Kitaab al‑Amsaal
min Kutub al‑Hikma
Mugaddima
Kitaab al‑amsaal da, hu min kutub al‑Hikma misil kitaab Ayyuub wa kitaab al‑Zabuur. Wa katiir min al‑amsaal dool, humman min Suleymaan malik Bani Israaʼiil hu al‑Allah antaah hikma khaassa. Wa l‑baagyiin min al‑amsaal dool, humman hana naas hakiimiin aakhariin min Bani Israaʼiil.
Wa fi l‑wakit daak, al‑muluuk lammo al‑amsaal le yiʼallumu beehum chuʼuubhum. Wa l‑amsaal dool yiʼallumuuhum kikkeef yiʼiichu hayaathum fi buyuuthum wa fi ziraaʼithum wa fi tijaarithum wa fi zawaajhum wa fi mujtamaʼhum.
Wa l‑kaatib da yiʼallimna misil al‑abu yiʼallim wileedah achaan misil da bas, Allah yiʼallim al‑naas al‑yiriidhum. Wa l‑amsaal dool yiʼallumuuna makhaafat Allah al‑hi raas al‑hikma.