Yoona i

Yoona

Imola yina yilongola

UYoona wáali mukuwamalago, kihuma ku lijumbi lya Gati Hefa ukho ku Isilaheli. Wáali lusawo lwa Amitaayi kihuma ku shimyanja sha Sabulooni, na wákheele luhaavi luna wáali atemile umutwa uYelobowamu uwa wuvili (2 Vatwa 14:25). Uluhaavi ulo, inyi iya ku Isilaheli yaali yina wulugu wukhome ni nyi iya Ashuulu. UNguluvi wámufiliishe uYoona kiita ku lijumbi ilikhome lya Ashuulu, lina lyali litambulwaga Ninaawi. Wáatile kivapavila avaanu vala kiiva vaali vanansi.

Ilitaafili ili likitumanyisa kiija imota ya Nguluvi ya ku vamyanja woona. Khanji likitumanyisa kiija ulugulumilo lwa Nguluvi lusikwiliile kisivilwa nu muunu. UYoona wákhaanile inshemeelo ya Nguluvi, leelo kuunyuma wáatile kuna wáfiliikhwe na kisenga ngaja uNguluvi shina akhandi agulumiile. Kuwudugo uYoona wákhalasiwaagwa mandu, kiiva uNguluvi wávasungupiile ava ku Ninaawi.