Tìɛlɛ 2

Efɛzi kàʔa tɛ́ngɛfɔlilɔ gboli sɛbɛ wè

1 «-Ki sɛbɛ ma tórigo Efɛzi kàʔa ni mɛ́ wè, ma wi yɛ: Ŋàa wi 'ŋɔgɔlɔ kɔlisiin cò gèle wi kàliige nī gè, níɛ tári tiɛ fètindaʔaya kɔlisiin sunʔɔmɔ nī bè, wi 'jo:

2 «Mi 'muɔ kakpiʔiligele cɛ́n gèle nɛ́ muɔ fùrɔgɔ ní gè, nɛ̀ muɔ lèbaanna wuʔu cɛ́n gè nɛ̀ pínɛ. Mi 'ki cɛ́n muɔ sì ki yaʔa nɛ̀ kɛn siɛnpiile mɛ́ bèleʔ. Nɛ̀ pínɛ bìli pe 'jo peli yē bèle, muɔ 'pe siʔɛ nɛ̀ wéli nɛ̀ ki 'nyaa pe wè kireʔ; muɔ 'pe nyaa káfinɛrɛfɔlilɔ bīɛlɛ. 3 Muɔ yē nɛ́ lèbaanna ní, muɔ 'ki kpàri nɛ̀ cò mi míʔɛ kire kɛnmɛ nɛ̄ bè, muɔ sì kɛ́nì fùrɔ nɛ̀ láʔaʔ.

4 «Kaala níì sí mi 'cò muɔ kúrugu lè, kire 'nyaa dɛ́nigɛ gáà ki 'kíni nɛ̀ puu muɔ mɛ́ gè, muɔ 'ki yaʔa. 5 Ma sí muɔ tuugɛnmɛ sɔ̀ngi bè, má sí làa yiʔɛ, ma koli mari kele kúu gèle bɛ̀ muɔ cé séli nɛ ki kpínʔini gè. Á kire 'laa wè, a muɔ sì làa yiʔɛ wèʔ, m'bé kɛ́ baa muɔ kúrugu bè sa muɔ fètindaʔaga sìʔɛrɛ gè ki tiʔɛ nī gè. 6 Làa sí yē baa, muɔ 'pɔ́ri kire tiɛlɛ nɛ̄ lè, ki 'nyaa Nikola wuulo pe kakpiʔiligele ke 'muɔ biɛn bɛ̀ ke 'mi biɛn nɛ̀ pínɛ gèle.

7 «A ngbóli yē ŋìi nɛ̄, siɛn wi- ti lúʔu dàa niī nɛ nyu tɛ́ngɛfɔlilɔ gbuʔulo mɛ́ gèle. A ŋìi pɛ́nì fànʔa taa nɛ̀ fori wè, m'bága sìi tiige ki yasɛngɛ kɛn gè ki siɛn mɛ́ wè wi- ki káa; kiī baa Kulocɛliɛ tiɛcɛ̀ngɛ nī gè.»

Simirini kàʔa tɛ́ngɛfɔlilɔ gboli sɛbɛ wè

8 «-Ki sɛbɛ ma tórigo Simirini kàʔa ni mɛ́ wè, ma wi yɛ: Ŋàa wī péliwe wè nɛ́ ní sɛnwɛ wè, wi cé kùu wè nɛ́ sí yē sìi nɛ̄ wè, wi 'jo:

9 «Mi 'ki cɛ́n wuʔɔgɔ gáà gī muɔ nɛ̄ gè, nɛ́ muɔ fɔ̀ngɔ ní gè; nɛ̀ sí ki taa lɔri yē muɔ mɛ́. Nɛ̀ pínɛ bàli pe 'jo peli yē Zuufulo nɛ̀ sí ki yaʔa pe wè kire wèʔ, níɛ muɔ míʔɛ córi gè, mi 'pe cɛ́n. Setɛni gboli wuulo cɛ bīɛlɛ. 10 Fàri fìʔɛʔ wuʔɔgɔ gáà ki báan muɔ mɛ́ gèʔ.

