Kitaab al‑Tasniya
min Tawraat Muusa
Mugaddima
Kitaab al‑Tasniya da yihajji be l‑cheyy al‑kaan baʼad kitaab al‑Adad. Wa kilmit tasniya di, maʼanaatha itneen wa binaaduuh be l‑usum da achaan Muusa anta Bani Israaʼiil al‑wasaaya al‑achara taani marra. Wa Muusa hajja al‑kalaam da le Bani Israaʼiil fi kadaadit Muwaab wakit humman jaahiziin le yagtaʼo bahar al‑Urdun wa yadkhulu yichiilu al‑balad al‑Allah waaʼad beeha juduudhum.
Fi bidaayit al‑kitaab da, Muusa zakkar al‑chaʼab be amal Allah wa mahabbitah al‑daayme wa l‑kheer al‑sawwaah leehum. Allah sawwa maʼa chaʼabah muʼaahada wa gaadaahum fi l‑sahara le muddit 40 sana wa hafadaahum min udwaanhum. Wa fi l‑kitaab da, Muusa hajja le Bani Israaʼiil be gawaaniin aakhariin al‑bukhussu al‑dahaaya wa l‑akil al‑nijis wa l‑haraam wa l‑aʼyaad al‑diiniyiin wa mudun al‑luju wa hukum kaatil al‑dimme.
Wa fi aakhir al‑kitaab da, Muusa ooraahum yaktubu al‑gawaaniin dool wa yagruuhum daayman. Wa hu allamaahum khine chukur le Allah wa baarakaahum. Wa darrajo Yachuuʼ fi badal Muusa le yuguud al‑chaʼab wa yidakhkhilhum fi l‑balad al‑antaaha leehum Allah. Wa baʼad da, Muusa maat.
Wa l‑kitaab da yiʼallimna kadar Allah indah rahma wasiiʼe wa le chaʼabah, yantiihum al‑cheyy al‑waaʼadaahum beyah kan humman yitaabuʼu kalaamah.