Weli sáʔafɔli wire wī Yewe wè
124
1 Fundaanra tánʔagbuɔlɔ ŋúnugo gī. Dawuda wuʔu gī.
A Yewe sì cé puu nɛ́ weli ní wèʔ,
Isirayɛliyé pe‑ ki juu, pe‑ jo:
2 A Yewe sì cé puu nɛ́ weli ní wèʔ lɛ̀lɛ líì nī siɛnnɛ pe 'yɛ̀ weli kúrugu bèle,
3 bà pe fungo ki yé yɛ̀ weli kúrugu bɛ̀ kàsun tíɛlɛ gè,
pe cî weli júɔ wiile.
4 Lakpuʔɔ ki cî weli lìi, lanyinɛ ni cî weli nyùyɔ tɔ́n yè,
5 lakuruyo nyáà yī jɛnmɛyɛ yè yi cî weli fàa bè líɛ.
6 Kpuʔɔrɔ 'yɛli ti de tari Yewe nɛ̄ wè,
wire ŋáà wiì weli leguulo yaʔa bèle
a pe gànʔana ke 'weli sànʔa gèleʔ !
7 Weli nyɛ́nì suɔ bɛ̀ sínjinʔɛ tíɛlɛ gàa ki 'suɔ dèzuuwo wi jùɔ mɛ́ wè;
jùɔ wi 'cɛnminɛ, a weli 'fɛ̀ nɛ̀ yiri !
8 Weli sáʔafɔli wire wī Yewe wè,
wire ŋáà wi 'nyíʔɛnɛ nɛ́ dàala faan lè.