Kiifwa na kifyukha lumo nu Kilisito
6
1 Lino tijove shi?
Wuli,
tiyitenekhaje kigaha uwunansi baheene uNguluvi ayiteneshe kitusungupila mandu?
2 Ndaali,
hata padoodo!
Ose tisili mu wutawulilwa wa wunansi.
Ndeeno,
tisikwiliile kiyitenekha khanji kigaha uwunansi.
3 Wuli,
musiimanya kiija,
pina tatwinisiwaagwa,
talunganaga nu Kilisito Yeesu mu mfwa yaakwe?
4 Pina tatwinisiwaagwa,
tikhandi tifwile na kisiilwa lumo nawo.
Paanyuma uKilisito wáfyusiwaagwa kwa ngufu nkhome ya Nguluvi uDaada,
na kilingana na ilyo,
hata ose tiikhala uwiikhasi wupya.
5 Ngaja shina talunganaga nu Kilisito mu mfwa yaakwe,
shiisho ndeeno tikhalungana nawo mu lufyukho lwakwe.
6 Timeenye kiija uwiikhasi weesu uwa wunansi wafwisaga lumo nu Kilisito pa musalaaba,
baheene ingufu iya wunansi mukhati yeesu yisikhatutemaga khanji na kitugaha tive vavanda va wunansi.
7 Timeenye kiija,
umuunu nda afwe ndeeno,
wáava muunu yuna ayiyesheele khabisa kihuma mu ngufu ya wunansi.
8 Lino,
kwa kiiva tafwisaga lumo nu Kilisito,
tikiyihuviilila kiija tikhakhala lumo nawo.
9 Timeenye kiija,
uKilisito wáfyukhaga na asikhafwa khanji.
Imfwa yingaya wutawulilwa kunyaakwe khanji.
10 UKilisito wáwufwililaga uwunansi gwalimo hela,
a wáwumena uwunansi woona.
Lino ndeeni muumi,
mu wuumi waakwe ikimushendeefya uNguluvi.
11 Omwe na yuumwe muveesaje mukiyiwona kiija,
mwafwisaga lumo nawo,
uwunansi wusikwiliile kivatema omwe khanji.
Khanji muveesaje mukiyiwona lino muli wuumi,
na mu wuumi weenyu,
mukimushendeefya uNguluvi kwa kilungana nu Kilisito Yeesu.
12 Lino musikhayitikhaji,
uwunansi wuvateme amavili geenyu gina giifwa.
Nda musiwupeele uwunansi uwutawulilwa uwo,
wusivakwehe mufwate uwupafu uwuvi.
13 Musikhayitikhaji ifilungo ifya mavili geenyu,
five fya kigahila uwunansi,
leelo mufihumyaje kwa Nguluvi.
Yiwonaji kiija muli vaanu vina vafyusiiwe,
na kiyinjisiwa mu wuumi uwupya.
Khanji fihumyaji kwa Nguluvi ifilungo fya mavili geenyu,
five fisenga insengo isa wugolofu.
14 Uwunansi wusikhavatemaji khanji,
kwa kiiva lino musilongosewa nu wutawulilwa wa ndaji,
leelo mulongosewa ni mota ya Nguluvi.
Kiiva vagolofu va shiyooli
15 Lino tijove shi?
Wuli,
tishile kigaha uwunansi kwa kiiva tisilongosewa nu wutawulilwa wa ndaji,
kiiva tilongosewa ni mota ya Nguluvi?
Ndaali,
hata padoodo!
16 Ino nda mukiyihumya kigaha uwunansi,
musiive vavanda va wunansi,
b uwudugo waakwe,
mfwa.
Leelo nda mukiyihumya kimuyinatila uNguluvi,
musiive vavanda va Nguluvi,
na uwudugo waakwe mukhavasiwa kiiva vagolofu.
17 Ulwamwandi omwe mukhandi vavanda va wunansi.
Leelo nikimuhonjesa uNguluvi,
kwa kiiva lino muyitiishe kwa numbula seenyu soona kiyinatila amamanyiso ga Kilisito gina mwaposheelaga.
18 Nikimuhonjesa uNguluvi kwa kiiva avayawuliile kihuma mu wuvanda wa wunansi,
baheene muve vavanda va kisenga injowo sa wugolofu.
19 Nalogola noomwe kwa shihwano isho isha wuvanda,
baheene mumanye shina nilogola.
Palwamwandi,
mukhandi mwihumya ifilungo fya mavili geenyu five fiigaha uwaafu,
mukhandi vavanda va wunansi,
na uwunansi weenyu wayonjelelaga mandu.
Leelo lino,
muveesaje mukiyihumya kwa Nguluvi kwa filungo fyona fya mavili geenyu,
muve vavanda va kigaha injowo sa wugolofu,
baheene muvalasiwe nu Nguluvi.
20 Palwamwandi,
pina mukhandi vavanda va wunansi,
mukhandi mukwiliile kikhaana kigaha injowo sa wugolofu.
21 Leelo wuli,
mwapataga lutono lushi kilingana ni njendo seenyu imbi,
sina lino sikivagaha mwiwona insoni?
Kusiina lutono loloona!
Injowo iso sileeta imfwa.
22 Lino,
mupeliilwe uwuyeeshelo nu Nguluvi,
musili vavanda khanji va wunansi.
Khanji,
avagahile kiiva vavanda vaakwe,
na kilingana na ago mwapata ulutono.
Ulutono ulo lulwene kivalasiwa na woope na kiposheela uwuumi wa shiluta.
23 Umuunu yoyoona yuna muvanda wa wunansi,
amahombo gaakwe mfwa.
Leelo uNguluvi ikitupeela ulutono lwa wuumi wa shiluta kwa nsila ya Kilisito Yeesu,
uMutwa weesu.