Ihtiraam al‑alaakha al‑zoojiiye
18
1 Wa Allah hajja le Muusa wa gaal :
2 Hajji le Bani Israaʼiil wa guul leehum :
« Ana bas Allah Ilaahku.
3 Ma tisawwu amal hana naas balad Masir al‑bakaan al‑intu sakantu foogah.
Wa ma tisawwu amal hana naas balad Kanʼaan al‑bakaan al‑niwaddiiku leyah.
Al‑naas dool,
ma titaabuʼu gawaaniinhum.
4 Wa intu tabbugu gawaaniini wa ahfado churuuti wa taabuʼuuhum.
Wa ana bas Allah Ilaahku.
5 Wa ahfado churuuti wa gawaaniini.
Wa l‑naadum al‑yitabbighum yahya be sababhum.
Wa ana bas Allah.
6 « Ma waajib ayyi naadum minku yigarrib le waahide min ahalah le yargud maʼaaha.
Wa ana bas Allah.
7 « Ma targud maʼa ammak wa tiʼayyib abuuk.
Wa di ammak,
ma waajib targud maʼaaha.
8 « Ma targud maʼa marit abuuk wa tiʼayyib abuuk zaatah.
9 « Ma targud maʼa akhtak kan bitt ammak walla bitt abuuk kula.
Wa kan rabbooha fi l‑beet walla barra minnah kula,
ma waajib targud maʼaaha.
10 « Ma targud maʼa bitt waladak wa la maʼa bitt bittak achaan da yiʼayyibak inta zaatak.
11 « Ma targud maʼa bitt marit abuuk hi rabiibat abuuk.
Hi akhtak ma targud maʼaaha.
12 « Ma targud maʼa akhut abuuk.
Hi immitak,
akhut abuuk.
13 « Ma targud maʼa akhut ammak.
Hi khaaltak,
akhut ammak.
14 « Ma targud maʼa marit immak wa tiʼayyibah.
Hi immitak.
15 « Ma targud maʼa marit waladak.
Hi marit waladak,
ma waajib targud maʼaaha.
16 « Ma targud maʼa marit akhuuk wa tiʼayyibah hu zaatah.
17 « Ma targud maʼa l‑amm wa bittaha.
Wa ma taakhud bitt waladha wa la bitt bittaha wa tiʼayyib jidditha.
Achaan humman gariibiin wa da fiʼil cheen.
18 « Ma taakhud akhut martak wa la tisawwiiha darritha wa la targud maʼaaha wakit martak hayye.
19 « Ma tigarrib le mara indaha heed.
Ma targud maʼaaha,
hi ma taahire.
20 « Ma targud maʼa marit akhuuk wa tinnajjas maʼaaha.
21 « Ma tanti waahid min iyaalak le yigaddumuuh fi l‑naar le sanam Muulak wa be misil da,
ma tihtarim usum Allah Ilaahak.
Wa ana bas Allah.
22 « Ma targud maʼa raajil misil targud maʼa mara.
Da fiʼil muharram.
23 « Ma targud maʼa ayyi bahiime wa tinajjis nafsak maʼaaha.
Wa l‑mara kula ma waajib tigarrib le haywaan wa targud maʼaayah.
Wa da cheyy makruuh marra waahid.
24 « Ma tinajjusu nufuusku be ayyi waahid min al‑afʼaal dool achaan be l‑afʼaal dool annajjaso al‑umam al‑ana natrudhum giddaamku.
25 Al‑balad annajjasat wa ana aakhabtaha be khataaha wa hi taradat sukkaanha.
26 « Wa kan leeku intu,
ahfado churuuti wa gawaaniini wa ma tisawwu waahid min kulla l‑muharramaat dool,
wa la l‑muwaatin al‑min Bani Israaʼiil wa la l‑ajnabi al‑saakin maʼaaku.
27 Wa kulla l‑muharramaat dool al‑naas al‑sakano al‑balad gabulku sawwoohum wa l‑balad annajjasat beehum.
28 Wa be da,
intu ma tinajjusu al‑balad achaan hi ma tatrudku misil hi taradat al‑umam al‑gabulku.
29 Wa ayyi waahid al‑yisawwi waahide min al‑muharramaat dool,
waajib yafsuluuh min chaʼabah.
30 « Wa khalaas,
ahfado wasiiyaati achaan ma titabbugu al‑aadaat al‑muharramiin al‑tabbagoohum al‑naas al‑gabulku wa ma tinnajjaso beehum.
Ana bas Allah Ilaahku. »