Samuel jai–idaada
25
1 Maapai Samuel jai–idaaji. Israelitaarãpa mãga ûridak'ãri, jõmaweda jêe para beeji. Ramá p'uurude ùajida iru te k'ait'a. Ma t'êepai David ichi eere p'anadap'edaarã ome ee jêra bùdeepa uchiajida mãik'aapa p'ananajida Maóna apatap'edaa eujã pania wêe bùde.David Abigaíl ome unuda
2 Maón p'uurude eperã p'arat'a paraa bù bapachi. Mãgùpa ovejaarã tres mil mãik'aapa cabraarã mil iru baji ichi eujãde Carmel p'uuru k'ait'a. Mama chi ovejaarã k'ara t'ùùpipachi. 3 Ma p'arat'a paraa bù t'âjarapachida Nabal. Iru Judá ëreerãdepema Calebdeepa uchiada paji. Nabal t'ãri k'achia–idaa mãik'aapa ne–inaa k'achia ooyaa baji. Jõdee chi wêra Abigaíl k'îra wãree, poro wêsaa baji.
4 David ma eujã pania wêe bùde bak'ãri, ichia k'awaaji Nabal Carmel p'uuru k'ait'a bada chi ovejaarã k'ara t'ùùmaa. 5 Mapa k'ûtrãarã ichi jua ek'ari mimiapatap'edaarã diez irumaa pëiji saludaanadamerã ichi pari. 6 Ãra ome nãga jara pëiji: “Mùa k'inia bù pù, pùchideerã mãik'aapa pù ëreerã jõmaweda k'ap'ùa pia p'anadamerã mãik'aapa k'ãiwee p'anadamerã pãchi net'aa iru p'anù ome. 7 Mùa k'awaji pùa ovejaarã k'ara t'ùùmaa bù Carmelde. ¿Pùa k'awa bù–ek'ã pù ovejaarã ak'ùpataarã nama tai p'anù k'ait'a p'anadap'edaa? Nama p'anùde taipa ãra pia ak'ù p'anajida mãik'aapa ãra juadeepa ne–inaa maarepida jãri atada–e paji. 8 Mãga ijãa–e pùrã, pù mimiapataarãmaa iidíji. Ãrapa auk'a jaradait'eeda aji. Idi fiesta ewate perã, mùa na k'ûtrãarã mù jua ek'ari mimiapataarã ome nãga jara pëiji, pùa jõdee tai chupùria k'awaamerã mãik'aapa pùa iru bùdepema ne–inaa teemerã na k'ûtrãarã mùa pëidaarãmaa, ãchi pù mimiapataarãk'a p'anadairã mãik'aapa mù pù warrak'a bairã.”
9 Ma k'ûtrãarã Davidpa pëida p'uurude panadak'ãri, Davidpa jara pëida Nabalmaa jarajida. Maap'eda nùmaa p'aneejida irua p'anaumerã.
10 Mamîda Nabalpa mãgaji:
—¿K'aima mãgà David? ¿K'aima ma Isaí warra? ¡Mùa iru k'awa–e bù! Ârapema ewaride esclavoorã chok'ara miru uchiapata ãchi chipariirã ik'aawaapa. 11 ¿Mùa parãmaa teeik'ã pan, pania mãik'aapa nechiara mù ovejaarã k'ara t'ùùpataarã–it'ee iru bùdepema? Mùa k'awa–e bùda aji, parã sãmãik'aapa cheruta. ¡Tee–eda! aji.
12 Mãpai ma k'ûtrãarã Davidpa pëidaarã ãpùtee chejida. Pachedak'ãri, Nabalpa jarada Davidmaa nepùrùjida.
13 Mãpai Davidpa chi soldaorãmaa mãgaji:
—¡Pãchi espada atadapáde aji, chõonadait'ee perã!
Aramãgá ãchi espada atadap'eda, k'ùrrùde jâjida. Davidpa pida ichi espada atap'eda, k'ùrrùde jâji. Mãgá iru ome cuatrocientos uchiajida. Jõdee chi apema doscientos soldaorãpa net'aa ak'ùmaa p'aneejida.
