2
Ɨshi,
muleshe ʉbhiibhi wonti,
ilenga lyonti,
ʉgulugulu,
ɨjɨɨla nʉ lumanyi.
2 Nanshi shiila abhaana abheela sha bhanyonywa isʉnsʉ ɨlya nyina waabho,
naamwɨ munyonywaje isʉnsʉ ɨlinza ɨli‑izwi lya Ngʉlʉbhɨ huje mukule na‑ajine mu fyʉli.
3 Ɨshi mwalɨnga izwi ɨlyo,
nantele mwanda amanye huje ʉMwɨnɨ mwinza.a
Abhasangalusu bha Ngʉlʉbhɨ
4 Nʼzʉmbɨɨlɨli ʉMwɨnɨ ʉYeesu,
ʉmwene ya yʉʉyo liwe ɨlyʉmi ɨlya‑azenjele.
Iwe ɨlyo lyahakhaniilwe na bhantu,
leelo lyahasaluliilwe nʉ Ngʉlʉbhɨ,
nantele lyɨ nshɨnshɨ ɨngoosi pa maaso gaakwe.
5 ɄNgʉlʉbhɨ ahubhabhombela amwɨ nanshi amawe ga gali mʉʉmi aga‑azenjele ɨnyumba ɨmfinjile ɨya Ngʉlʉbhɨ.
b Nantele ahayihubhabhɨɨha abhe bhasayic ɨbho abhasaluuye afumye ɨnsangud ɨzyɨ mooyo geenyu,
ɨzyo zihunʼsʉngwɨzya ʉNgʉlʉbhɨ ashilile hwa Yeesu ʉKilisiti.
6 Ɨshi,
ʉNgʉlʉbhɨ ayanga mu Nsimbo ɨMfinjile huje,
“Enyaaji,
ʉhwo mwi‑ibooma ɨlyɨ Sayuuni,
e
ɨmbɨɨshɨle iwe ɨlinza ɨlya pa mpɨnga yɨ lwalo ʉlwɨ nyumba,
nantele liwe lyɨ nshɨnshɨ ɨlyo ɨndisaluuye.
Ʉmuntu wowonti ʉyo ahumʼmwɨtɨha ʉyo ya yʉʉyo liwe ɨlyo,
saga ahayikenyensewa lwonti!”f
7 Iwe ɨli lyɨ nshɨnshɨ tee huliimwɨ amwɨ mwa muhumʼmwɨtɨha ʉYeesu ʉKilisiti.
Leelo hu bhaala bha saga bhahumʼmwɨtɨha,
“Iwe lya bhahalikhɨɨne abhazenji abhɨ nyumba,
g
lyɨlyo lya lyabha liwe linza ɨlya pa mpɨngah
lya linyʉmʉʉye ɨnyumba yonti.”i
8 Nantele,
“Ɨli lya liwe ɨlyo abhantu bhabʉmɨla,
lya liwe ɨlyo lya lihubhabhomba abhantu bhagwanje.”
j
Bhabʉmɨla pɨpo saga bhahulitiniha izwi lya Ngʉlʉbhɨ. Ɨsho sha shɨɨsho ʉNgʉlʉbhɨ sha‑ahabhabhɨshɨɨye afume halɨ.
9 Leelo amwɨ muli bhantu mwa musaluliilwe nʉ Ngʉlʉbhɨ,
amwɨ mubhasayi bhɨ shimwɨnɨ.
Amwɨ muli nsi mfinjile,
bhantu bhaakwe yʉʉyo.
Musaluliilwe huje mulʉmbɨɨlɨle ɨmbombo ɨnyinza ɨzya Ngʉlʉbhɨ.
Ʉmwene ahabhakwiziizye huje mufume mu hiisi,
mutʉʉshe mu lukhozyo lwakwe ʉlugoosi ʉlwa‑aswijizye.k
10 Ɨpo hu wandilo amwɨ saga mwahali bhantu bha Ngʉlʉbhɨ,
leelo ɨshi muli bhantu bhaakwe.
Nantele ɨmandɨ ʉNgʉlʉbhɨ saga ahabhalolɨɨye ɨnkʉmbʉ,
leelo ɨshi abhalolɨɨye ɨnkʉmbʉ yaakwe.
Abhabhomvi bha Ngʉlʉbhɨ
11 Bhakʉndwe bhaanɨ,
amwɨ muli bhajenu nantele bhashila lidala mu nsi ɨnɨ.
Ɨshi hu nongwa ɨyo ɨhubhakʉndɨɨlɨzya huje,
mugandi huzyɨtɨshe ɨnsʉngwo zyenyu ɨzyɨ mʼbɨlɨ zya zilwa ʉlʉgʉ na mooyo geenyu.
