पतरस कर लिखल दुसर चिठी
खास चेला पतरस कर लिखल दुसर चिठी
ए चिठी कर बारे में दम अकन गोएठ
पतरस हर ए चिटठी ला नगदेच कलीसिया मन कर मसीही मन ला लिखिस हवे। पाठ 3:1में ओ कथे कि एहर ओकर दुसर चिटठी लागे। ओकर ए चिटठी लिखे कर खास उदेस झूठा गुरु अऊ ओमन कर सिकछा कर बिरोध कराई हवे। परमेसवर अऊ परभू ईसू मसीह कर सचा गियान में बने रहे में परेसानी हर दूर होथे। ए सचा गियान हर ओ मईनसे मन कर दुवारा लानल गईस, जेमन ईसू मसीह ला देखे रहींन।
परमेसवर पानी कर परलय ले एक दाएर ए दुनिया ला नास करिस, ओही कस ओ फेर आगी कर संगे ए दुनिया कर नास करही। तेकर ले ए चिटठी कर लिखोईया हर बिसवासी मन ला उतसाहित करथे, कि ओमन पबितर अऊ परमेसवर कर भकती कर संगे जिनगी बिताएं। मसीह कर आए में अबेर होवथे, काबरकि परमेसवर नई चाहे कि कोनो मईनसे हर नास होए जाए। बकिन सब झन ला मन फिराए कर अऊ पछताप करे कर मोका मिले। परमेसवर हालू अवईया हवे, तेकर ले ए चिठी हर हमके मन ला तियारी में रहे बर सिखाथे।
ए चिटठी ला खालहे लिखल भाग में बांटल गईस हे
खास चेला पतरस कर जोहार 1:1-2
परमेसवर हर सब जाएत देथे 1:3-21
झूठा गुरु 2:1-22
ईसू फेर आही 3:1-18