Yewe, muɔ wī mi suɔdiʔɛ gè
142
1 Dawuda sícilimɛ ŋúnugo gīa. Bà wi 'puu nyaguruwiʔi nī gèb. Náarigɛ gī.
2 Mi 'yékpogbuɔlɔ wáa lè Yewe mɛ́,
mi 'Yewe fiɛn wè nɛ́ yékpogbuɔlɔ ní.
3 Mi nɛ mi dìgire nyu dè nɛ tìí Yewe nɛ̄ wè,
nɛ́ mi fùrɔgɔ wuʔu juu gè wi yiʔɛ mɛ́ gè.
4 Bà mi céri ti mìɛni kùu mi nɛ̄ dè, muɔ ma 'mi koligo cɛ́n gè.
Mi koligo nɛ̄ gè, pe 'pɛnnɛ pari mi nɛ̄.
5 -Muɔ yiʔɛ wáa gè kàliige mɛ́c, ma wéli,
siɛn wáà fáala wè tɔ́ri nɛ̀ mi níʔ.
Làridiʔɛ ni wè mi mɛ́ʔ,
siɛn wáà fáala wè nɛ sɔ̀ngí mi sìi wuʔu nɛ̄ gèʔ.
6 Yewe yo, mi 'kòkuulo wáa muɔ kúrugu nɛ́ jo:
«Muɔ wī mi làridiʔɛ gè,
muɔ yē mi liɛlɛ siɛnwiile sunʔɔmɔ nī bè, dàala nɛ̄ lè.
7 Ma líiye cáan m'mɛ́ a mi 'kòkuulo wáa lè,
nɛ́ ki cɛ́n mi ŋɔri ti 'cɛ̀ri nɛ̀ tóri.
‑Mi cò ma suɔ pe kiyɛ nī yè, bàli pe 'mi cìra wè !
Nɛ̀ ki cɛ́n, pe ŋɔri ti nyɛ́nì niʔɛ mi nɛ̄.
8 ‑Mi cò ma yige kasuu nī wè,
kire ga buu mi de muɔ míʔɛ gbùʔɔrɔ́ gè !
Bà siɛnsinminɛ pe bé pɛn bè pa mi màʔa bè suʔu,
a muɔ kɛ́nì kacɛ̀ngɛ kpíʔile mi nɛ̄ wè.»