Iid yoom al‑Farah
29
1 « ‹ Wa fi l‑yoom al‑awwal hana l‑chahar al‑saabiʼ,
tilimmu malamma khaassa.
Wa fi l‑yoom da,
ma tisawwu ayyi khidme gaasiye.
Wa fi l‑yoom da bas,
tadurbu al‑buug.
2 Wa tigaddumu le Allah dahiiye muharraga al‑hu yarda be riihitha,
waahid toor wa waahid kabich wa 7 kharuuf awlaad sana.
Wa l‑bahaayim dool yukuunu ma induhum ayyi eeb.
3 Wa kan le l‑hadiiye hana l‑dagiig al‑mukhalbat be dihin kamaan,
gaddumuuha talaata kooro maʼa l‑toor wa koorteen maʼa l‑kabich.
4 Wa gaddumu kooro maʼa ayyi kharuuf min al‑khurfaan al‑sabʼa.
5 Wa battaan tigaddumu tees dahiiye le kaffaarat al‑zanib wa di tabga leeku kaffaara.
6 Wa di tiziid fi l‑dahiiye al‑muharraga hana l‑chahar wa l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaahum hasab al‑churuut.
Kulla l‑hadaaya al‑muharragiin dool Allah yarda be riihithum.
Iid yoom Kaffaarat al‑Zanib
7 « ‹ Wa fi l‑yoom al‑aachir hana l‑chahar al‑saabiʼ da,
tilimmu malamma khaassa.
Wa fi l‑yoom da,
tusuumu wa ma tisawwu ayyi khidme.
8 Wa tigaddumu le Allah dahiiye muharraga al‑hu yarda be riihitha waahid toor wa waahid kabich wa sabʼa kharuuf awlaad sana.
Wa kulla l‑bahaayim dool yukuunu ma induhum ayyi eeb.
9 Wa kan le l‑hadiiye hana l‑dagiig al‑mukhalbat be dihin kamaan,
gaddumuuha talaata kooro maʼa l‑toor wa koorteen maʼa l‑kabich.
10 Wa gaddumu kooro maʼa ayyi kharuuf min al‑khurfaan al‑sabʼa.
11 Wa tigaddumu hadiiye hana tees le kaffaarat al‑zanib wa di tiziid fi l‑dahiiye hana kaffaarat al‑zanib wa l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
Iid al‑Lagaadiib
12 « ‹ Wa yoom 15 hana l‑chahar al‑saabiʼ,
tilimmu malamma khaassa.
Wa fi l‑yoom da,
ma tisawwu ayyi khidme gaasiye.
Wa tiʼayyudu le Allah le muddit sabʼa yoom.
13 Wa tigaddumu 13 toor wa 2 kabich wa 14 kharuuf awlaad sana.
Wa di dahiiye muharraga wa hi hadiiye muharraga al‑riihitha Allah yarda beeha.
Wa kulla l‑bahaayim dool yukuunu ma induhum ayyi eeb.
14 Wa kan le l‑hadiiye hana l‑dagiig al‑mukhalbat be dihin kamaan,
gaddumuuha talaata kooro maʼa ayyi toor min al‑tiiraan al‑talaataachar wa koorteen maʼa ayyi kabich min al‑kubchaan al‑itneen.
15 Wa gaddumu kooro maʼa ayyi kharuuf min al‑khurfaan al‑arbaʼtaachar.
16 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
17 « ‹ Wa fi l‑yoom al‑taani,
gaddumu 12 toor wa 2 kabich wa 14 kharuuf awlaad sana.
Wa kulla l‑bahaayim dool yukuunu ma induhum ayyi eeb.
18 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
19 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
20 « ‹ Wa fi l‑yoom al‑taalit,
gaddumu 11 toor wa 2 kabich wa 14 kharuuf awlaad sana.
Wa kulla l‑bahaayim dool yukuunu ma induhum ayyi eeb.
21 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
22 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
23 « ‹ Wa fi l‑yoom al‑raabiʼ,
tigaddumu 10 toor wa 2 kabich wa 14 kharuuf awlaad sana.
Wa kulla l‑bahaayim dool yukuunu ma induhum ayyi eeb.
24 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
25 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
26 « ‹ Wa fi l‑yoom al‑khaamis,
tigaddumu 9 toor wa 2 kabich wa 14 kharuuf awlaad sana.
Wa kulla l‑bahaayim dool yukuunu ma induhum ayyi eeb.
27 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
28 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
29 « ‹ Wa fi l‑yoom al‑saadis,
tigaddumu 8 toor wa 2 kabich wa 14 kharuuf awlaad sana.
Wa kulla l‑bahaayim dool yukuunu ma induhum ayyi eeb.
30 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
31 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
32 « ‹ Wa fi l‑yoom al‑saabiʼ,
tigaddumu 7 toor wa 2 kabich wa 14 kharuuf awlaad sana.
Wa kulla l‑bahaayim dool yukuunu ma induhum ayyi eeb.
33 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
34 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
35 « ‹ Wa fi l‑yoom al‑taamin,
khalaas tisawwu hafla hana kumaalit al‑iid wa fi l‑yoom da,
ma tisawwu ayyi khidme gaasiye.
36 Wa tigaddumu toor wa kabich wa 7 kharuuf awlaad sana.
Wa di dahiiye muharraga wa hi hadiiye muharraga al‑riihitha Allah yarda beeha.
Wa kulla l‑bahaayim dool yukuunu ma induhum ayyi eeb.
37 Wa hadiiyat al‑dagiig wa hadiiyat al‑charaab tigaddumuuhum hasab adad al‑tiiraan wa l‑kubchaan wa l‑khurfaan hasab al‑churuut.
38 Wa tigaddumu dahiiye hana tees le kaffaarat al‑zanib wa di tiziid fi l‑dahiiye al‑muharraga al‑daayme wa hadiiyat al‑dagiig wa hadiiyat al‑charaab al‑maʼaaha.
39 « ‹ Wa dool bas al‑hadaaya al‑waajib tigaddumuuhum le Allah fi ayyaam aʼyaadku.
Wa l‑hadaaya dool,
yiziidu fi dahaaya al‑muʼaahada wa l‑hadaaya al‑tigaddumuuhum be niiyitku wa l‑dahaaya al‑muharragiin wa l‑hadaaya hana l‑dagiig wa l‑hadaaya hana l‑charaab wa dahaaya al‑salaama.
› »
40 *Wa Muusa gaal le Bani Israaʼiil kulla l‑kalaam al‑Allah amarah beyah.