Zurriiye aakhara hana Yahuuza
4
1 Wa awlaad Yahuuza humman Faaris wa Hasruun wa Karmi wa Huur wa Chuubaal.
2 Wa Chuubaal wilid Raaya
wa Raaya wilid Yahat.
Wa Yahat wilid Akhumaay wa Laahad.
Wa minhum humman dool bas marago khuchuum buyuut Bani Sarʼaat.
3 Wa daahu awlaad abu Itaam humman Yazraʼiil wa Yichma wa Yidbaach wa akhuthum usumha Haslalfuuni.
4 Wa Huur bikir Afraata bana hillit Beet Laham wa hu indah awlaad itneen wa humman Fanuwiil al‑bana hillit Gaduur wa Izaar al‑bana hillit Huucha.
5 Wa Achhuur abu Takhuuʼa akhad awiin tineen,
al‑waahide usumha Heela wa l‑aakhara usumha Naʼara.
6 Wa Naʼara jaabat leyah arbaʼa awlaad wa humman Akhuzzaam wa Hiifar wa Tiimni wa Akhchataari.
7 Wa awlaad Heela humman Sarat wa Suuhar wa Atnaan.
8 Wa Guus wilid Anuub wa Hasubiiba wa khuchuum buyuut Akharhiil wileed Haruum.
9 Wa fi naadum usmah Yaʼbiis wa hu bigi naadum muhtaram ziyaada min akhwaanah.
Wa ammah sammatah Yaʼbiis achaan hi wildatah fi taʼab.
10 Yaʼbiis saʼal Allah wa gaal :
« Ya Allah Ilaah Bani Israaʼiil,
baarikni wa wassiʼ ardi wa ahfadni wa tarrif minni al‑charr wa l‑taʼab.
» Wa Allah antaah le Yaʼbiis kulla cheyy al‑hu saʼalah.
11 Wa Kaluub akhu Chuuha wilid Mahiir
wa Mahiir wilid Achtuun.
12 Wa Achtuun wilid Beet Raafa wa Faasih wa Tahinna.
Wa Tahinna da,
hu bas al‑bana hillit Nahaach.
Wa l‑naas dool sakano fi hillit Riika.
13 Wa awlaad Khinaaz humman Utniyiil wa Saraaya.
Wa Utniyiil wilid Hataat.
14 Wa Maʼuunutaay wilid Ufra.
Wa Saraaya wilid Yuwaab jidduhum le naas al‑saakniin Gi Harachiim (maʼanaatah waadi Haddaad).
15 Kaalib wileed Yafuuna wilid awlaad wa humman Iiru wa Iila wa Naʼam.
Wa Iila wilid Khinaaz.
16 Wa awlaad Yahalaaliil humman Ziif wa Ziifa wa Tiirya wa Asariil.
17‑18 Wa awlaad Azra humman Yatar wa Marad wa Ifir wa Yaluun.
Wa Marad akhad Bitya bineeyit Firʼoon malik balad Masir wa hi wildat wa jaabat leyah iyaal wa humman Mariyam wa Chammaay wa Yichbakh.
Wa Yichbakh da hu al‑bana hillit Achtamuuʼa.
Wa marit Marad al‑min Yahuuza jaabat leyah Yaarad hu al‑bana hillit Gaduur wa Haabar hu al‑bana hillit Suuku wa Yakhutiyiil hu al‑bana hillit Zanuuh.
19 Wa Huudiiya akhad akhut Naham wa zurriiyithum humman Bani Garmi al‑saakniin hillit Khaʼiila wa l‑Maʼaakiyiin al‑saakniin hillit Achtamuuʼa.
20 Wa awlaad Chiimuun humman Amnuun wa Rinna wa Banhanaan wa Tiiluun.
Wa awlaad Yichʼi humman Zuheet wa Banzuheet.
21 Wa zurriiyit Chiila wileed Yahuuza humman Iir al‑bana hillit Liika wa Laʼda al‑bana hillit Mariicha wa l‑gabaayil al‑yasnaʼo al‑gumaach hana kattaan fi hillit Beet Achbiiʼa.
22 Wa Chiila hu jiddah le Yukhiim wa jidd sukkaan hillit Kuziiba wa jidd Yuwaach wa Saraaf wa humman akhado leehum awiin min Muwaab hatta gabbalo sakano fi Laham wa kulla l‑cheyy da bigi zamaan.
23 Wa humman haddaad wa saakniin fi hillit Nataaʼim wa Gadiira jamb al‑malik wa yakhdumu leyah.
Zurriiyit Chimʼuun
24 Wa awlaad Chimʼuun humman Namuwiil wa Yaamiin wa Yariib wa Zaarah wa Chaawuul.
25 Wa Chaawuul wilid Challuum
wa Challuum wilid Mibsaam
wa Mibsaam wilid Michmaʼ.
26 Wa Michmaʼ wilid Hammuwiil
wa Hammuwiil wilid Zakkuur
wa Zakkuur wilid Chimʼi.
27 Wa Chimʼi wilid 16 wulaad wa 6 banaat laakin akhwaanah al‑aakhariin ma induhum iyaal katiiriin.
Wa fi chaan da,
gabiilat Chimʼuun ma zaadat katiir misil gabiilat Yahuuza.
28 Wa humman sakano fi Biir Sabʼa wa Mulaada wa Hasar Chuuʼal
29 wa Bilha wa Asam wa Tuulad
30 wa Batuwiil wa Hurma wa Sikhlaag
31 wa Beet Markabuut wa Hasar Suusiim wa Beet Biri wa Chaʼaraayim.
Wa dool hillaalhum al‑sakano fiihum lahaddi hukum al‑malik Dawuud.
32 Wa humman sakano fi khamsa hillaal aakhariin wa humman Itaam wa Een wa Rimmuun wa Tuukan wa Achan
33 wa kulla hillaal al‑muhawwigiin al‑mudun dool lahaddi hillit Baʼal.
Wa da bas bakaan maskanhum wa sajjalo asaameehum.
34‑38 Wa daahu asaame chuyuukh khuchuum buyuut gabiilat Chimʼuun.
Wa humman Machuubaab wa Yamliik wa Yuucha wileed Amasya wa Yuwiil wa Yaahu wileed Yuchibya wileed Saraaya wileed Asiyiil wa Aliyuʼnaay wa Yaʼkhuuba wa Yuchuhaaya wa Asaaya wa Adiyiil wa Yasimiil wa Banaaya wa Ziiza wileed Chifʼi wileed Alluun wileed Yadaaya wileed Chimri wileed Chamaʼya.
Wa aayilaathum bigo kubaar marra waahid.
39 Wa humman macho ale madkhal hillit Gaduur lahaddi sabaah le l‑waadi achaan yalgo bakaan marʼa le khanamhum.
40 Wa humman ligo bakaan marʼa sameh wa balad wasiiʼe wa haadiye wa indaha raaha.
Wa l‑naas al‑sakano zamaan fi l‑bakaan da,
humman min zurriiyit Haam.
41 Wa laakin al‑naas dool jo fi l‑bakaan da fi wakit Hizkhiiya malik balad Yahuuza.
Wa dammaro kulla khiyam wa masaakin hana zurriiyit Haam wa dammaro kulla l‑chaʼab wa bigo ma fiihum lahaddi l‑yoom.
Wa baʼad da,
humman sakano fi badalhum achaan fi l‑bakaan da fiyah marʼa le khanamhum.