10 Maapai parãpa fiesta o–îa oodai k'ãyaara pãchi piudap'edaarã k'aurepa chi–ùadait'ee mãik'aapa fiestadepema k'ari o–îa k'aridai k'ãyaara jarajêedait'ee. Mùa parã jõmaarãmaa t'ãri p'uapiit'ee chi–ùapata p'aru jâ p'aneedamerã mãik'aapa pãchi poro wêdamerã. Ak'õreerãpa ãchi warra aupai piuda k'aurepa chi–ùapatak'a, mãga pùk'a mùa parãmaa chi–ùapiit'ee parã–it'ee ma ewari audú k'achia bait'ee perã. 11 Ewari cherude mù, Jõmaarã Ak'õre Waibùapa jarrajara pùk'a papiit'ee pãchi eujãde. Made jarra ooda–e pait'ee chik'o wê–e perã mãik'aapa opisia jõnada–e pait'ee pania wê–e perã. Jarrapisia pùk'a p'anadait'ee Ak'õre pedee ûrida–e pait'ee perã. 12 Maapai eperãarãpa mù pedee jarapari pariatua jùrù nipadait'ee na eujãde; oriente eerepema p'usadeepa sur eerepema p'usa parumaa mãik'aapa norte eereepa oriente eere parumaa. Mamîda apida unuda–e pait'ee. 13 Maapai awêraarã, k'ûtrãarã ome opisiapa k'îra k'îdait'ee na eujãde pania paara unuda–e pait'ee perã. 14 Ma ewari Samaria p'uurudepema ne–inaa juapa ooda aù k'îrapite ùt'aa t'âpata t'âde k'îra nejasia juraapataarã mãik'aapa Dandeepa uchiadap'edaarã eujãdepema ak'õre waibùa chok'ai bùda apata t'âde juraapataarã ma awara Berseba p'uurudepema ak'õre waibùa chok'ai bùda apata t'âde juraapataarã; ma jõmaarã eujãde baaidait'ee waa p'irabaida–ee.