Yirile 30

Wusuna sórigodiʔɛ kpíʔilegɛnmɛ wori dè

1 A ń'nɛ̀ jo: «Muɔ bé gbùʔɔrɔdiʔɛ káà faan nɛ́ akasiya tiire ní dè bèri wusuna sórigi wè. 2 Ki tɔnigɛnmɛ pi bé puu kabuunyɛni nigbe, nɛ́ ki píɛlɛgɛnmɛ pi bé puu kabuunyɛni nigbe. Sórigodiʔɛ ki kayɔbiyɔ sicɛri yi mìɛni bé puu nuyɔ. Ki kpàʔalagɛnmɛ pi bé puu kabuunyiʔɛnɛ siin. Ki nyɛgɛlɛ ke mìɛni bìnɛ bé puu nigbe nɛ́ sórigodiʔɛ ní gè. 3 Muɔ bé tiɛ cɛ̀nwɛ nyɛgɛ bè ki tɔ́n ki naamɛ gè, nɛ́ ki lìʔɛgɛlɛ ní gèle, nɛ́ nyɛgɛlɛ ní gèle. Muɔ bé ki nyuɔyɔ màʔa yè bè suʔu nɛ́ tiɛ ní wè. 4 Muɔ bé kájingele siin kpíʔile nɛ́ tiɛ ní bé ke nɔrigi ki lìʔɛgɛlɛ siin nī gèle, ki nyuɔyɔ láara yè. Kire kájingele siin gálì keli nī pe béri kàgbiʔile nii gèle bèri ki líi. 5 Akasiya tiire muɔ bé líɛ bè kàgbiʔile gálì kpíʔile gèle, bé ke tɔ́n nɛ́ tiɛ ní wè. 6 Ma sórigodiʔɛ tɛ́ngɛ gè gunbɔli fɛ̀ni yiʔɛ mɛ́ gè, gunbɔli fɛ̀ni ŋáà wi nɛ́ ki làrigɛ gè, tiʔɛ gáà nī m'béri muɔ kpàlí wè.

7 «Kire sórigodiʔɛ gáà kire nɛ̄ béri nùdaanna wusuna sórigi wè sínbinimɛ táanni bè, a wi jiin bèri fètingele gbòborí gèle. 8 Nɛ́ míɛni cɛnguɔwuɔmɔ nī bè, wi béri wusuna sórigi wè a wi 'jíin bè fètingele cáan gèle. Yeli béri wusuna sórigi wè súuri yiʔɛ mɛ́ gè, kɛ̀ngɛlɛ ke mìɛni nī. 9 Yeli sǐ ga tíi wusuna wáà wiiyɛ sórigo díɛʔ ŋàa miì tìɛ wèʔ, nɛ́ dèʔ, nɛ́ yaliire ní dèʔ, nɛ́ míɛni yeli sǐ ga tíi kakuɔrɔ diviɛn wo baaʔ. 10 Arawɔn bé jíin tɔligɔ nigbe yiɛlɛ nī lè bè kàsulugosuɔ baara kúɔ dè, nɛ́ kaara sìsiɛn ní gè, bè ki taʔa sórigodiʔɛ nyɛgɛlɛ nɛ̄ gèle. Tɔligɔ nigbe yiɛlɛ nī lè, wi bé kàsulugosuɔ baara kúɔ dè sórigodiʔɛ nɛ̄ gè, kɛ̀ngɛlɛ ke mìɛni nī. Nɛ́ ki cɛ́n ki bè kò sórigodiʔɛ cɛ̀njɛngɛ wàlidɛngɛgɛ Yewe mɛ́.»

Yewe wi 'sìi sàri yakɛngɛ wori juu dè

11 A ń'nɛ̀ ki juu mɛ́ nɛ́ jo: 12 «A muɔ kɛ́ni siɛnnɛ tɔ́ri bèle bè pe nyuɔ cɛ́n gè, siɛn ó siɛn 'yɛli bè wi sìi sàri wali kɛn wè Yewe mɛ́ tɔ́rilɔ lɛ̀lɛ nī lè, kire ga buu wuʔɔgɔ ki fǎga tuu siɛn nɛ̄ wèʔ, tɔ́rilɔ lɛ̀lɛ nī lè. 13 Siɛn ó siɛn pe 'tɔ́ri wè, kire siɛn wi 'yɛli bè walifiiwe walikpele tílaga kɛn, bè yɛli nɛ́ Yewe ki wali tɔ́rigɛnmɛ ní bè, ŋàa wi yē gera wi kpègele togo gèle. Wi bé walifiiwe walipile tílaga kɔ̀n gè bè kɛn mi Yewe mɛ́.

