Weli nyapigele ke 'wéli Yewe mɛ́ wè
123
1 Fundaanra tánʔagbuɔlɔ ŋúnugo gī.
Mi 'mi yiʔɛ yɛ̀gɛ gè muɔ kɔli mɛ́, muɔ ŋáà wī tɛ́niwɛ muɔ kùlofɔlilɔ kácunʔɔ nɛ̄ gè nyìʔɛnɛ nī lè.
2 ʔaan, majo bɛ̀ sùkulolo cî nɛ wéli pe kàfɔli kiyɛ mɛ́ yè,
majo bɛ̀ sùkulocuɔ cî nɛ wéli wi kàfɔli cuɔ kiyɛ mɛ́ yè,
bɛ̀ míɛni weli nyapigele ke 'wéli Yewe weli Kulocɛliɛ mɛ́ wè
fúɔ bè taa wi báa kpuʔɔrɔ taʔa dè weli nɛ̄.
3 Ma kpuʔɔrɔ taʔa dè weli nɛ̄, Yewe, ma kpuʔɔrɔ taʔa dè weli nɛ̄ !
Nɛ́ ki cɛ́n weli nyɛ́nì tín siɛnnɛ pe faʔama nɛ̄ bè.
4 Weli funyɔ yi nyɛ́nì tín ladaanmafɔlilɔ pe tiʔɛligɛlɛ nɛ̄ gèlea,
nɛ́ fungbuʔɔfɔlilɔ pe faʔama ní bè.