Yirile 29

Kacuɔnrilɔ tɛ́ngɛgɛnmɛ bè

1 A Yewe ń'nɛ̀ jo: «Ki n'gɛ gàa muɔ bé kpíʔile bè Arawɔn nɛ́ wi jaala wàli bèle bè tɛ́ngɛ wè kire ga buu peri baara kúu dè mi mɛ́ wè.

«Muɔ bé kpɔlidiɛlɛfun nɛ̀piɛyɛlilɛ láà cò nɛ́ kpɔlidiɛlɛfun sìnbapɔlilɔ siin ní. 2 Muɔ bé sí búru feliye taanri kpúɔn nɛ́ míifuɔnibɔ ní bè, nyàa yī búru wè, nɛ́ sìnvarifun búru kpɔbilɔ ní bálì pe 'kpúɔn nɛ́ sùnmɔ ní bè, nɛ́ sìnvarifun ŋɔ̀minɔ ní bàli nɛ̄ pe 'sùnmɔ wo bè. 3 Muɔ bé ti mìɛni pínɛ bè le danʔa nī, bè pɛn nɛ́ ti ní Yewe yiʔɛ mɛ́ gè, nɛ́ nɛ̀piɛyɛlilɛ ní lè, nɛ́ sìnbapɔlilɔ siin ní bèle.

4 «Muɔ bé nɛ́ wi jaala kɔ́ri bèle bè pɛn wìile yiʔɛ mɛ́ gè, bè pa pe gbéli nɛ́ luʔɔ ní. 5 Muɔ bé sí burudo líɛ dè bè ti le Arawɔn nɛ̄ wè: burudɔnigɔ gè, nɛ́ burugbuɔyɛligɛ gáà gī nɛ́ burubile ní lè, nɛ́ ní wè. Muɔ bé sí efodi burubile puɔ lè ki nɛ̄ nɛ́ efodi màʔana ní lè, nàa pe 'sɔ́migɔ nɛ̀ kpíʔile lè. 6 Muɔ bé ndɔ̀njɛngɛ tɔ́n gè wi nyùgo nɛ̄ gè, bé sí yakpɔbigɔ puɔ gè dárigɛ ndɔ̀njɛngɛ nɛ̄ gè gbɛlɛ yiʔɛ mɛ́ gè, gàa nɛ̄ ki 'sɛbɛ gè nɛ́ jo: ‹Wàlidɛngɛwɛ Yewe mɛ́›. 7 Muɔ bé siɛnnyiɛnɛgɔn sùnmɔ líɛ bè, bè pi wo wi nyùgo nɛ̄ gè bè wi wàli bè tɛ́ngɛ. 8 Muɔ bé Arawɔn jaala sìʔɛrɛ bèle kpɔni, bé sí burudɔniyɔ le yè pe nɛ̄. 9 Muɔ bé Arawɔn nɛ́ wi jaala puɔ bèle nɛ́ burudɔniyɔ màʔagɛlɛ ní gèle, bé sí pe ndɔ̀ngɔlɔ tɔ́n gèle pe nɛ̄. Bà pe bé nɛ́ gbɛ̀ri baara kúu dè; tire bé puu fànʔa kaala lɛ̀lɛ ó lɛ̀lɛ.

«Píra ŋáà nī wè muɔ bé pe tɛ́ngɛ kacuɔnrilɔ baara nɛ̄ dè. 10 Muɔ bé nɛ̀piɛyɛlilɛ cò lè bè pɛn nɛ́ ni ní Kpàlidiʔɛ Kpátaʔa yiʔɛ mɛ́ gè, dí Arawɔn nɛ́ wi jaala pe- sí kiyɛ taʔala yè nɛ̀piɛyɛlilɛ nyùgo nɛ̄ gè. 11 Bà muɔ bé sí nɛ̀piɛyɛlilɛ kɔni lè mi yiʔɛ mɛ́ gè Kpàlidiʔɛ Kpátaʔa wìile nɛ̄ lè. 12 Muɔ bé nɛ̀piɛyɛlilɛ ni sìsiɛn tuʔɔ gè bé sí muɔ kabiɛlɛ nígi lè ki nī bè taʔa ki nyɛgɛlɛ sicɛri nɛ̄ gèle, bé sí sìsiɛn sɛngɛ wo gè gbùʔɔrɔdiʔɛ ki táanmɛ tiɛyɛ nī yè. 13 Muɔ bé sùnmɔ tiɛyɛ yi mìɛni celile yè bàa pi 'laafungbuʔɔ nɛ́ laara tɔ́n dè, nɛ́ ní wè, nɛ́ seluʔulo siin ní gèle nɛ́ sùnmɔ ní bè bàa pi 'ke màʔa gèle. Muɔ bé ti mìɛni sórigo gbùʔɔrɔdiʔɛ nɛ̄ gè. 14 Nɛ̀ ki yaʔa muɔ bé nɛ̀piɛyɛlilɛ kaapirimɛ líɛ bè, nɛ́ sɛ̀ngɛ ní gè nɛ́ ni fire ní dè, bè ti yige bùguro kàduʔu mɛ́ gè bè ti sórigo. Tire yē kaara dè.

