Judadeepa uchiadap'edaarã
4
1 Judadeepa uchiadap'edaarã paji: Fares, Jezrón, Carmí, Jur mãik'aapa Sobal. 2 Sobal warra Reaías paji. Reaías warra Yajat paji. Yajat warrarã nãgùùrã paji: Ajumay mãik'aapa Lajad. Mãùrã zoratitaarã apachida.3 Jur warrarã paji: Etam, Jezrel, Ismá, Idbás mãik'aapa Penuel. Ãchi âpewêra Jazelelponi paji. 4 Penuel warrarã paji: Guedor mãik'aapa Ezer. Ezer warra Jusá paji. Ma jõmaarã Belén warra Efrata warra naapema Jurdeepa uchiajida.
5 Tecoa ak'õre Asurpa wêra omé iru baji: Helá mãik'aapa Nara. 6 Narapa nãgà warrarã t'oji: Ajusán, Héfer, Temeni mãik'aapa Ajastarí. 7 Helapa nãgà warrarã t'oji: Zéret, Yezojar, Etnán mãik'aapa Cos. 8 Cos warrarã paji: Anub mãik'aapa Zobebá. Taarã pak'ãri, Cosdeepa uchiajida Harún warra Ajarjeldeerã.
9 Judadeepa Jabés uchiaji. Iru poro waibùara paji chi âpemaarã k'ãyaara. T'ok'ãri, chi nawepa jaraji: “Mùa iru t'oji p'ua ome.”a 10 K'ûtrãa pak'ãri, Jabés israelitaarã Ak'õre Waibùamaa ùt'aa t'âji: “Aai Ak'õre Waibùa, ¡k'inia bù pùa mù pia oomerã mãik'aapa eujã waibùa atapimerã! Mù k'aripáji mãik'aapa pù juapa mù jçaji, mù k'achiade baainaamerã mãik'aapa chupùria nâbapiamaapa.” Jabespa mãgá Tachi Ak'õrede ijãa bada perã, ichia ooji irua iididak'a.
11 Sujá âpema, Quelub, Mejir ak'õre paji. Mejir Estón ak'õre paji; 12 Estón Bet Rafá, Paseaj mãik'aapa Tejiná ak'õre paji. Tejiná, Najás ak'õre paji. Mãùrã jõmaarã Reca p'uurude p'anapachida.
13 Quenaz warrarã paji: Otoniel mãik'aapa Seraías. Otoniel warrarã paji: Jatat mãik'aapa Meonotay. 14 Meonotay warra Ofra paji. Seraías warra Joab paji. Mãgà Joabdeepa uchiadap'edaarã Ge Carisín eujã jewedaade p'anapachida. Hebreo pedeede Carisín jara k'inia bù ne–inaa hierrodee oo k'awaa beerã. Ma eujã mãga t'â bùjida ne–inaa hierrodee oo k'awaa beerã audú mama p'anapatap'edaa perã.
15 Jefone warra Caleb paji. Caleb warrarã paji: Ir, Elá mãik'aapa Noán. Elá warra Quenaz paji.
16 Yalelel warrarã paji: Zif, Zifá, Tirías mãik'aapa Asarel.
17 Esdras warrarã paji; Jéter, Méred, Éfer mãik'aapa Jalón. Méred miak'ãiji Faraón k'au Bitiá ome. Ichi warrarã paji: Miriam, Samay mãik'aapa Isba. Isba warra Estemoa paji. 18 Meredpa ichiaba Judadeepa uchiadap'edaarãdepema wêra iru baji. Mãgà ome ooji Jéred, Héber mãik'aapa Jecutiel. Jéred warra Guedor paji. Héber warra Soco paji. Jecutiel warra Zanoa paji.
19 Naján âpewêra Hodías wêra paji. Ma wêra ome Hodiapa ooji Queilá, garmita apatap'edaa mãik'aapa Estemoa macateo apatap'edaa.
20 Simón warrarã paji: Amnón, Riná, Ben Janán mãik'aapa Tilón.
Isideepa uchiajida: Zojet mãik'aapa Ben Zojet.
