كتاب أسْتِير
من كتب تاريخ بني إسرائيل
مقدمة
كتاب أسْتِير يحجّي بالتاريخ الكان في وكت حُكُم مملكة فَارِس من بلد الهِنْد في الصباح لحدي بلد الحَبَشَة في الغرِب. و في الوكت داك، اليَهُود الكربوهم و ودّوهم في الغُرْبة في بَابِل عايْشين حسب قوانينهم و عاداتهم حتّى كان همن في لُبّ الشُعوب الآخرين كل.
و الكتاب دا يحجّي ببِنْت واحِدة أُسُمها أسْتِير الهي يَهُودِيَّة. و يحجّي بككيف أسْتِير دي بِقت ملِكة في بلد فَارِس. و في الوكت دا، فيّه نادم واحِد أُسْمه هَمَان الهو عدو اليَهُود. و هو قمّ بمُؤآمرة ليِدمِّرهم و لاكن أسْتِير قِدْرت ليه و نجّت شعبها من هَمَان عدو اليَهُود و قبّلت ليه دماره في راسه.
و دا الكتاب الواحِد من كل الكُتُب المُقدّسين الفَوْقه أُسُم اللّه ما فيه. لاكن بَيْدا كل، أعْماله اللّه قاعدين بِنْشافوا. و الكتاب يوصِّفنا كدر كن نادم في الضيقة يسْأل اللّه، اللّه يجيب ليه الفرج.