14 Mãga nùde Nabal mimiapari abaapa Nabal wêra Abigailmaa nãga jaranaji:
—Eujã pania wêe bùdeepa Davidpa ichi mimiapataarã pëiji Nabalmaa saludaade ichi pari. Mamîda Nabalpa ãramaa pedee k'achia jaraji. 15 Mãga ooik'araa baji, David eere p'anùùrã tai ome t'ãri pia p'anapatap'edaa perã. Taipa ãchi p'anadap'edaa k'ait'a ovejaarã ak'ù p'anadak'ãri, ãrapa tai net'aa maarepida jãri atada–e paji mãik'aapa taimaa maarepida ne–inaa k'achia ooda–e paji. 16 Ma k'ãyaara ãstaawa, p'ãrik'ua pida tai jâapachida, ãra k'ait'a taipa ne–animalaarã ak'ùmaa p'anadak'ãri. 17 Mamîda pù ùmùk'îra audú t'ãri k'achia–idaa bairã, apida iru ome p'oyaa pedeeda–e. Ârá pùa k'îsiaipia bùda aji, k'ãata oodai David k'îrau banaamerã mãik'aapa tachi jõma jõt'aade chenaamerã.
18 Mãpai Abigailpa isapai p'e ataji pan doscientos; vino ne–ede t'ùda omé; oveja paada joisomaa; treinta y cinco litrob net'a tau paada; ne–inaa cien p'ep'edee bee uva p'oodadee ooda mãik'aapa ne–inaa doscientos p'ep'edee bee higojõ p'oodadee ooda. Ma jõma burroorã ârù bùpip'eda, 19 chi mimiapataarãmaa mãgaji:
—David k'îrachuude wåtù. Mù t'êe wãit'eeda aji.
Mamîda Abigailpa chi ùmùk'îra Nabalmaa maarepida jara–e paji.
20 Abigaíl burrode bataup'eda, ee ãpùte eereepa miru uchiaji. Taarã–e nùde unuji David cheru ichi soldaorã ome.
21 Ma chewãdade Davidpa nãga k'îsia chewãji: “Ichi k'inia mùa Nabal ovejaarã mãik'aapa chi ak'ùpataarã pia ak'ù baji, maarepida atuanaadamerã. Mamîda ma pari ârá irua mùmaa ne–inaa k'achia ooji. 22 ¡Tachi Ak'õrepa mùmaa ne–inaa k'achia ooipia bùda aji, tap'eda pai naaweda mùa jõmaweda ùmùk'îraarã iru ome p'anapataarã jõpi–e pùrã!”
23 Abigailpa David unuk'ãri, ichi burrodeepa isapai ùrabaip'eda, David k'îrapite eujãde bedabaidachi ak'ùpiit'ee iru waawee bù.
24 Maap'eda David bùùrùmãi jêra banap'eda, mãgaji:
—Mùchi Waibùa, mù k'aurepa nãga p'asa bùda aji. Mùmaa aupai ne–inaa k'achia baaiipia bù. Pedeepíji mù, pù mimiaparimaa. Mùa chupùria iidi bù mù pedee ûrimerã. 25 Nabalpa jaradade k'îsianáaji. Iru t'ãri k'achia–idaa bapari mãik'aapa k'îsia k'awa–ee bapari. Wãara chi t'â mãga jara k'inia bù: ‘k'îsia k'awa–ee bù’. Mù wê–e paji pùa pëidaarã irumaa wãdak'ãri. 26 Tachi Ak'õre ichita chok'ai bù k'îrapite mãik'aapa pù, Mùchi Waibùa k'îrapite mùa juraa bù Tachi Ak'õrepa mù pëiji pùchi juapa eperãarã peenaamerã mù ùmùk'îrapa k'achia ooda k'aurepa. ¡Mùa k'inia bù jõmaweda pù k'îra unuamaa iru p'anapataarã mãik'aapa pù jùrùpataarã ne–inaa k'achia oodait'ee k'achiade baaidamerã Nabalk'a! 27 Ârá Mùchi Waibùa, mùa chupùria iidi bù pùa jitamerã mù, pù mimiaparipa chik'o aneeda mãik'aapa jedemerã k'ûtrãarã pù jua ek'ari mimiapataarãmaa. 28 Mù, pù mimiaparipa ooda perdonáji. Tachi Ak'õrepa pù pia ak'ù bait'ee mãik'aapa pù, pùdeepa uchiadait'eerã paara ichita rey pait'ee. Pù chõopari perã Tachi Ak'õre k'îra unuamaa iru p'anapataarã ome, ne–inaa jõmaade pia uchiait'ee. 29 Apidaapa pù peeit'ee jùrù cheru pùrã, Tachi Ak'õre, pù Ak'õre Waibùapa pù jâait'ee. Irua pù k'îra unuamaa iru p'anapataarã ãyaa pëiit'ee eperãpa mãu hondade bùp'eda, ãyaa bat'at'aaparik'a. 30 Tachi Ak'õrepa pùmaa ne–inaa jarada jõmaweda ook'ãri, mãik'aapa pù israelitaarã poro waibùa papik'ãri, 31 pù k'îsia p'ua nâba–e pait'ee, k'îra jõ–ee pùchi juapa eperãarã ne–inaa k'achia oo–ee beerã peek'ooda perã. Ma k'ãyaara pùa ichiak'au bùji, Tachi Ak'õrepa ichia k'îsia iru bùk'a oomerã. Irua pù mãgá eperã waibùa papik'ãri, mù, pù mimiapari k'irãpapáde aji.
