Al‑jawaab al‑taani le Kuruntus
min jawaabaat al‑rasuul Buulus
Mugaddima
Al‑rasuul Buulus katab al‑jawaab da be gudrat al‑Ruuh al‑Khudduus le jamaaʼat al‑muʼminiin al‑gaaʼidiin fi hillit Kuruntus. Hu katabah achaan yichajjiʼhum wa yijahhizhum gubbaal hu ma yamchi leehum le taalit marra. Wa fi l‑jawaab da, hu allamaahum al‑sabur al‑waajib leehum fi l‑diige wa khabbaraahum be barakat al‑naadum al‑yakhdim le Allah fi l‑muʼaahada al‑jadiide. Wa fi l‑akhiir, hu hazzarhum achaan ma yasmaʼo kalaam al‑naas al‑sawwo nufuushum rusul wa yidooru yiwadduru al‑muʼminiin be kalaamhum wa fachaarhum.
Wa naʼarfu min al‑kalaam al‑gaaʼid fi l‑jawaab da kadar awwal fiyah muchkila kabiire gammat fi ust al‑muʼminiin wa dahaabha kammalat. Wa l‑naadum al‑sabbab al‑muchkila di gaal kalaam fasil fi Buulus. Wa l‑jawaab yiwassifna mahabbat al‑rasuul al‑chadiide wa di l‑mahabba al‑waajbe le ayyi naadum al‑indah masʼuuliiye fi l‑muʼminiin.
Allah yibaarik ayyi naadum al‑yagri al‑jawaab da wa yitabbig kalaamah. Aamiin.