एहूना कर लिखल पहिलो चिठी
एहूना कर लिखल पहिलो चिठी
ए चिठी कर बारे में दम अकन गोएठ
ए पहिलो चिटठी ईसू मसीह कर चेला एहूना कर दुवारा लिखल गईस हवे। ए पहिलो चिटठी ला लिखे कर खास उदेस ए रहीस। ए चिटठी कर पढ़ोईया मन ला उतसाहित करे बर हवे, कि ओमन परमेसवर अऊ ओकर बेटा ईसू मसीह कर संगति में जिनगी बितावें। दुसरा- उदेस हवे कि ए चिटठी कर पढ़ोईया मन ला झूठा सिकछा कर बिरोध में चेताए बर हवे, जेमन परमेसवर अऊ ईसू मसीह कर संगे-संगे ओमन कर संगति ला नास करथें। ए चिठी हर हमके सिखाथे की जेमन मसीह में बने रथें, ओमन पाप करतेच नई रहें। ए चिटठी कर लिखोईया हर सफा-सफा कहथे, कि ईसू मसीह फुरोंच में परमेसवर कर बेटा लागे, तबो ले हमर उद्धार करे बर, ओ मईनसे कर रूप धएर के धरती में आईस। ओ एहुच बात में जोर देथे कि जेमन ईसू मसीह कर उपरे बिसवास करथें अऊ परमेसवर जग मया करथें, ओमन अपन भाई मन जग जरूर मया करें। ए चिठी हर पढ़ोईया मन ला ऊतसाहित करथे कि अगर हमरे परमेसवर कर मन मुताबिक कांही चीज ला मांगथी त ओला हमके देथे।
ए चिठी ला खालहे लिखल भाग में बांटल गईस हे
जोहार 1:1-4
इंजोर अऊ अंधार 1:5-2:29
परमेसवर कर संतान अऊ सएतान कर संतान 3:1-24
सच अऊ झूठ 4:1-6
मया कर जबाबदारी 4:7-21
जीत कर ऊपरे बिसवास 5:1-21