Davidpa waya Saúl pee–e pada
26
1 Ma t'êepai Zif p'uurudepemaarã wãjida Guibeá p'uurudee Saúl ome pedeede. Mãgajida:—David miru bùda ajida, Jaquilá eede eujã pania wêe bù k'îrapite.
2 Saulpa mãga ûrik'ãri, tres mil Israeldepema soldaorã piara bee jùrù chip'e atap'eda, Zif apatap'edaa eujã pania wêe bùmaa wãji David jùrùde. 3 Jaquilá eede panadak'ãri, eujã pania wêe bù k'îrapite o bi ik'aawa ãchi carpa eebai jira bùjida. Maapai David ma eujã pania wêe bùde baji. Irua k'awaak'ãri Saúl mama ichi t'êe cheru, 4 soldaorã ûk'uru ak'ùde pëiji k'awaait'ee Saúl sãpai chewã.
5 Davidmaa nepùrù chedak'ãri, iru wãji Saúl badamaa. Ununaji Saúl k'ãi bù chi soldaorã poro waibùa Abner ik'aawa, soldaorã k'ãi p'anadap'edaa esajîak'a. Ma Abner Ner warra paji. 6 Mãpai David pedeeji hitita Ajimélec ome mãik'aapa Sarvia warra Abisay ome. Mãgà Joab âpema paji. Davidpa iidiji:
—¿K'aita mù ome Saúl bùmaa wã k'inia bùma? aji.
Abisaypa p'anauji:
—Mùta pù ome wãit'eeda aji.
7 Ma p'ãrik'ua David Abisay ome wãji Saúl eerepemaarã k'ãi p'anadap'edaamaa. Saúl soldaorã k'ãi p'anadap'edaa esajîak'a Abner k'ait'a Saúl k'ãi baji. Ichi poro k'ait'a chi miasu eujãde su iru baji.
8 K'ait'a panadak'ãri, Abisaypa Davidmaa mãgaji:
—¡Idi Tachi Ak'õrepa pù k'îra unuamaa iru bapari pù juade bùji! ¡Mùmaa peepíji! ¡Ichi miasupa suda abaapa mùa iru eujãde su awa nâbùyada! aji.
9 Mamîda Davidpa p'anauji:
—¡Peenaapáde! aji. ¡Tachi Ak'õrepa rey jùrùt'erada peeru pùrã, irua pùmaa ne–inaa k'achia ooipù! 10 Tachi Ak'õre ichita chok'ai bàpata Saúl piupiit'ee iru piuit'ee bù ewate maa–e pùrã chõo nâbùde. 11 Tachi Ak'õrepa ichia jùrùt'erada mùmaa peepi–epù. Saúl miasu atáji chi pania topari jarra ome mãik'aapa wãdáma aji.
12 Mãpai Davidpa ataji Saúl miasu ichi poro k'ait'a bada chi pania topari jarra ome. Maap'eda wãjida. Apidaapa ãra unuda–e paji; apidaapa maarepida ûrida–e paji mãik'aapa apida ârùma–e paji, Tachi Ak'õrepa Saúl eere p'anadap'edaarã pia k'ãipida perã.
13 Ma eujã jewedaa bù k'îraik'a eere panadak'ãri, David ee nok'ode bainâ beeji. Ma eemãiipa Saúl eere p'anadap'edaarã t'ùmà p'anajida. 14 Mãpai Davidpa Abner ichi soldaorã ome golpe nãgá t'âjaraji:
—Abner, ¿mù pedee ûri bùk'ã? aji.
Abnerpa p'anauji:
—¿K'áipata reymaa biamaa bùma? aji.
15 Mãpai Davidpa mãgaji:
—¿Pù israelitaarã jõmaarã k'ãyaara sõcharrara bù–ek'ã? aji. ¿Sãap'eda pùchi poro waibùa, tachi rey, pia jâa–e pajima? Eperã aba t'îuji parã k'ãi p'anadap'edaamãi rey peede. 16 Pùa ooda k'achia bù. Tachi Ak'õre ichita chok'ai bù k'îrapite mùa juraa bù parã piudaipia bù parã rey, Tachi Ak'õrepa jùrùt'erada jâada–e padap'edaa perã. Rey poro k'ait'a iru miasu chi pania topari jarra ome bada jùrùpáde aji. ¿Jãma bùk'a? aji.
17 Saulpa David pedee k'awaak'ãri, mãgaji:
—Mù warra David, ¿pùk'ã? aji.
Davidpa p'anauji:
—Mùpù, Mùchi Rey Waibùa. 18 ¿Sãap'eda pù waya chejima aji, mù, pù mimiapari, jùrùde? ¿K'ãare k'achiata mùa pùmaa oojima? 19 Mùchi Rey Waibùa, mùa chupùria iidi bù pùa mù, pù mimiapari pedee ûrimerã. Tachi Ak'õrepa mù jùrùpimaa bù pùrã, mãgara mùa ne–animal iru–it'ee paait'ee waa mù ome k'îrau banaamerã. Mamîda eperãarãpa jarapata k'aurepa nãga oomaa bù pùrã, irua ãra k'achia ooipia bù mù Tachi Ak'õrepa teeda eujãdeepa jërepi p'anadairã, awaraa ak'õre waibùa apataarãmaa ùt'aa t'ânamerã. 20 Mù piu k'inia–e bù Tachi Ak'õre baparimãiipa t'ùmà. Mamîda Mùchi Rey Waibùa, pùa mù jùrù ni mêe chok'orro jùrùpatak'a, pù k'îrapite mù pulgák'ata bù mîda.
21 David pedee aupak'ãri, Saulpa mãgaji:
—Mù warra David, mùa p'ek'au k'achia oojipù, pù jùrù chek'ãri. Mù ome chéji. Mùa waa jùrù–epù pùmaa k'achia ooit'ee. Waya idi pùa mù pee–e paji, mù waawee bapari perã. Mù k'îsia k'awa–ee baji mãik'aapa ne–inaa audú k'achia oojida aji.
22 Davidpa p'anauji:
—Mùchi Rey Waibùa, pù miasu nama bùda aji. Pù mimiapari pïiji atade. 23 Tachi Ak'õrépata k'aripapari chi ne–inaa pia oopataarã, irua jara bùk'a oo k'inia p'anapata perã. Idi irua pù mù juade bùji mîda, mùa pù pee–e paji, irua pù jùrùt'erada perã. 24 Mùa k'inia bù mùa idi oodak'a pù ome, irua mù ome auk'a oomerã. Mãgá irua nepùra jõmaadeepa mù uchiapiit'eeda aji.
25 Mãpai Saulpa mãgaji:
—Mù warra David, Tachi Ak'õrepa pù bendiciaipia bùda aji. Pùa iru–it'ee ne–inaa pia ook'ãri, ne–inaa jõmaade iruata pù k'aripait'eeda aji.
Maap'eda Saúl ichi temaa wãji. Jõdee David ichi ode wãji.