21 Judá warra Seladeepa uchiaji Er mãik'aapa Ladá. Er, Lecá ak'õre paji. Ladá, Maresá ak'õre paji. Irudeepa uchiajida p'aru linodee oopatap'edaarã. Mãgùùrã Bet Asbea p'uurude mimiapachida. 22 Ichiaba Seladeepa uchiajida: Joaquín mãik'aapa Cozebá p'uurudepemaarã Joás, Saraf ome. Mãùrã miak'ãinajida Moabdepema wêraarã ome. T'êepai Belén p'uurude p'ana chejida. (Mãga p'ãjida israelitaarãpa oopatap'edaa chonaarãweda p'ãpatap'edaarãpa). 23 Ma ne–inaa yoorodee oopatap'edaarã p'anapachida Netaín p'uurude mãik'aapa Guederá p'uurude. Rey jua ek'ari mimiapachida.
Simeondeepa uchiadap'edaarã
Josué 19.2-10
24 Simeondeepa uchiadap'edaarã paji: Nemuel, Jamín, Jarib, Zera mãik'aapa Saúl. 25 Saúl Salún ak'õre paji. Salún Mibsán ak'õre paji. Mibsán Mismá ak'õre paji.
26 Mismá Jamuel ak'õre paji. Jamuel Zacur ak'õre paji. Zacur Simí ak'õre paji. 27 Simipa dieciséis warrarã mãik'aapa seis k'aurã iru baji. Mamîda iru âpemaarãpa warrarã chok'ara–ee oodap'edaa perã, Judadeepa uchiadap'edaarã k'ãyaara ãchi chi ëreerã chok'ara–eera p'anajida. 28 Ãra p'anapachida na p'uurude: Berseba, Moladá, Jazar Súal, 29 Bilhá, Esen, Tolad, 30 Betuel, Jormá, Siclag, 31 Bet Marcabot, Jazar Susín, Bet Biray mãik'aapa Sajarayin. Ma p'uurude p'anapachida David rey parumaa. 32 Awaraa p'uuru joisomaa ãchi jua ek'ari iru p'anapachida: Etam, Ayin, Rimón, Toquén mãik'aapa Asán. 33 Ma p'uuru ik'aawa p'uuru k'aipee bee paara ãchi jua ek'ari iru p'anapachida Baal eujã parumaa. Mama ãchi ëreerã p'anapachida, chi israelitaarãpa oopatap'edaa p'ãpatap'edaarãpa p'ãdade jara bùk'a.
34 Ãra ëreerãdepema poro waibùarã paji: Mesobab, Jamlec, Amasías warra Josías, 35 Joel, Jehú; mãgà ak'õre Josibías paji; Josibías ak'õre Seraías paji; Saraías ak'õre Asiel paji; 36 Elihoenay, Jacoba, Yesojaías, Asaías, Adiel, Jesimiel, Benaías, 37 Ziza; mãgà ak'õre Sifi paji; Sifi ak'õre Alón paji; Alón ak'õre Jedaías paji; Jedaías ak'õre Simri paji; Simri ak'õre Semaías paji. 38 Ma jõmaarã ãchi ëreerãdepemaarã poro waibùarã paji. Ma Simeondeepa uchiadap'edaarã ëreerã audú îwadap'edaa perã, 39 Guedor eujã t'îupatade, eujã jewedaa oriente eere chejida p'ûajara jùrùde ãchi ne–animalaarã–it'ee. 40 Mama eujã waibùa p'ûajara pi–ia ome unujida. Mapa taarã nùde mama k'ãiwee p'anapachida. Aù naaweda Camdeepa uchiadap'edaarã ma eujãde p'anapachida. 41 Mamîda Judá eujãde Ezequías rey bak'ãri, ma poro waibùarã Simeondeepa uchiadap'edaarã chõode chejida mãik'aapa ma Camdeepa uchiadap'edaarã mama p'anapatap'edaarã jõpijida, ãchi te paara. Maap'eda mãùrã ma eujãde p'aneejida ãchi ne–animalaarã ome. At'ãri mama p'anapata. 42 Mãùrãdepema ùmùk'îraarã quinientos, Simeondeepa uchiadap'edaarã wãjida amalecitaarã ome chõode Seír ee jêra bùde. Mãùrã poro waibùarã Isí warrarã paji: Pelatías, Nearías, Refaías mãik'aapa Uziel. 43 Mãùrãpa ma amalecitaarã jõpijida. Maap'eda ma eujãde p'anapachida. At'ãri mama p'anapata.