«Ki 'nyaa wiī nɛ ki caa bè yeli pálì wáa kasuu nī bè yeli siʔɛ bè wéli; yeli bé wuʔɔgɔ suɔ bè taa cɛnyɛ kiɛ. Kò baa muɔ nyayerigele nī gèle bè taa muɔ pa kùu, bà m'bága kpuʔɔrɔ ndɔ̀ngɔ kɛn gè muɔ mɛ́ sìi wuʔu gè.

11 «A ngbóli yē ŋìi nɛ̄, siɛn wi- ti lúʔu dàa niī nɛ nyu mɛ́ gèle. A ŋìi pɛ́nì fànʔa taa nɛ̀ fori wè, kùu siinwuu wiǐ gbɛ̀ yafiɛn kpíʔile wi nɛ̄ʔ.»

Pɛrigami kàʔa tɛ́ngɛfɔlilɔ gboli sɛbɛ wè

12 «-Ki sɛbɛ ma tórigo Pɛrigami kàʔa ni mɛ́ wè, ma wi yɛ: Ŋàa mɛ́ yiɛyɛ siin ŋɔsii tàanwa wi yē wè, wi 'jo:

13 «Mi 'muɔ kòridiʔɛ cɛ́n gè: baa Setɛni kácunʔɔ ki yē kire tiʔɛ nī. Nɛ̀ pínɛ muɔ 'fàan mi míʔɛ nɛ̄ gè, muɔ sì kɛ́nì yiri tɛ́ngɛlɛ nī lè mi koligo nī gèʔ, fúɔ nɛ̀ pɛ́nì taa cɛngɛ gíì pe cé kɛ́nì Antipasi kpúu wè; wi cé yéri wi nyayerigele nī gèle nɛ mi wori nyu dè. Kire 'kpíʔile baa yeli sunʔɔmɔ nī bè baa Setɛni wi kòrí wè.

14 «Tiʔɛlɛ kálì sí yē náʔa, fúɔ mi 'yɛli bè ke juu muɔ nɛ̄: ki 'nyaa baa muɔ tiʔɛ nī gè, pàli yē baa, pe tɛnmɛnɛ cò lè nɛ tári ni nɛ̄, bà wi cé juu nɛ̀ le nī wè nɛ́ wi yɛ wi- pɛnnɛ cáan pìile yiʔɛ mɛ́ gè, nɛ́ pe kɛn a pe 'yasunro kaara káa dè nɛ́ kanuʔɔrɔ kele kpíʔile gèle.

15 «Nɛ̀ pínɛ, pàli yē baa muɔ tiʔɛ nī gè pe 'Nikolayé tɛnmɛnɛ cò lè nɛ tári ni nɛ̄. 16 Ma sí yiʔɛ muɔ fungo nī gè, á kire 'laa wè m'bága fuu bè pɛn muɔ kúrugu, m'bé sí pa kapiɛnnɛ tún nɛ́ pe ní nɛ́ ŋɔsii ní wè, ŋàa wī náʔa mi nyuɔ nī gè.

17 «A ngbóli yē ŋìi nɛ̄, siɛn wi- ti lúʔu dàa niī nɛ nyu tɛ́ngɛfɔlilɔ gbuʔulo mɛ́ gèle. A ŋìi kɛ́nì fànʔa taa nɛ̀ sɛ́nì fori wè, ŋáà wī làriwɛ wè, m'bé wi kɛn ki siɛn mɛ́ wè. Nɛ̀ pínɛ m'bé sìndɛnibifiile kɛn ki siɛn mɛ́ wè. Míɛfɔngɔ káà yē baa sɛbɛgɛ ki sìndɛnibile nɛ̄ lè; siɛn sì ki cɛ́nʔ nɛ̀ yiri ŋàa wi 'ki míʔɛ taa gèʔ.»

Tiyatiiri kàʔa tɛ́ngɛfɔlilɔ gboli sɛbɛ wè

18 «-Ki sɛbɛ ma tórigo Tiyatiiri kàʔa ni mɛ́ wè, ma wi yɛ: ‹Ti n'dɛ dàa Kulocɛliɛ Jaa wi 'juu dè; wi nyapigele kiyē majo kàsunnyige gī, á wi tɔliyɔ ní yè bɛ̀ kányiɛrɛ tíɛlɛ bɛ̀ pe sî ti nyɛgɛ á ti nìɛ nyíʔɛnɛ dè.