15 «Muɔ bé sìnbapɔli péliwe cò wè, dí Arawɔn nɛ́ wi jaala pe- sí kiyɛ taʔa yè wi nyùgo nɛ̄ gè. 16 Bà muɔ bé wi kɔni, bé wi sìsiɛn tuʔɔ gè dí muɔ ki nyɛri nyɛri bè gbùʔɔrɔdiʔɛ màʔa gè. 17 Bà muɔ bé sìnbapɔli kaara celile dè yasɛyɛ yasɛyɛ, bé wi laafungbuʔɔ nɛ́ wi laara nɛ́ wi tɔliyɔ jíge yè bè ti taʔa kaacunʔɔrɔ nɛ̄ dè nɛ́ nyùgo nɛ̄ gè, 18 bé sí sìnbapɔli wi kaara ti mìɛni sórigo gbùʔɔrɔdiʔɛ nɛ̄ gè. Tire yē mi Yewe yiʔɛ mɛ́ gè, dàa nùdaanna ni mi Yewe fungo nyígi gè, dàa kàsun ki sórigi mi Yewe yiʔɛ mɛ́ gè.

19 «Muɔ bé ní sìnbapɔli siinwuu cò wè, dí Arawɔn nɛ́ wi jaala pe- sí kiyɛ taʔala yè wi nyùgo nɛ̄ gè. 20 Muɔ bé sìnbapɔli kɔni wè, bé wi sìsiɛn tuʔɔ gè, bè kàa taʔa Arawɔn kàliige kɔli ngbówɛgɛ nɛ̄ gè táanmɛ gè, bé ní kàa taʔa Arawɔn jaala pe kàliige kɔli ngbówɛyɛ nɛ̄ yè táanmɛ gè, bé ní kàa taʔa pe mìɛni kàliige kiyɛ kabaligbuɔlɔ nɛ̄ bèle, nɛ́ pe kàliige tɔliyɔ kabaligbuɔlɔ nɛ̄ bèle. Muɔ bé sí sìsiɛn sɛngɛ nyɛri nyɛri gè bè gbùʔɔrɔdiʔɛ màʔa gè. 21 Muɔ bé sí sìsiɛn káà tuʔɔ gàa ki 'wo gbùʔɔrɔdiʔɛ nɛ̄ gè nɛ́ siɛnnyiɛnɛgɔn sùnmɔ ní bè, bè ki nyɛri nyɛri Arawɔn nɛ́ wi jaala nɛ̄ bèle, nɛ́ Arawɔn nɛ́ wi jaala pe burudo nɛ̄ dè. Bɛ̀ ki bé kpíʔile Arawɔn nɛ́ wi jaala ní bèle pe bé wàli bè tɛ́ngɛ, peli nɛ́ pe burudo ní dè.

22 «Muɔ bé sìnbapɔli wi sùnmɔ tiɛyɛ líɛ yè: nɛgɛ gè, nɛ́ sùnmɔ tiɛyɛ nyáà yi 'wi laafungbuʔɔ nɛ́ wi laara màʔa dè, nɛ́ nyibɔli ní wè, nɛ́ seluʔulo siin ní gèle nɛ́ ke sùnmɔ ní bè, nɛ́ míɛni kàliige ciile ní lè, nɛ́ ki cɛ́n tire yē sìnbapɔli kaara dáà dī siɛntɛngɛ kakuɔrɔ kele wori dè. 23 Nɛ́ míɛni, búru kpɔbiwɔ nigbe, nɛ́ búru nigbe ŋáà pe 'kpúɔn nɛ́ sùnmɔ ní bè, nɛ́ ŋɔ̀mi nigbe ní, muɔ bé pe kɔ̀n sìnvarifun búrulo nī bèle bàli pe 'tɛ́ngɛ danʔa nī gè Yewe yiʔɛ mɛ́ gè. 24 Muɔ bé ti mìɛni pínɛ bè le Arawɔn kadaʔala nī gèle nɛ́ Arawɔn jaala kadaʔala nī gèle, dí pe- sí ti mìɛni yɛ̀gɛ naamɛ Yewe yiʔɛ mɛ́ gè. 25 Kire kàduʔumɛ gè muɔ bé koli ti suɔ pe mɛ́, bè sa ti sórigo gbùʔɔrɔdiʔɛ nɛ̄ gè, bè taʔa kakuɔrɔ kaasuʔuro naamɛ gè, gìi ki bé tí nùdaanna ni- mi Yewe fungo nyígi gè. Tire yē kakuɔrɔ yakɔnrɔ dáà kàsun ki sórigi mi Yewe yiʔɛ mɛ́ gè.

