Tɛ́ngɛlɛ siɛnnɛ yo, yeri ŋú kùlogolo ke mìɛni Kàfɔli mɛ́ wè !
149
1 Ye‑ Yewe gbùʔɔrɔ wè !Yeri ŋúnuvɔngɔ ŋú Yewe mɛ́ wè !
Yeli bálì ye 'yìye puɔ wi nɛ̄ wè,
yeri gbùʔɔrɔ ŋúnugo ŋú wi mɛ́ yeli gbúʔurulo nī lè !
2 Isirayɛli siɛnnɛ peri fundaanra kpínʔini pe Faanfɔli wi kɛnmɛ nɛ̄ !
Siyɔn kàʔa siɛnnɛ peri muguri pe Kùlofɔli wi kɛnmɛ nɛ̄ !
3 Peri yúu peri wi míʔɛ gbùʔɔrɔ́ gè;
peri ŋú wi mɛ́ béri pìnbile kpúɔn lè nɛ́ gɔri ní wè.
4 Nɛ́ ki cɛ́n Yewe nɛ tɔ́ri nɛ́ wi siɛnnɛ ní bèle;
Siɛnnɛ bálì ní pe wè tɔ́ri bèleʔ, wi nɛ̂ pe suɔ bè pe kpúʔɔ.
5 Siɛnnɛ bálì pe 'pìye puɔ Yewe nɛ̄ wè,
ki 'yɛli pe‑ puu fundaanra nɛ̄
kire kpuʔɔrɔ dáà tire kɛnmɛ nɛ̄ !
Peri fundaanra yékpuʔulo wáari gèle pe sínɛdiɛyɛ nī yè,
6 pe nyuɔyɔ yi sí de Yewe gbùʔɔrɔ́,
dí nyuɔyɔ siin ŋɔnɔ ni‑ sí puu pe kiyɛ nī yèa,
7 kire ga buu bè fuʔɔ tɔ́n gè kùlogolo kálì mɛ́,
bé sí wuʔɔgɔ taʔa kùlogolo siɛnfeliye nɛ̄ yè.
8 Pe bé pe kùlofɔlilɔ cò bèle bè puɔ nɛ́ nyùʔɔdiriye ní yè,
bé kpàʔaliyɛ le siɛnkpolilo pe tɔliyɔ nɛ̄ yè,
9 bé kàyuʔu cáan pe nɛ̄ gàa Kulocɛliɛ yé sɛbɛ gè.
Siɛnnɛ bálì pe 'pìye puɔ Yewe nɛ̄ wè, tire bé puu kpuʔɔrɔ pe mìɛni mɛ́.
Ye- Yewe gbùʔɔrɔ wè !