19 « ‹Mi 'muɔ kakpiʔiligele cɛ́n gèle, nɛ́ muɔ dɛ́nigɛ ní gè, nɛ́ muɔ tɛ́ngɛlɛ ní lè, nɛ́ muɔ baara ní dè, nɛ́ muɔ kpàricogo ní gè, nɛ́ kakuʔɔlɔ gálì muɔ nɛ kúu píra ŋáà nī wè á ke 'niʔɛ nɛ̀ tóri péligele nɛ̄ gèle.

20 « ‹Kaala láà sí yē náʔa, m'bé ni juu muɔ nɛ̄: Ki 'nyaa cɛliwɛ ŋáà pe ye Zezabɛli wè, wi 'jo wire yē wè, muɔ 'wi yaʔa wìimɛ wi- mi baakuɔlɔ tɛnmɛ bèle nɛ pe fáanni nɛ pùunní pe kanuʔɔrɔ kele kúu níɛ yasunro kaara káa dè. 21 Mi nyɛ́nì lɛ̀lɛ yaʔa wi mɛ́ gìi ki bé tí wi- yiʔɛ wi fungo nī gè, nɛ̀ sí ki taa wi wè caa bè láʔa wi kanuʔɔrɔ nɛ̄ dèʔ. 22 Ma sí nyaa, m'bé yaabiimɛ wáa wi nɛ̄ wi- kò yaala yasinɛgɛ nɛ̄, nɛ̀ pínɛ m'bé wuʔɔgbuʔɔ taʔa pe nɛ̄ bàli pe nyɛ́ni cúʔɔmɔ kele kúu gèle nɛ́ wi ní wè, a piyè láʔa wi kakpiʔiligele nɛ̄ gèleʔ. 23 Nɛ̀ pínɛ m'bé wi pìile pe sìi kúɔ wè, bɛ̀ tɛ́ngɛfɔlilɔ gbuʔulo ke mìɛni bé ki cɛ́n mi mi nyɛ́ni nyaʔa siɛn sɔ̀ngirɔ nī dè nɛ́ siɛn fungo nī gè. M'bága ye mìɛni nigbe nigbe sàri bè yɛli nɛ́ ye kakpiʔiligele ní gèle.

24 « ‹M'bé sí ki juu yeli mɛ́ yeli sɛnminɛ bálì bīɛlɛ baa Tiyatiiri kàʔa mɛ́ gè yiyè taʔa ki cuɔ ŋáà wi tɛnmɛnɛ nɛ̄ lèʔ, nɛ̀ pínɛ yeli sì ki cɛ́nʔ gàa pe ye Setɛni kalarikpoliyo yèʔ, kire nɛ̄ mi sǐ ní tugoro táà taʔa yeli nɛ̄ʔ. 25 Gìi gī yeli mɛ́ nɛ̀ kúɔ gè, ye- ki cò kpuʔɔ fúɔ bè taa mi ga pɛn.

26 « ‹A ŋìi kɛ́nì fànʔa taa nɛ̀ pɛ́nì fori wè, níɛ mi nyɛ́ni kele kúu gèle fúɔ nɛ̀ pɛ́nì nɔ̀ láʔala nɛ̄ lè, m'bé ki fànʔa kɛn gè siɛn mɛ́ wè wi- puu kùlogolo ke nyùgo nɛ̄ gè.

27 Bɛ̀ wi béri kùlogolo nári gèle

nɛ́ timɔri kàgbiile ní,

majo bɛ̀ pe sî cuʔu yakpiʔilige

muʔɔrɔ gè kɛnmɛ bíì nɛ̄ bè.

28 « ‹Kɛnmɛ bíì nɛ̄ mi 'ki taa mi Tuu mɛ́ wè, bɛ̀ míɛni m'bága kpìɛnduumɛ ŋɔnɔ̀ kɛn lè ki siɛn mɛ́ wè.

29 « ‹A ngbóli yē ŋìi nɛ̄, wi- ti lúʔu dàa niī nɛ nyu tɛ́ngɛfɔlilɔ gbuʔulo mɛ́ gèle.› »