Yeri Yewe gbùʔɔrɔ́ nɛ́ yakpuɔnrɔ ní !
150
1 Ye‑ Yewe gbùʔɔrɔ wè !Yeri Kulocɛliɛ gbùʔɔrɔ́ wi
saawalidɛngɛgɛ nī gè !
Yeri wi gbùʔɔrɔ́ nyìʔɛnɛ nī lè,
bàa wi ŋɔri ti tìi tìí dè.
2 Yeri wi gbùʔɔrɔ́ wi kakpoliyo
kɛnmɛ nɛ̄ bè !
Yeri wi gbùʔɔrɔ́ wi kpuɔmɔ
kɛnmɛ nɛ̄ bè
bàa pi 'kpúʔɔ nɛ̀ tóri bè !
3 Yeri wi gbùʔɔrɔ́ yeri sìnbanyɛgɛ
wíi gèa !
Yeri wi gbùʔɔrɔ́ nɛ́ màʔagɛlɛ
bɔ̀licɛrigɛ ní gè,
nɛ́ gɔri ní wè !
4 Yeri wi gbùʔɔrɔ́ nɛ́ pìnbile ní lè,
nɛ́ yuɔrɔ ní dè !
Yeri wi gbùʔɔrɔ́ nɛ́ màʔagɛlɛ yakpuɔnrɔ ní dè, nɛ́ maana ní lè !
5 Yeri wi gbùʔɔrɔ́ nɛ́ kányiɛrɛ yakpuɔnrɔ ní dè
dàa ti sɔ́migi nɛ tùngú dè !
Yeri wi gbùʔɔrɔ́ nɛ́ kányiɛrɛ yakpuɔnrɔ ní dè
dáà ti cî nɛ tùngú kpuʔɔ dèb !
6 Yɛgɛ ó yɛgɛ ki ŋɔ́gi gè, kiri Yewe gbùʔɔrɔ́ wè !
Ye- Yewe gbùʔɔrɔ wè !