Kitaab Raʼuus
min Kutub Taariikh Bani Israaʼiil
Mugaddima
Gissit Raʼuus hi gisse al‑kaanat fi Bani Israaʼiil fi wakit al‑hakamo foogah al‑hukkaam al‑binaaduuhum gudiya. Wa da gubbaal ma yidarruju muluuk fi Bani Israaʼiil. Wa l‑gisse di, al‑katabha ma maʼruuf.
Raʼuus hi mara min balad Muwaab wa akhadat raajil waahid min Bani Israaʼiil al‑gaaʼid fi balad Muwaab. Wa baʼad moot raajilha, hi anrabatat maʼa nasiibitha amm raajilha wa gaalat hi tabga min ahalha wa titaabiʼ Ilaahha. Wa baʼad da, Raʼuus wa nasiibitha gabbalan fi balad Israaʼiil fi turaab Yahuuza. Wa hinaak, raajil waahid usmah Buʼaaz agal Raʼuus wa hu min ahal raajilha. Wa hi jaabat leyah wileed. Wa l‑wileed da bas bigi jidd al‑malik Dawuud.
Wa l‑gisse di tiwassif kadar naadum ma min Bani Israaʼiil kula kan taabaʼ al‑Rabb, hu yakhbalah wa yanti ajur wa yiʼaddil leyah haalah wa yantiih al‑raaha.