Kitaab Nachiid al‑Anchaad
min Kutub al‑Hikma
Mugaddima
Kitaab Nachiid al‑Anchaad da maʼanaatah ajmal khine. Wa hu yihajji be hubb been al‑mara wa l‑raajil. Wa kalaam al‑hubb da, gassamo ale sitte khine. Buguulu al‑kitaab da hana l‑malik Suleymaan ibn Dawuud, kan hu katabah walla katabooh leyah kula.
Wa fi l‑kitaab da, al‑mara al‑binaaduuha al‑mahbuuba khannat le l‑raajil. Wa l‑raajil kula al‑binaaduuh al‑mahbuub khanna le l‑mara. Wa khineehum da yiwassif jamaal al‑mahbuub wa l‑mahbuuba. Wa fiyah naas aakhariin kula khanno wa humman banaat Madiinat al‑Khudus wa l‑ruʼyaan.
Naas katiir assaaʼalo ambeenaathum wa gaalo maala kitaab hana hubb misil da gaaʼid fi l‑Kitaab al‑Mukhaddas. Wa fi chaan da, min zamaan naas waahidiin fihmo kadar kitaab Nachiid al‑Anchaad da misil khine al‑yimassil al‑alaakha been Allah wa chaʼabah. Wa waahidiin kamaan fihmo kadar al‑kitaab da khine al‑yimassil hubb hagiigi been al‑mara wa l‑raajil. Wa fi l‑sahiih, al‑hubb da ma min al‑naas laakin hu atiiye min Allah. Naar al‑hubb chadiide wa l‑kitaab da yiwassi kadar ma yigawwumu al‑hubb gabul waktah.