24
1 Joacim rey bùde Babiloniadepema rey Nabucodonosor Judá eujãde chõo cheji. Mãgá Joacim Nabucodonosor jua ek'ari bapachi año õpee wãyaarude. Mamîda maap'eda uchia k'inia baji mãgà jua ek'ariipa. 2 Mamîda Tachi Ak'õrepa nechù–idaa beerã pëiji Judá eujãdee. Caldeo pidaarã, Siria pidaarã, Moab pidaarã, Amón pidaarã ome pachejida Judadepemaarã eujãde. Mãùrãpa Judá eujã ãrik'oo wãjida Tachi Ak'õrepa aù naaweda jaradak'a ichi pedee jarapataarã ideepa. 3 Tachi Ak'õrepa mãga p'asapiji Judadepemaarã ik'aawa ãyaa wã k'inia bada perã ãchi rey Manasepa ne–inaa k'achia oopariida k'aurepa. 4 Iruata ne–inaa k'achia ooda–ee p'anapatap'edaarã chok'ara peepiji Jerusalende. Maperãpù Tachi Ak'õrepa ma k'achia ooda ãyaa bù k'inia–e paji.5 Awaraa ne–inaa ooda Joacimpa p'ã bù Crónicas apata librode, awaraa Judadepema reyrãpa oopatap'edaa ome. 6 Joacim piuk'ãri, chi warra Joaquín rey beeji ichi pari.
7 Maapai Egiptodepema rey waa che–e paji chõode ma eujãde, Babiloniadepema reypa ma eujã jõma p'oyaada perã, Egipto eujãdeepa Éufrates to parumaa.
Joaquín rey bùde Babilonia pidaarãpa Judadepemaarã ateejida ãchi eujãdee
(2 Crónicas 36.9-10)
8 Joaquín dieciocho año iru baji rey beek'ãri. Rey baji Jerusalende atane õpeepai. Chi nawe Jerusalendepema Elnatán k'au paji; t'âjarapatap'edaa Nehustá. 9 Joaquinpa ne–inaa k'achia oopachi Tachi Ak'õre k'îrapite. Oopachi chi ak'õrepa oodak'a.
10 Maapai Babiloniadepema rey Nabucodonosorpa ichi soldaorã p'e atap'eda, ãchi pëiji Jerusalén p'uuru pidaarã ome chõode. 11 Ma p'uuru wap'ùra iru p'anùde Nabucodonosor pacheji. 12 Mãga unudak'ãri, Judadepema rey Joaquín chi nawe ome, ichi ak'ùpataarã ome mãik'aapa soldaorã poro waibùarã ome ãchi p'uuru p'oyaapijida Nabucodonosormaa. Irua ãchi jita ataji presoorãk'a. Mãga p'asaji Nabucodonosor año ocho rey bùde.
13 Ma t'êepai Nabucodonosorpa ataji jõmaweda ne–inaa pi–ia Jerusalende iru p'anadap'edaa; Tachi Ak'õre tede ùa p'anadap'edaa, palaciode ùa p'anadap'edaa paara. Tachi Ak'õrepa jaradak'a ichi pedee jarapari ideepa ooji. Ãyaa ateeji jõmaweda ne–inaa Israeldepema rey Salomonpa oopida nêedee bùdamerã Tachi Ak'õre tede. 14 Maap'eda Jerusalendepemaarã ãyaa ateeji. Diez mil eperãarã ateeji: ma p'uurudepemaarã poro waibùarã; soldaorã poro waibùarã soldaorã pipùara ome; ne–inaa oo k'awaa beerã hierrodee. Judá eujãde p'arat'a paraa bee apida bee–e paji. Aba chupùria chedeerã p'aneejida.
15 Nabucodonosorpa ichiaba ateeji rey Joaquín chi nawe ome, wêraarã ome, ichi ek'ari beerã ome, awaraa poro waibùarã paara. Jerusalendeepa ateeji Babilonia eujãdee. 16 Siete mil ùmùk'îraarã jura chõo k'awaa beerã ateeji mil ne–inaa oo k'awaa beerã ome mãik'aapa chõo k'awaa beerã ome. 17 T'êepai ma Babiloniadepema reypa Joaquín chîapa, Matanías rey bùji Joaquín k'ãyaara. Matanías t'â chiwidi t'â bùji; Sedequías.
Sedequías rey pada Judade
(2 Crónicas 36.11-16; Jeremías 52.1-3)
18 Sedequías veintiún año iru baji rey beek'ãri. Rey baji Jerusalende once año wãyaarude. Chi nawe Libnadepema Jeremías k'au paji; t'âjarapatap'edaa Jamutal. 19 Sedequiapa ne–inaa k'achia oopachi Tachi Ak'õre k'îrapite. Ne–inaa k'achia oopachi Joacimpa oopariidak'a. 20 Maperã Tachi Ak'õre k'îrau beeji Jerusalendepemaarã ome, Judá eujãdepemaarã ome. Ãchi ãyaa pëiji ichi badamãiipa.
Sedequías rey bùde uchia k'inia baji Babiloniadepema rey jua ek'ariipa.