14 «Siɛn ó siɛn wi 'yiʔɛlɛ togo taa nɛ́ ŋàa wi 'kàa taʔa wè, tɔ́rilɔ lɛ̀lɛ nī lè wi 'yɛli wi- kpuʔɔrɔ dáà kɔ̀n dè bè kɛn mi Yewe mɛ́. 15 Walifɔli wiǐ kɛn nìʔɛgɛ bè tóri fɔ̀ngɔfɔli nɛ̄ wèʔ; fɔ̀ngɔfɔli míɛni wiǐ kɛn cíʔɛ bè tóri walifiiwe walipile tílaga nɛ̄ʔ, a pe kɛ́ni sìi sàri wali kɔ̀ngí wè nɛ kanʔa mi Yewe mɛ́ wè. 16 Muɔ bé sìi sàri wali ŋáà líɛ wè Isirayɛli siɛnnɛ mɛ́ bèle bé wi tíʔɛ bè baara kúɔ dè, kire ga buu Yewe wi de sɔ̀ngí de taʔa nɛ́ Isirayɛli siɛnnɛ ní bèle, pe sìi sàri wori nɛ̄ dè.»

Yewe wi 'kányiɛrɛ tasaakpuʔɔ kpíʔilegɛnmɛ tìɛ bè

17 A 'juu nɛ́ ní nɛ́ jo: 18 «Muɔ bé kányiɛrɛ tasaakpuʔɔ káà kpíʔile peri pìye jíri, bé ki tɛ́ngɛdiʔɛ kpíʔile gè nɛ́ kányiɛrɛ ní. Muɔ bé ki tɛ́ngɛ nɛ́ sunʔɔmɔ nī bè, bé luʔɔ le ki nī. 19  nɛ́ wi jaala pe 'yɛli pe- pe kiyɛ jíge yè nɛ́ tɔliyɔ ní yè nɛ́ kire luʔɔ ní gè. 20 A pe kɛ́nì je jíin Kpàlidiʔɛ Kpátaʔa nī gè, pe 'yɛli peri pìye jíri nɛ́ kire luʔɔ ní gè kire ga buu pe fǎga kùuʔ. Nɛ́ míɛni, a pe kɛ́nì je sìʔɛrɛ bè kpɔni gbùʔɔrɔdiʔɛ nɛ̄ gè bè pe baara kúɔ dè bè dè nɛ́ kàsun ní gè Yewe yiʔɛ mɛ́ gè, pe béri pìye jíri nɛ́ luʔɔ ní gè, kire ga buu pe fǎga kùuʔ. 21 Pe bé pe kiyɛ jíge yè nɛ́ pe tɔliyɔ ní yè, kire ga buu pe fǎga kùuʔ. Tire bé puu fànʔa kaala lɛ̀lɛ ó lɛ̀lɛ Arawɔn nɛ́ wi siimɛ mɛ́ bè, kɛ̀ngɛlɛ ke mìɛni nī.»

