Ŋúnuyɔ 148

Dàala nɛ́ nyìʔɛnɛ, yeri Yewe gbùʔɔrɔ́ wè!

1 Ye‑ gbùʔɔrɔ wè !

Ye‑ Yewe wè, bè ki líɛ baa nyìʔɛnɛ nī lè !

Nyìʔɛnɛ tiɛliiliye nī yè, ye‑ wi gbùʔɔrɔ !

2 Yeli ye mìɛni bàli bīɛlɛ bèle, ye‑ wi gbùʔɔrɔ !

Yeli ye mìɛni bàli bīɛlɛ nyìʔɛnɛ kapiɛngbuɔnnɔ bèle,

ye‑ wi gbùʔɔrɔ !

3 Cɛngɛ nɛ́ yege ní gè, ti‑ wi gbùʔɔrɔ !

Ŋɔgɔlɔ gálì ke mìɛni ke nyíʔɛnɛ gèle, ke‑ wi gbùʔɔrɔ !

4 Nyìʔɛnɛ tiɛliiliye wómiwomi yè, yi‑ wi gbùʔɔrɔ,

nɛ́ míɛni luɔrɔ dáà dī nyìʔɛnɛ naamɛ gè.

5 Tire 'yɛli de Yewe gbùʔɔrɔ́ wè,

nɛ́ ki cɛ́n wire wi 'ki juu nɛ̀ gbɛ̀ngɛ á ti 'faan.

6 Wire wi 'ti tɛ́ngɛ ti tiɛyɛ nī yè lɛ̀lɛ ó lɛ̀lɛ nī,

fànʔa kaala náà wi 'taʔa ti nɛ̄ dè, niǐ gbɛ̀ cúʔɔʔ.

7 Yeli bálì bīɛlɛ dàala nɛ̄ lè, ye‑ Yewe gbùʔɔrɔ wè !

Luɔyɔ yawiikpoliyo yè, nɛ́ míɛni luɔyɔ sícuuyo ní yè,

8 kàsakpɛnigɛ kàsun nɛ́ kàsasindari,

nɛ́ nɛ̀wirile nɛ́ kàsadɛnyɛ,

káfaligbuʔɔ gáà ki Yewe siɛnrɛ lúru dè,

9 nyaguruyo nɛ́ nyaguruyɛliyɛ yi mìɛni,

tiiye nyáà yi sɛngi yè nɛ́ tiikpaʔaliyɛ yi mìɛni ní yè,

10 nɛ́ nyàʔayɛrɛ nɛ́ yajuuro ti mìɛni ní,

yafulolido nɛ́ sínjari ní dè,

11 duniya kùlofɔlilɔ nɛ́ kùlogolo siɛnfeliye yi mìɛni ní yè,

siɛnkpolilo nɛ́ kàyuʔujuufɔlilɔ pe mìɛni ní bèle duniya nī wè,

12 nàgapunminɔ nɛ́ sinborilo míɛni ní bèle,

liɛlɛ nɛ́ pìile ní bèle,

13 ye mìɛni yeri Yewe míʔɛ gbùʔɔrɔ́ gè !

Nɛ́ ki cɛ́n wire nigbe míʔɛ ki 'kpúʔɔ,

wi kpuɔmɔ pi 'dàala nɛ́ nyìʔɛnɛ nyì lè.

14 Wire wi nyɛ́nì wi siɛnnɛ nyùgo yɛ̀gɛ gè nɛ́ ŋɔri kɛn pe mɛ́,

nɛ́ ki kpíʔile wi siɛnnɛ bálì pe 'pìye puɔ wi nɛ̄ wè,

pe mìɛni pe 'kpuʔɔrɔ taa,

siɛnnɛ peli bīɛlɛ, bàli pe 'kpɔni wi nɛ̄ wè.

 !