Kùlofɔli wiī kacuɔnriwɔ
110
1 Dawuda ŋúnudanʔa gī gàa pe ŋú nɛ́ yakpuɔnrɔ ní dè.
A Yewe wi 'ki juu mi Kàfɔli mɛ́ wè nɛ́ wi yɛ: «Tɛ́ni mi kàliige mɛ́ gè,
fúɔ bè taa mi ga muɔ leguulo kpíʔile bèle muɔ tɔliyɔ taʔadiʔɛa.»
2 Bè ki líɛ Siyɔn kàʔa nī gè, Yewe bé muɔ fànʔa kàgbiile sìɛn lè,
dí muɔ bé tɛ́ni fànʔa nɛ̄ gè muɔ leguulo sunʔɔmɔ nī bèb.
3 Cɛngɛ gíì muɔ bé kɛ́ kapiɛnnɛ mɛ́ lè,
muɔ siɛnnɛ pe bé pìye kɛn muɔ mɛ́ nɛ́ funjɛ̀ngɛ ní.
Nàgapunminɔ pe bé pɛn muɔ mɛ́ nyaguruyo wàlidɛngɛyɛ nɛ̄ yè, majo bɛ̀ kpìɛnduumɛ kámɛgɛ tíɛlɛ gèc.
4 Yewe 'ki kàli, wiǐ ní sùnʔɔrɔ ti nɛ̄ púloʔd:
«Muɔ yē kacuɔnriwɔ lɛ̀lɛ ó lɛ̀lɛ nī, Mɛlikisedɛki feligee.»
5 Kàfɔli Kulocɛliɛ wiī muɔ kàliige mɛ́,
wi bé kùlofɔlilɔ muʔɔrɔ bèle wi funyɛrigɛ cɛngɛ nī gè.
6 Wiī nɛ kàyuʔu nyu gè kùlogolo ke mìɛni nɛ̄,
níɛ kúbilo gbunʔuni bèle ke nī,
wiī nɛ kàfɔlilɔ muʔɔrɔ bèle dàala ni mìɛni nɛ̄.
7 Bè wi yaʔa koligo nɛ̄ gè, kùlofɔli wi bé luʔɔ gbuɔ lakoligo nī gè,
kire kɛnmɛ nɛ̄ wi bé wi nyùgo yɛ̀gɛ gèf.