Tachi Ak'õrepa israelitaarã jõpiit'ee bù
6
1 ¡Aai, Tachi Ak'õre Waibùapa k'achia ooit'ee parã Judá eujãdepema p'uuru waibùa Sionde pia p'anapataarã! ¡Ichiaba k'achia ooit'ee parã Israel eujãdepema p'uuru waibùa Samaria p'uurude k'ãiwee p'anapataarã! Mãga ooit'ee parã Israel, awaraa eujã k'ãyaara waibùara bùdepema poro waibùarã mîda mãik'aapa israelitaarã parãmaa k'aripa iidide wãpata mîda. 2 Wåtù Calné p'uuru waibùa ak'ùde mãik'aapa Jamata p'uuru waibùa ak'ùde, maap'eda Gatb p'uuru waibùa ak'ùde. ¿K'îsia p'anùk'ã parã ma p'uuru pidaarã k'ãyaara pipùara p'anù? ¿K'îsia p'anùk'ã parã eujã mãùrã eujã k'ãyaara pipùara bù? 3 Parãpa k'îsia k'iniadak'aa parã jõdait'ee ewaride. Mamîda parã k'achia p'anapata k'aurepa ma ewari isapaira pait'ee. Mãga pak'ãri, parã k'achia beerã jua ek'ari p'aneedait'ee. 4 ¡Aai, wãara Tachi Ak'õre Waibùapa parã k'achiade baaipiit'ee! Nek'odak'ãri, k'oo–idaarã jêra beepatak'a, parã jêra beepata sofa pi–ia marfildee oodade. Mãga nùde oveja chak'eerã chiara mãik'aapa p'ak'a chak'eerã chiara o–îa k'opata. 5 Lirade wa arpade parãpa chaapata k'ari pãchi juadoopa p'ãdap'edaa, Davidpa oopariidak'a. Mãga oopata k'îsiapata perã David ome auk'a p'anù. 6 Copade vino todai k'ãyaara, tazade topata waibùa to k'inia p'anadairã. ¡Audua p'anadairã pãchi k'ap'ùade k'era âpùara bù p'urupata, maarepida k'îsiada–ee Josedeepa uchiadap'edaarã jõdait'ee ewaride! 7 Mãga p'anapata perã ma ewari k'achia beerãpa parã awaraarã naa t'ùmà ateedait'ee. Mãgá parã waa jêra beeda–e pait'ee nek'odak'ãri waa fiesta ooda–ee p'anadait'ee perã.8 Tachi Ak'õre Waibùapa ichi t'âde nãga juraa bù:
“Mùa unuamaa iru bù Israeldeepa uchiadap'edaa audua beerã ãchi palacio ome. Ãra p'uuru waibùac aùde nâbù ome ãra k'îra unuamaa iru p'anapataarã juade baaipiit'ee.”
9 Maapai te abaade ùmùk'îraarã diez miruruta pùrã, ma diez piuk'oodait'ee. 10 Maapai eperãarã audú p'era jõnadait'ee. Eperã piuda ëreerãdepemapa iru tede iru k'ap'ùa piuda ata cheru pùrã paa pëinait'ee/ ùanait'ee mãik'aapa ma te jãde eperã at'ãri chok'ai bùmaa iidiru pùrã: “¿Awaraa eperã pù ome bùk'ã? mãgà te jãde bùpa p'anaui: “Wê–eda” ai. Mãga ûrik'ãri, chi k'ap'ùa ata chedapa p'anaui: “¡K'îup'ee béeji Tachi Ak'õre t'â jararu pùrã, irua tachi waapùara miapii perã! ¡K'îup'ee béeji!” 11 Mãgá audú p'era jõnadait'ee Tachi Ak'õre Waibùapa ãradepemaarã te waibùa bee, ãradepemaarã te ma–ãri bee paara ãripiit'ee perã.
12 ¿Caballoorã ee ùra badade/ peñade p'irapatak'ã? ¿P'usa jãde aradopa eujã poreetùpatak'ã? Mamîda parãpa mãgee oopata; ne–inaa oodaik'araa bù oopata. Tachi Ak'õrepa k'inia bùk'a oodai k'ãyaara, ne–inaa k'achia oopata Israelde neera k'achiak'a beemerã. 13 Parãpa nãgà audua pedee jarapata:
“Tachi juadoopa taipa Lo Debar p'uuru Carnayin p'uuru ome p'oyaajidada” apata. 14 Mamîda israelitaarã, Tachi Ak'õre Waibùapa jara bù ûrítù:
“Mùa awaraa eujãdepemaarã parã eujãdee pëiit'ee parã ome chõodamerã. Mãùrã jua ek'ari parã jõmaweda k'achia p'anapataadait'ee parã eujã norte eerepema Jamat ee wãyaapata o bùmãiipa sur eerepema Arabá to chak'e parumaa.”