Fànʔa Kajuʔulo 10

Yewe wi 'Isirayɛliyé pe kàsulugo suɔ gè

1 A ń'nɛ̀ ki juu nɛ́ jo: «Kire lɛ̀lɛ nī lè, a 'mi yɛ: ‹-Kàdɛniyɛ siin tɛn cígini bɛ̀ péliye tíɛlɛ yè, ma tánʔa mi kúrugu nyagurugo naamɛ gè. Nɛ́ míɛni muɔ bé kpíʔile gè nɛ́ tiire ní dè. 2 M'bé mi nyasiɛnrɛ sɛbɛ dè kàdɛnitɛnyɛ nɛ̄ yè, dàa ti 'kíni nɛ̀ puu kàdɛnipeliye nɛ̄ yè nyàa muɔ 'jabari yè. Muɔ bé yi le finʔɛgɛ nī gè.›

3 «Mi yé finʔɛgɛ kpíʔile gè nɛ́ akasiya tiire ní. A mi siin kpíʔile yè bɛ̀ péliye tíɛlɛ yè, á mi 'tánʔa nɛ́ yi ní nyagurugo nɛ̄ gè, kàdɛnitɛnyɛ siin ní yè mi kiyɛ nī yè. 4 A Yewe 'sɛbɛ kàdɛnitɛnyɛ nɛ̄ yè siɛnrɛ dáà wi yé sɛbɛ dè péliye nɛ̄ yè, gèle gàli wi yé kíni nɛ̀ juu yeli mɛ́ gèle nyagurugo naamɛ gè, kàsun sunʔɔmɔ nī bè, cɛngɛ gíì yeli yé puu gbuʔulilo bèle. A wi 'yi kɛn mi mɛ́. 5 A mi 'koli nɛ̀ tìgi nyagurugo nɛ̄ gè nɛ̀ pɛ́nì yi le finʔɛgɛ nī gè gàa mi yé kpíʔile gè. A yi 'kò baa súuri, majo bɛ̀ Yewe cé ki juu nɛ̀ gbɛ̀ngɛ mi mɛ́ gè.»

6 Kire lɛ̀lɛ náà nī lè, a siɛnnɛ pe 'yiri Bɛnɛ Yakan kɔ̀lɔlɔ tiɛyɛ nī yè nɛ̀ kɛ́ nɛ̀ sɛ́nì nɔ̀ Mɔsɛra tɛ́nimɛ nī bè. Kire tiʔɛ kire nī wi 'kùu a pe 'wi tɔ́n baa. wè, wi jaa wè, a wi 'kò wi sìndiʔɛ nī gè.

7 A pe 'yɛ̀ kire tiʔɛ nī gè nɛ̀ kɛ́ Gudigoda tiʔɛ mɛ́ gè, a pe ń'nɛ̀ yɛ̀ kire tiʔɛ nī gè nɛ̀ kári nɛ̀ sɛ́nì nɔ̀ Yotibata tiʔɛ nɛ̄ gè, baa lakoliniʔɛyɛ yi yē yè. 8 Kire lɛ̀lɛ lire nī Yewe wàli gè nɛ̀ tɛ́ngɛ bèri Yewe turu gè, béri yèrí Yewe yiʔɛ mɛ́ gè bèri baara wi mɛ́, bé sí de Yewe náari wi- diba taʔa wè siɛnnɛ nɛ̄ bèle. Kire pe kpínʔini fúɔ nɛ̀ pɛ́nì nɔ̀ pàngɛ nɛ̄ gè. 9 Kire nɛ̄ piyè pe liɛ yakaa níʔ, dàala míɛni sí wè pe mɛ́ kɔrigɔʔ pe siinyɛninɛ sunʔɔmɔ nī bè. Yewe wire wī pe kɔrigɔ gè, majo bɛ̀ Yewe muɔ Kulocɛliɛ wi yé ki juu pe mɛ́ gè.

10 «Mi wè, a mi sí kò nyagurugo naamɛ gè, majo bɛ̀ mi yé kíni nɛ̀ ki kpíʔile gè, cɛnyɛ togosiin nɛ́ pìliye togosiin. A Yewe ń'nɛ̀ lúʔu mi mɛ́ cígini; wiì fɔ̀li nɛ̀ muɔ cúʔɔʔ. 11 A Yewe 'mi yɛ, mi- yɛ̀, mi- siɛnnɛ yiʔɛ kíni gè miri waa tánʔana nɛ̄ lè, kire ga buu pe- sa kùlo líɛ lè pe woli, lire náà wuʔu wi nɛ̀ kɛn pe tobilo mɛ́ bèle.»