12 Mubhanje nɨ njendo ɨnyinza hwitagaalila lya bhantu bha saga bhahumʼmwɨtɨha ʉNgʉlʉbhɨ huje,
nkashele bhahubhayanga hwi‑ilenga aje mubhomba ʉbhiibhi,
bhazilolaje ɨnjendo zyenyu ɨnyinza.
Ɨpo bhahayihumʼmwamiha ʉNgʉlʉbhɨ hu nongwa yeenyu pi‑isiku ɨlyo ahayɨnza.
13 Ɨshi,
zitinihaji ɨndajizyo ɨzyɨ nsi yeenyu hu nongwa ya‑aje,
amwɨ muli bhantu mwa muhumʼmɨnjɨɨlɨla ʉMwɨnɨ ʉYeesu.
Nʼtinihaji ʉnʼgoosi weenyu ʉwɨ nsi,
pɨpo ʉmwene yʉ witongwa ʉnʼgoosi ʉwa bhantu bhaakwe.
14 Nantele,
bhatinihaji abhalongozi abhɨ mukowa,
pɨpo ʉnʼgoosi ʉwɨ nsi abhasaluuye.
Mukhonzyaje ɨsho,
pɨpo abheene bhabhɨhwɨlwe huje bhabhafundaje abhabhomba mbiibhil na hubhasʉmbe bha bhabhomba ɨnyinza.
15 Ɨnjanjile ɨsho hu nongwa ya‑aje,
ʉNgʉlʉbhɨ ahwanza aje mubhombaje ɨnyinza huje abhafwasu bhagandi abhe nalyo lyolyonti ɨlya hubhayanje shibhiibhi amwɨ.
16 Peeka na‑aje amwɨ muli bhasatulwe,
mugandi abhombe huje ʉsatulwe lwenyu abhe nongwa ya‑abhombe ɨmbiibhi.
Lyoli mulembaje nanshi ɨsho abhabhomvi bha Ngʉlʉbhɨ sha bhakhondɨɨye alembe.
17 Mubhatinihaje abhantu bhonti na hubhagane abhooziwa abhamwenyu.
Mumʼpuutaje ʉNgʉlʉbhɨ na hunʼtinishe ʉnʼgoosi weenyu ʉwa mu nsi.
Mujimbaje nanshi ɨsho ʉYeesu sha‑ahajimbile
18 Amwɨ mubhakalwe,
bhatinihaji abhagoosi bheenyu,
nantele hu habhaazyo honti mubhanje nɨ nshɨnshɨ hwa bheene.
Mubhombaje ɨsho,
saga hwa bhaala bha bhahubhabhombela amwɨ aminza,
na hwa bholoolo lwene,
lyoli na hwa bhaala bha bhali bhakhali.
19 Ʉwu wʉ winza wɨ lyoli,
nkashele ʉmuntu ajimbiilila amayɨmba ɨgo ga saga akhondɨɨye,
pɨpo amɨɨnye huje ɨsho sha shɨɨsho ʉNgʉlʉbhɨ sha‑ahwanza.
20 Saga mubhajiiye hunʼsʉngwɨzye ʉNgʉlʉbhɨ hwi‑idala ɨlya‑ajimbe,
nkashele bhahubhafunda hu nongwa yɨ mbiibhi zyenyu zya mubhombile.
Leelo,
nkashele mujimba amayɨmba hu nongwa ya‑aje,
mubhombile ɨnyinza,
ɨpo muhunʼsʉngwɨzya ʉNgʉlʉbhɨ.
21 Muhwanziwa ajimbiilile nanshi ɨsho,
pɨpo ʉKilisiti wope ahayɨmbɨle hu nongwa yeenyu.
Nantele ahabhaleshɨɨye ɨshifwani ɨshi huje mubhombaje nanshi sha‑ahabhombile ʉmwene.
22 “Ʉmwene saga ahabhombile ɨmbiibhi,
awe ayanje ilenga lyolyonti.”m
23 Lwa bhahunʼniga,
saga ahaweziizye izwi lyolyonti ɨlya‑alije.
Lwa bhahunʼnavya,
saga ahabhawezeziizye nka hubhoogofye,
leelo gonti ahanʼneshɨɨye ʉNgʉlʉbhɨ ʉyo ahubhalonga abhantu hu golosu.
24 Ʉmwene ʉKilisiti ahanyʉmʉʉye ɨmbiibhi zyetu mu mʼbɨlɨ gwakwe hwi‑idala ɨlya‑akhomeelwe pa shikhobheehanyo.
Ahabhombile ɨsho huje atɨ tigandi alongozewe nantele nɨ mbiibhi,
leelo tilongozewaaje nʉ golosu.
Hwi‑idala ɨlyɨ mayɨmba gaakwe,
amwɨ muponile.
25 Mwahateejile nanshi ɨngoole zya ziteega,
leelo ɨshi munʼgalushiiye ʉMwɨnɨ ʉYeesu wa‑ali Nʼdiimi nantele Nʼnɨndɨɨlɨli wɨ mooyo geenyu.