5
Shila nʼsayi ʉnʼgoosi ʉwa Ngʉlʉbhɨ ahali asalulwa afume mu bhantu abhamwabho,
huje abhe abhomba ɨmbombo apantu apa bhanjɨ.
Ʉmwene ahali ahubhafumizya ɨnsangu nɨ vyʉma ɨvya‑alʉngʉlɨzye hwa Ngʉlʉbhɨ hu nongwa yɨ mbiibhi zyabho.
2 Ʉnʼsayi ʉyo abhajiiye hubhalolele ɨnkʉmbʉ abhantu bhaala ɨbho bhabhomba ɨmbiibhi sinta amanye,
hu nongwa ya huje wope nʼdeganu.
3 Sha shɨɨsho akhondɨɨye afumye ɨnsangu huje ʉNgʉlʉbhɨ akhobhoshele ɨmbiibhi zyakwe,
nanshi ɨsho afumya ɨnsangu huje ʉNgʉlʉbhɨ abhakhobhoshele abhantu abhanjɨ ɨmbiibhi zyabho.a
4 Nʉʉmo ʉmuntu ʉyo abhajiiye ahwibhɨɨshe abhe nʼsayi nʼgoosi,
lyoli ʉNgʉlʉbhɨ ya yʉʉyo ahunʼsalula nanshi ɨsho ahanʼsaluuye ʉAaloni.b
5 Shɨnɨɨsho,
wope ʉKilisiti saga ahahwimwamiishe yʉʉyo ahwipeele ɨnshɨnshɨ ɨya‑abhe Nʼsayi Nʼgoosi,
lyoli ʉNgʉlʉbhɨ ya yʉʉyo ahanʼsaluuye na humʼmʉʉzye huje,
“Aawe we Mwana waanɨ,
sanyʉʉnʉ nabha Yise waaho.”c
6 Nantele ɨsimbwilwe apantu apanjɨ mu Nsimbo ɨMfinjile,
ʉNgʉlʉbhɨ ahajile,
“Aawe we nʼsayi wiila
nanshi ɨsho ʉMelikizedekid sha‑ahali.”e
7 Hu habhaazyo ɨho ʉYeesu ahali mu nsi ʉmu,
ahapuutaga,
ahalaabhile na‑alile tee hwa Ngʉlʉbhɨ ʉyo ali ni‑ikhone ɨlya humʼfyʉle afume mu fwe.
f ɄNgʉlʉbhɨ ahali ahwʉmvwa ɨmpuuto zyakwe hu nongwa ya hwiyiisye hwakwe.
8 Poshe ʉYeesu ahali Mwana wa Ngʉlʉbhɨ,
ahamanyiiye hunʼtinishe ʉNgʉlʉbhɨ hwi‑idala ɨlyɨ mayɨmba ɨgo gahamʼmwajile.
9 Alɨngaane nɨ‑ɨgo,
ʉNgʉlʉbhɨ ahamʼmɨɨha ʉYeesu huje wandilo wɨ fyʉli ʉwa wiila hu bhantu bhonti ɨbho bhahunʼtiniha.
10 ɄNgʉlʉbhɨ ahamʼmɨɨshɨle abhe Nʼsayi Nʼgoosi nanshi ɨsho ʉMelikizedeki sha‑ahali.
Ɨnsundo hu nongwa ya hululeshe ʉlwɨtɨho
11 Tili nago minji aga‑ayanje hu nongwa ya Yeesu huje Nʼsayi Nʼgoosi wa Ngʉlʉbhɨ,
leelo hukhome hubhabhʉʉzye hu nongwa ya‑aje saga muli bhangu huzyaganye.
12 Hu habhaazyo ɨha amwɨ mukhondɨɨye huje mubhanje muhubhamanyizya abhamwenyu,
leelo musɨɨle muhwanziwa mubhe nʉ muntu ʉwa hubhamanyizye ɨmanyizyo ɨzya hu wandilo zi‑izwi lya Ngʉlʉbhɨ!
Hu nongwa ɨyo,
amwɨ muli nanshi abhaana abhadoodo ɨbho bhahwoha,
leelo bhapootwa alye ɨvyalye ɨvikhome.
13 Ɨshi ʉmuntu wa‑asʉʉbhɨla ahwonshe isʉnsʉ lwene,
ʉmuntu ʉyo mwana mwela,
ʉyo saga ahuzyaganya zya zili nyinza nɨ‑ɨzyo zya zili mbiibhi.
14 Leelo abhantu ɨbho bhajinile bha bhɨɨbho bhalya ɨvyalye ɨvikhome,
abhantu ɨbho bhamanyiiye huzyaganye ziila zya zili nyinza nɨ‑ɨzyo zya zili mbiibhi.