26 «Muɔ bé sìnbapɔli wi dìribuu kaara líɛ dè, dàa dī Arawɔn siɛntɛngɛ kakuɔrɔ kele wori dè. Muɔ bé ti yɛ̀gɛ naamɛ Yewe yiʔɛ mɛ́ gè. Tire ti bé puu muɔ liɛlɛ lè. 27 Dìribuu kaara tiʔɛ gíì muɔ 'yɛ̀gɛ naamɛ gè, nɛ́ ciile ní lè nàa muɔ 'kɔ̀n nɛ̀ kɛn Yewe mɛ́ wè kpuʔɔrɔ wori dè, muɔ bé ti wàli bè tɛ́ngɛ. Tire yē dàa pe 'yɛgɛ naamɛ gè nɛ́ dàa pe 'kɔ̀n nɛ̀ kɛn kpuʔɔrɔ dè, kacuɔnrilɔ tɛ́ngɛ sìnbapɔli kaara dè, Arawɔn nɛ́ wi jaala tɛ́ngɛ wori dè. 28 Tire bé puu fànʔa kaala siɛnnɛ mɛ́ bèle lɛ̀lɛ ó lɛ̀lɛ, nàa ni 'jo lè kaara tiɛyɛ nyáà yire yē Arawɔn nɛ́ wi jaala wori dè. Nɛ́ ki cɛ́n tire yē kpuʔɔrɔ dáà pe 'kɔ̀n nɛ̀ kɛn Yewe mɛ́ wè, bà ti bé puu pe liʔɛlɛ, peri ke kɔ̀ngí pe nī dè de kanʔa Yewe mɛ́ wè.

29,30 «A Arawɔn kɛ́nì kùu wè, a wàa kɛ́nì kò pe nī kàfɔli Arawɔn kàduʔumɛ gè, Arawɔn buruwalidɛngɛrɛ dáà ti bé kɛn míɛni Arawɔn jaala mɛ́ bèle, lɛ̀lɛ líì nī pe bé wàa nyíɛnɛ gɔ̀n nɛ́ sùnmɔ ní bè, bé tɛ́ngɛ wi baara nɛ̄ dè. A wi kɛ́nì jíin Kpàlidiʔɛ Kpátaʔa nī gè bèri wi baara kúu dè nī gè, wi bé bururo dáà le dè cɛnyɛ kɔlisiin sunʔɔmɔ nī bè.

31 «Bà muɔ bé sìnbapɔli kaara líɛ dè dàa dī siɛntɛngɛ kakuɔrɔ kele wori dè, bè ti suʔɔ tiʔɛ káà nī gàa gī wàlidɛngɛgɛ gè. 32 Sìnbapɔli wi kaara dè nɛ́ búru ní wè ŋàa wī danʔa nī gè, Arawɔn nɛ́ wi jaala ní bèle, peli pe bé ti káa Kpàlidiʔɛ Kpátaʔa wìile yiʔɛ mɛ́ gè. 33 Peli yákuɔ pe bé ti káa dàa pe 'tiʔɛ nɛ̀ pe kàsulugosuɔ kele kúɔ dè, pe wàlidɛngɛlɛ lɛ̀lɛ nī lè, bɛ̀ pe 'puu nɛ pe tɛ́ngi pe baara nɛ̄ dè. Siɛn wáà wiiyɛ sì yɛli bè ti káaʔ, nɛ́ ki cɛ́n kaawalidɛngɛrɛ dī. 34 A tàa 'kò dè kpìɛnduu sínbinimɛ táanni bè, kaara dáà dī siɛntɛngɛ kakuɔrɔ kele wori dè kire ga laa búru wè, muɔ bé ti sɛnrɛ sórigo dè. Nɛ́ ki cɛ́n tiì yɛli pe ti káaʔ; tiī kaawalidɛngɛrɛ.