32 Mãpai Davidpa p'anauji:
—Tachi Ak'õre, israelitaarã Ak'õre Waibùa wãara t'ãri pia bapari, pù pëida perã mù ome unude. 33 Tachi Ak'õrepa pùmaa pia ooipia bù k'îsia k'awaa bairã. Pù k'aurepa mùa mùchi juapa eperãarã pee–e paji k'îra jõ–ee bada perã. 34 Tachi Ak'õre, israelitaarã Ak'õre Waibùapa mù k'aripaji mùa pùmaa ne–inaa k'achia oonaamerã. Mamîda Tachi Ak'õre k'îrapite mùa nãga juraa bù. Pù isapai che–e pada paara mù ome unude, nu tap'edaweda Nabal mãik'aapa ùmùk'îraarã ichi tede p'anapataarã piuk'ajida.
35 Mãga jarap'eda, Davidpa jitaji Abigailpa aneeda mãik'aapa mãgaji:
—Pùchi temaa k'ãiwee wåji. Pùa chupùria iidida mùa ûrijipù. Pùa jaradak'a ooit'ee.
36 Abigaíl temaa panak'ãri, ununaji Nabalpa fiesta waibùa oomaa bù, reyrãpa oopatak'a. Chik'o pia k'omaa p'anajida. Nabal o–îa baji mãik'aapa vinopa piu baji. Maperã Abigailpa ma ewate maarepida jara–e paji aù norema parumaa. 37 Aù norema Nabal tau pia beek'ãri, Abigailpa nepùrùji ichi p'asada David ome. Mãga ûrik'ãri, Nabal k'îra k'îdachi mãik'aapa chiwa beeji. 38 K'ãima diezmaa Tachi Ak'õrepa Nabal piupiji.
39 Davidpa Nabal piuda k'awaak'ãri, mãgaji:
—¡Tachi Ak'õrepa ichita ne–inaa pia oopari! ¡Iruata Nabalmaa k'achia ooji irua mùmaa k'achia ooda pari! Tachi Ak'õrepa mù k'aripaji ne–inaa k'achia oonaamerã. Ma k'ãyaara iru juapa Nabalmaa k'achia oojida aji.
Maap'eda Davidpa Abigailmaa jara pëiji ichi ome miak'ãimerã. 40 David mimiapataarã Carmel p'uurude panadak'ãri, Abigaíl ome pedeedap'eda, mãgajida:
—Davidpa tai pëijida ajida pù atade, irua k'inia bairã pù ichi wêra pamerã.
41 Abigailpa mãga ûrik'ãri, bedabaidachi tau bùùrù eujãde t'õbairumaa mãik'aapa mãgaji:
—Mù David mimiapari; iru esclavak'a bù. Irua jara bùk'a mùa oopariit'ee. Irua jararu pùjida mùa chi mimiapataarã bùùrù sùùmerã, mùa sùùyada aji.
42 Mãga jarap'eda, ichi net'aa isapai p'e ataji mãik'aapa ichi burro ârù bataup'eda, Davidpa pëidaarã ome wãji. Ichi mimiapataarã, wêraarã joisomaa, ichi ome ateeji. Maap'eda Abigaíl David ome miak'ãiji.