Kitaab Yuwiil
min Kutub al‑Anbiya
Mugaddima
Al‑kitaab da yikallim be kalaam al‑nabi Yuwiil wa yikhabbir be jayyit yoom al‑Hisaab. Wa da l‑yoom al‑foogah Allah yichaariʼ al‑chuʼuub wa yiwassif gudurtah. Yuwiil yikhabbir Bani Israaʼiil kadar yaji damaar kabiir wa kharaab. Wa yaji jaraad wa yabaas wa hariige misil deech kabiir mudammir. Wa balad Israaʼiil tiddammar lahaddi inabha wa zaytuunha wa maʼaachha yabgo ma fiihum wa l‑chaʼab ma yalgo cheyy le yigaddumuuh fi beet Allah.
Wa misil da, al‑nabi yuguul le chaʼabah yiwajjuhu ale Allah wa yutuubu min zunuubhum. Wa be da, Allah yichaariʼ udwaanhum wa yidammirhum be sabab al‑fasaala al‑humman sawwooha le Bani Israaʼiil. Wa laakin le Bani Israaʼiil, Allah yantiihum maʼaach wa raaha fi baladhum. Wa Allah zaatah yaskun fi usuthum fi beetah al‑mukhaddas. Wa yoom waahid, Ruuh Allah yanzil fi kulla l‑naas, awiin wa rujaal, kubaar wa sukhaar, ma fi l‑anbiya bas. Wa ayyi naadum al‑yadʼi be usum Allah yanja.
Wa daahu fusuul al‑kitaab. Be l‑lukhkha al‑faransaawi, al‑kitaab da mugassam ale 4 fasul. Wa laakin be l‑arabi, mugassam ale 3 fasul. Wa da ma zaad cheyy wa la nagas cheyy min al‑aayaat.