35 «Bà muɔ bé ki kpíʔile Arawɔn nɛ́ wi jaala mɛ́ bèle, bè yɛli nɛ́ dàa ní mi 'juu nɛ̀ gbɛ̀ngɛ muɔ mɛ́ dè. Muɔ bé siɛntɛngɛ kakuɔrɔ kúɔ dè cɛnyɛ kɔlisiin sunʔɔmɔ nī. 36 Cɛngɛ ó cɛngɛ muɔ bé nɛ̀piɛyɛlilɛ láà kpúu bè ni kpíʔile kapiʔile kàsulugo kaara bè kàsulugosuɔ kele kúɔ gèle. Bà ki bé kpíʔile muɔ bé gbùʔɔrɔdiʔɛ cìile gè, bé sí sùnmɔ wo bè ki naamɛ gè, bè ki wàli dɛ́ngɛ. 37 Muɔ bé kàsulugosuɔ kele gálì kúɔ gèle cɛnyɛ kɔlisiin, kire ga buu bè gbùʔɔrɔdiʔɛ wàli gè bè tɛ́ngɛ. Kire kàduʔumɛ ki bé kò gbùʔɔrɔdiʔɛ cɛ̀njɛngɛ wàlidɛngɛgɛ; a yɛgɛ ó yɛgɛ cò ki nɛ̄ kire bé kò wàlidɛngɛgɛ míɛni.»

Cɛngɛ ó cɛngɛ kakuɔrɔ kaasuʔuro dè

38 «Ki n'gɛ gàa muɔ béri kpínʔini gè: cɛngɛ ó cɛngɛ súuri, muɔ bé yiɛlɛ nigbe sìnbapɛngɛlɛ siin cò bè ke kpúu nɛ̄ gè. 39 Muɔ bé sìnbapɛnnɛ láà kpúu bè ni kɔ̀n mɛ́ sínbinimɛ táanni bè, bé nìi kpúu lè cɛnguɔwuɔmɔ nī bè. 40 Nɛ́ taʔa ki nɛ̄, muɔ bé míifuɔnibɔ juubaanyɛni tílaga nigbe nyaʔami gè nɛ́ wolivi sùnjiilimɛ yakuunyɛni nigbe ní lè. Tire muɔ bé líɛ bè fàri sìnbapɛnnɛ pélile ni kaara nɛ̄ dè, bé ní diviɛn kíri wè yakuunyɛni nigbe bè wo ti nɛ̄. 41 Muɔ bé sìnbapɛnnɛ siinwoli kpúu lè bè ni kɔ̀n kakuɔrɔ kaara cɛnguʔɔ táanni gè, bé ní ki kpíʔile cígini gàa muɔ 'kpíʔile sínbinimɛ táanni bè: bé ní míifuɔnibɔ nɛ́ wolivi sùnjiilimɛ kɔ̀n gè, bé ní kakuɔrɔ diviɛn wo wè ti nɛ̄. Tire yē mi Yewe yiʔɛ mɛ́ gè, dàa nùdaanna ni 'mi Yewe fungo nyígi gè, dàa kàsun ki sórigi mi Yewe yiʔɛ mɛ́ gè. 42 Dàa tire yē kakuɔrɔ kaasuʔuro díì yeli béri kɔ̀ngí dè súuri mi Yewe yiʔɛ mɛ́ gè, wìile nī lè, tiʔɛ gáà nī mi nɛ yeli kpàlí bèri nyu nɛ́ muɔ ní wè. 43 Kire tiʔɛ nī míɛni mi béri siɛnnɛ kpàlí bèle, dí mi cɛ̀nmɛ nɛ́ mi kpuɔmɔ pi sí kire tiʔɛ wàli gè bè tɛ́ngɛ.»

Yewe wire wī Isirayɛliyé pe Kulocɛliɛ wè

44 «ʔaan, mi m'bé wàli gè bè tɛ́ngɛ nɛ́ gbùʔɔrɔdiʔɛ ní gè, nɛ́ míɛni m'bé nɛ́ wi jaala wàli bèle bè tɛ́ngɛ peri baara kúu dè mi mɛ́. 45 M'bé kò siɛnnɛ pe sunʔɔmɔ nī, bè puu pe Kulocɛliɛ. 46 Bà pe bé ki cɛ́n mi wī Yewe, pe Kulocɛliɛ wè, ŋàa wi 'pe yige kùlo nī lè bè kò pe sunʔɔmɔ nī. ʔaan, je mi wī Yewe wè, pe Kulocɛliɛ wè.»