Mataayo 1

IMola iNofu ya Yeesu Kilisito

ngaja shina yayandiikhwe nu

Mataayo

Ishikholo sha Yeesu Kilisito

(Luuka 3:23-38)

1 Isi mola sa mataawa ga shikholo sha Yeesu Kilisito,

^a yuna wáhumile mu shikholo sha mutwa uDawudi^b na mu shikholo sha Abulahamu.

2 UAbulahamu wámusavile uIsaaka,

uIsaaka wámusavile uYaakobo,

uYaakobo wámusavile uYuuda na valukholo lwakwe.

3 UYuuda wámusavile uPeleesi nu Seela kwa Tamaali.

UPeleesi wámusavile uHesiloni,

uHesiloni wámusavile uAlaamu,

4 uAlaamu wámusavile uAminadabu,

uAminadabu wámusavile uNashoni,

uNashoni wámusavile uSalumooni,

5 uSalumooni wámusavile uBowasi kwa Lahabu,

uBowasi wámusavile uObedi kwa Luutu,

uObedi wámusavile uYeese,

6 uYeese wámusavile umutwa uDawudi.

UDawudi wámusavile uSelemaani kwa washimaayi yuna akhandi mudala wa Uliya.^c

7 USelemaani wámusavile uLehobowamu,

uLehobowamu wámusavile uAbiya,

uAbiya wámusavile uAsa,

8 uAsa wámusavile uYehoshafati.

UYehoshafati wámusavile uYolamu,

uYolamu wámusavile uUsiya,

9 uUsiya wámusavile uYotamu,

uYotamu wámusavile uAhasi,

uAhasi wámusavile uHesekiya,

10 uHesekiya wámusavile uManaase,

uManaase wámusavile uAmoni,

woope uAmoni wámusavile uYosiya.

11 UYosiya wámusavile uYekoniya na valukholo lwakwe kwa luhaavi luna avaanu va Babeeli^d vavagalulaga aVaisilaheli na kiluta nawo mu nyi yaanave.

12 Vaganile kitwalwa kula,

uYekoniya wámusavile uSheyalitiheli,

uSheyalitiheli wámusavile uSelubabeeli,

13 uSelubabeeli wámusavile uAbihuudi,

uAbihuudi wámusavile uEliyakimu,

uEliyakimu wámusavile uAsoli.

14 Nayu Asoli wámusavile uSadoki,

uSadoki wámusavile uAkimu,

uAkimu wámusavile uEliyudi,

15 uEliyudi wámusavile uEliyesaali,

uEliyesaali wámusavile uMataani,

woope uMataani wámusavile uYaakobo.

16 UYaakobo wámusavile uYusufu umugoosi wa Maliya.

UMaliya yumwene wámusavile uYeesu,

uMukulusaaji yuna uNguluvi wátahisaaga kimufilikha.^e

17 Kiyansa uAbulahamu mbakha kifikha kwa mutwa uDawudi kukhandi ni fikholo ishumi na fina (14).

Khanji,

kiyansa uDawudi mbakha kifikha mu luhaavi luna avaanu va Babeeli vavahamyaga aVaisilaheli mu nyi yaanave,

kukhandi ni fikholo ifinji ishumi na fina (14).

Khanji,

kiyansa uluhaavi luna vavahamyaga mbakha kifikha kisawa kwa Kilisito,

kukhandi ni fikholo ifinji ishumi na fina (14).

Kisawa kwa Yeesu Kilisito

(Luuka 2:1-7)

18 Kisawa kwa Yeesu Kilisito kukhandi ndeeni,

umaayi waakwe yuna itambulwa Maliya,

akhandi abanyiilwe nu Yusufu.

Pina vasinatangaane,

uMaliya wáwonekhaga kiija ana lwanda luna wápataga kwa ngufu sa Numbula uMunofu.^f

19 UYusufu akhandi mugolofu kwa Nguluvi,

leelo asikhandi isakula kiija amuyegule uMaliya.^g

20 Pina akhandi ihiiva ago,

umalayikha^h wa Mutwaⁱ uNguluvi wámuyinsila mu malooto.

Umalayikha yula wámujovela wáaja,

“Wee Yusufu,

lusawo lwa mutwa uDawudi,

usikhatiilaga kimutoola uMaliya kwa kiiva ulwanda luna analo apatile kwa ngufu sa Numbula uMunofu.

21 Asiisave umwana umudiimi,

usimupeele ilitaawa lyakwe Yeesu,

^j kwa kiiva akhavakulusa avaanu vaakwe mu wunansi waanave.”

22 Goona ago gasenjekhaga ndeeno,

baheene iliswi lila likwilane lina uMutwa uNguluvi wálilogolaga kwa nsila ya mukuwamalago waakwe kiija,

23 “Loleela,

umuhinja umukusi yuna asinatangaanaje nu mugoosi,

asiive nu lwanda!

Khanji asimusave umwana mudiimi!

Baheene mukhamupeela umwana uyo ilitaawa lyakwe Imanuweli.”

Uluganulo lwa litaawa ilyo kiija, “UNguluvi ali lumo noose.”

24 Woope uYusufu wáganile kilamukha,

wágahaga ngaja umalayikha wa Mutwa uNguluvi shina wámujovelaga,

wámutoola uMaliya kiiva mudala waakwe.

25 Leelo,

vasikhajendile lumo mbakha pina uMaliya wámusavaga umwana umudiimi.

Baheene uYusufu wámutambulila umwana uyo ilitaawa lyakwe Yeesu.