Siɛnnɛ pe mìɛni 'kɔ́n Siyɔn kàʔa mɛ́
87
1 Kore jaalaa ŋúnugo gī. Ŋúnudanʔa gè gàa pe ŋú nɛ́ yakpuɔnrɔ ní dè.
Yewe wi 'wi kàʔa tɛ́ngɛ gè nyaguruyo wàlidɛngɛyɛ nɛ̄ yè.
2 Siyɔn kàʔab ki 'Yewe dɛ́ni wè nɛ̀ tóri
Yakuba kàaya yi mìɛni nɛ̄.
3 Cí, muɔ ŋáà wī Kulocɛliɛ kàʔa gè,
pe 'kpuʔɔrɔ kele nìʔɛgɛlɛ 'juu muɔ wuʔu nɛ̄ gè. Ye‑ ŋɔ́ cɛ̀.
4 Kulocɛliɛ 'ki juu nɛ́ joc:
«Ezipiti kùlo lèd, nɛ́ Babilɔni kàʔa gè,
yi kùlo siɛnnɛ piyē pàli sunʔɔmɔ nī, bàli pe 'mi cɛ́n bèle,
nɛ́ míɛni Filisiti kùlo nɛ́ Tiiri kàʔa nɛ́ Kusi kùloe wuulo ní bèlef,
mi 'ki juu pe wuʔu nɛ̄ gè nɛ́ jo: ‹Bàli bèle, peli nyɛ́nì sii baa Siyɔn kàʔa nī gèg.› »
5 Siyɔn kàʔa wuʔu nɛ̄ gè, pe bé ki juu bé jo:
«Siɛnnɛ pe mìɛni 'sii baa.
Kulocɛliɛ ŋáà wī Duniya wi Mìɛni Nyùgo nɛ̄ gè,
wire wi 'ki sɔ́migɔ nɛ̀ tɛ́ngɛ.»
6 Bà Yewe 'kùlogolo sɛbɛ gèle,
a wi 'ki juu ke mìɛni nigbe nigbewuʔu nɛ̄ gè nɛ́ jo:
«Wàa nyɛ́nì sii Siyɔn kàʔa nī gè.» Ye‑ ŋɔ́ cɛ̀.
7 Bà siɛnnɛ pe béri yúu béri ŋú bé jo:
«Mi nìreh ti mìɛni 'yiri muɔ nī.»