Al‑adaala muhimme min al‑siyaam
7
1 Wa fi l‑yoom al‑raabiʼ hana l‑chahar al‑taasiʼ al‑usmah Kislu fi l‑sana al‑raabʼe hana hukum al‑malik Daariyuus,
Allah hajja le Zakariiya.
2 Wa Beet Iil Charaasar khaayid askar al‑malik wa askarah rassalo naas le yachhado Allah.
3 Wa rassaloohum achaan yasʼalo rujaal al‑diin fi beet Allah al‑Gaadir wa l‑anbiya wa yuguulu :
« Awwal aniina gaaʼidiin nusuumu wa nabku fi l‑chahar al‑khaamis achaan nizzakkaro damaar hana beet Allah.
Wa hassaʼ da,
waajib nisawwuuh walla la ? »
4 Wa daahu Allah al‑Gaadir hajja leyi wa gaal :
5 « Guul le kulla chaʼab al‑balad wa le rujaal al‑diin :
‹ Wakit sumtu wa hizintu
fi l‑chahar al‑khaamis wa l‑saabiʼ,
wa da min muddit 70 sana,
siyaamku da leyi ana walla ?
6 Wa wakit akaltu wa chiribtu,
ma le nufuusku bas walla ?
› »
7 Allah hajja misil da be waasitat al‑anbiya hana zamaan.
Wa da wakit sukkaan Madiinat al‑Khudus wa hillaalha al‑muhawwigiinha gaaʼidiin fi raaha wa saharat Nagab wa sahalat Chafiila malaaniin be sukkaan.
‹ Ahkumu be l‑hagg wa l‑adaala
wa khalli ayyi waahid yisawwi le akhuuh
al‑kheer wa l‑rahma.
10 Ma tazulmu al‑armala wa la l‑atiim
wa la l‑ajnabi wa la l‑miskiin.
Wa khalli naadum ma yichiil niiye
le yisawwi al‑fasaala le akhuuh.
› »
11 Wa laakin humman abo ma yukhuttu baalhum.
Gawwo ruuseehum wa saddo udneehum achaan ma yasmaʼo.
12 Wa humman gawwo galibhum misil hajar achaan ma yasmaʼo churuut al‑Tawraat wa l‑kalaam al‑Allah al‑Gaadir rassalah leehum be waasitat ruuhah wa be waasitat al‑anbiya hana zamaan.
Wa da bas sabab al‑khadab al‑chadiid hana Allah al‑Gaadir.
13 Wa fi chaan da,
Allah al‑Gaadir gaal :
« Misil ana naadeethum wa humman ma simʼooni,
humman kula yinaaduuni wa ana ma nasmaʼhum.
14 Wa ana chattattuhum ale kulla l‑umam al‑abadan ma yaʼarfuuhum.
Wa baʼad chattattuhum,
al‑balad khirbat wa ma fi al‑yamchi leeha wa la l‑yaji minha.
Wa baladhum al‑samhe di,
sawwooha kharaab. »