-Yewe woli yaʔa lè ni- muɔ dɛ́ni

12 «Píra ŋáà nī wè, gboli, gáa muɔ Kulocɛliɛ wiī nɛ caa muɔ mɛ́ ? Wiī nɛ ki caa muɔ de Yewe muɔ Kulocɛliɛ fìʔɛ́ wè, dí ma sí de wi koligo tári gè, bé wi kaala yaʔa lè ni- muɔ dɛ́ni, béri wi baara kúu dè nɛ́ muɔ fungo ki mìɛni ní nɛ́ muɔ pìle ni mìɛni ní, 13 dí mári tári de yɛligi nɛ́ wi fànʔa kajuudiʔɛlɛ ní gèle nɛ́ Yewe fànʔa kele ní gèle gàli mi 'juu nɛ̀ gbɛ̀ngɛ muɔ mɛ́ pàngɛ gè bè muɔ nyuɔ wè.

14 «Kányiʔɛ gī, Yewe muɔ Kulocɛliɛ wire mɛ́ ni yē, nɛ́ míɛni nyìʔɛnɛ náà ni 'líili baa píripiri lè, nɛ́ dàala ní lè, nɛ́ yɛrɛ ti mìɛni ní dàa dī dàala nɛ̄ lè. 15 Nɛ̀ sí ki yaʔa, muɔ tuuliɛyɛ yire yákuɔ nɛ̄ Yewe wìi puɔ nɛ́ pe woli yaʔa lè a ni 'wi dɛ́ni. Pe siimɛ pire wi 'nyíɛnɛ nɛ̀ kɔ̀n; peli bīɛlɛ yeli bèle, siɛnfeliye yi mìɛni sunʔɔmɔ nī bè, ki nyɛ́nì cɛ́n pàngɛ gè míɛni.

16 «Ye- yeli funyɔ yiʔɛ yè yìye nī yeri lúru wi mɛ́; ye fǎga ní puu siɛnciileʔ. 17 Nɛ́ ki cɛ́n Yewe yeli Kulocɛliɛ wire wī kpuʔɔ nɛ̀ tóri kulocɛlɛlɛ nɛ̄ bèle nɛ́ duniya kàfɔlilɔ pe mìɛni nɛ̄ bèle. Kulocɛliɛ wire wi 'kpúʔɔ nɛ́ ní ŋɔri ní; wire nɛ̄ we 'yɛli bèri fìʔɛ́. Wi wè nɛ siɛn yigi siɛn nīʔ. Yɛrɛ díì pe sî nùʔɔrɔ nɛ̀ suɔ dè, wi wè ti caaʔ. 18 Wiī nɛ tànʔa kanʔa círile mɛ́ bèle nɛ́ lakicɛlilɛ ní bèle. Nabɔnminɔ woli ni 'kpúʔɔ wi mɛ́; wiī nɛ yaliire kanʔa pe mɛ́ nɛ́ burudo ní dè. 19 Yeli míɛni bèle, ye- nabɔnminɔ yaʔa bèle pe- yeli dɛ́ni, bàli bīɛlɛ yeli sunʔɔmɔ nī bè. Ye- sɔ̀ngi ye taa ye ki cɛ́n yeli míɛni 'puu nabɔnminɔ kùlo nī lè.

20 «Yewe muɔ Kulocɛliɛ wè, wire nɛ̄ muɔ 'yɛli bèri fìʔɛ́, béri baara kúu wi mɛ́. Wire nɛ̄ muɔ 'yɛli bè mìɛ puɔ. Wire míʔɛ kire nɛ̄ muɔ béri . 21 Wire wī muɔ béri kpóri. Wire wī muɔ Kulocɛliɛ wè, wire ŋáà wi 'kakpoliyo nɛ́ fíɛrɛ kele kpíʔile gèle, gàli yeli 'nyaa yeli nyapigele ní gèle. 22 Muɔ tobilo pe yé puu siɛnnɛ togotaanri nɛ́ kpɔrigɔ lɛ̀lɛ líì nī pe 'pɛn Ezipiti kùlo mɛ́ lè; píra ŋáà nī wè Yewe muɔ Kulocɛliɛ wi 'muɔ kpíʔile siɛnniʔɛbogo bɛ̀ nyìʔɛnɛ ŋɔgɔlɔ tíɛlɛ gèle.»