Yewe wi 'siɛnnyiɛnɛgɔn sùnmɔ kpíʔilegɛnmɛ tìɛ bè

22 A 'juu nɛ́ ní cígini nɛ́ jo: 23 «-Nùdaanna yɛrɛ táà líɛ dàa ti 'nyuɔ nɛ̀ tóri dìi nɛ̄ dè: culolo kɔlini; nɛ́ sinamɔni nàgɔriyɔ culolo taanri, nùdaanna woyo yè; nɛ́ kanɛli culolo taanri ní, nùdaanna wuʔu gè; 24 nɛ́ culolo kɔlini, bè yɛli nɛ́ Yewe ki culolo tɔ́rigɛnmɛ ní bè. Ma sùnmɔ kíri bè, gbɔngbonyiɛyɛ siin, ma pi nyaʔami ti nī. 25 Siɛn ŋáà wi 'nùdaanna sùnmɔ nyaʔamigɛnmɛ cɛ́n bè, wi- ti kpíʔile. Gàa kire bé puu siɛnnyiɛnɛgɔn sùnmɔ peri Yewe baacɛ̀nrɛ kúu dè nɛ́ pi ní. 26 Muɔ bé ki sùnmɔ báà líɛ bè, bè nyɛri nyɛri gè, nɛ́ ní gè, 27 nɛ́ tabali ní wè nɛ́ wi yakpiʔilide ti mìɛni ní, nɛ́ fètindaʔagɛlɛ tiige nɛ́ ki yakpiʔiligele ní gèle, nɛ́ wusuna sórigodiʔɛ ní gè, 28 nɛ́ Yewe , wuʔu ní gè, nɛ́ ki yakpiʔilide ti mìɛni ní, nɛ́ tasaakpuʔɔ ní gè nɛ́ ki tɛ́ngɛdiʔɛ ní gè. 29 Muɔ bé ti wàli bè tɛ́ngɛ; ti bé puu yacɛ̀njɛnrɛ wàlidɛngɛrɛ. A yɛgɛ ó yɛgɛ 'cò ki nɛ̄, kire yɛgɛ ki bé kò wàlidɛngɛgɛ. 30 Muɔ bé kire siɛnnyiɛnɛgɔn sùnmɔ wo bè nɛ́ wi jaala nɛ̄ bèle bè pe wàli dɛ́ngɛ, kire ga buu peri baara kúu dè mi mɛ́.

31 «Muɔ bé ní ki juu siɛnnɛ mɛ́ bèle bé pe yɛ: ‹Siɛnnyiɛnɛgɔn sùnmɔ báà pi bé puu wàlidɛngɛbɛ mi mɛ́ lɛ̀lɛ ó lɛ̀lɛ. 32 Siɛn sì yɛli bè pi pàa tùugi wi céri nɛ̄ dèʔ. Siɛn míɛni sì yɛli bè pi pàa kpíʔile pi- puu nubo nɛ́ pi níʔ. Pi yē wàlidɛngɛbɛ; pi 'yɛli bè kò wàlidɛngɛbɛ yeli yiʔɛ mɛ́. 33 A siɛn ki sùnmɔ páà kpíʔile nɛ́ siɛn wáà tùugi nɛ́ pi ní wè, nɛ̀ ki yaʔa kire siɛn wi wè kacuɔnriwɔ wèʔ, pe bé kire siɛn yige péwu wi siɛnnɛ sunʔɔmɔ nī bè.› »

Yewe wi 'wusuna nyaʔamigɛnmɛ tìɛ bè

34 A sí ki juu mɛ́ nɛ́ jo: «Ma nùdaanna yɛrɛ dáà caa dè, dàa dī sitakite wè, nɛ́ ní wè, nɛ́ galibunɔmi ní wè, nɛ́ wusuna cìiliwe ní wè; ma ti nyaʔami tìi nī. Ti mìɛni tɔ́nminɔgɛnmɛ pi bé puu sìnjaa. 35 Siɛn ŋáà wi 'nùdaanna sùnmɔ nyaʔamigɛnmɛ cɛ́n bè, wi bé ti mìɛni tíʔɛ bè wusuna kpíʔile wè, bé yasuʔɔgɔ nyaʔami ti nī. Wusuna wi bé puu wàlidɛngɛwɛ bè puu cìiliwe. 36 Muɔ bé wàa muʔɔrɔ bè wi kpíʔile míige bè wi taʔa yiʔɛ mɛ́ gè, nī gè, baa mi cî nɛ muɔ kpàlí wè. Kire bé puu yeli nyaamɛ nɛ̄ yacɛ̀njɛngɛ wàlidɛngɛgɛ. 37 Yeli sì yɛli bè wusuna ŋáà wi wàa kpíʔile bèri wi sórigi yeli tíimɛ wuuʔ. Yeli béri wi tɔ́ri yawalidɛngɛgɛ gàa gī Yewe wuʔu gè. 38 A siɛn wi wàa kpíʔile wi tíimɛ wuu wè, nɛ wi sórigi nɛ wi nùgo suu gè, pe bé kire siɛn yige péwu wi siɛnnɛ sunʔɔmɔ nī bè.»