Malung anharna chongbe
13
1 Unāi anga anditna na kār u na om chian rase.
2 Khual antung chachak ha mangil u nō ro.
Asik chu havan tin han senkhat chu anriat lui kāra vānpalāi ngāi khual anga ei mantung u ani na.
3 Lungina ankhum ngāi chu amāni bila ankhum anga anbe u tānla riattit u chachak ro.
Antakna atēng ngāi chu amāni bila nangnīm taksana antak atēng anga anbe u tānla riattit u ro.
4 Inneina chu mi tin ranga lalchi thōruana om babang rase.
Innei zamun um nisela anthiang vanga om rase.
Tenchu ahur ngāi le uiare ngāi chunga Pathianin rui hong ril inti.
5 Na sīngansa u dāna huat anhamna abui ni rase.
Nei dōn tuk lehan anhuna anriat u ro.
Asik chu Puma ngēt hān:
“Na māk pial lāi nō ninga,
Na mathān um pial lāi nō
ning,”
(Dān. 31:6 )
ati na.
6 Hasika han koinīn anngam laka na ti theia:
“Puma chu ana sanpu ani na,
Achi pial lāi nō ning,
Miringin imo ei na thōthei
rang?”
(Sām 118:6,7 )
nei ti theina ani na.
7 Na kōm u na Pathian chong ahong aril,
na ruaitu u ngāi ha riattit u chachak ro.
Amāni om dān u nāta mara asuak ha mandon u tānla,
amāni iamna chu zī u ro.
8 Isua Krista chu mizān,
avian,
umor tāituana munkhat chian ani na.
9 Anchūna ateteia anchūna tin rēng lehan mīn na ruaia navei titir u nō rase.
Tenchu koini malung hi lungkhamna lehin arāta ei om hi āsa ani na.
Hava ngāi ha nēk le sāk lampanga dāna ni mak,
asik chu hava ngāi lampanga anlīm ngāi ei nemna om mak.
10 Tenchu koinīn māichām khat adōn na ni na,
phila biakin sūnga hasōndom ngāi chu hava māichām āta anēk rang changāi man u mak.
11 Asik chu chāizūng alianin sake manli ngāi athisen chu achōia āsia anbōlna ranga Mun Ānthianga avaūtpuia.
Hatuka hava ngāi apum chu khopui suang panga ei anbūm u na muna ei varui u chachak ani na.
12 Havan tin dēn han Isua hām nisela,
ama athisen ngēt lehan ami ngāi ei manthiang theina ranga ama chu khopui rakula suakkhār panga antak ei vatiar ani na.
13 Hasik han ama mualphui ansakna chu apēla khopui suang panga ama kōma pan u rei.
14 Hiva hin koinīn khopui adet nei mak me,
tenchu khopui khat ala om rang chu nei la ravān ani na.
15 Hasik han ama zāra hin anpāka anbōlna hi Pathian kōma vadar babang u rei,
hava ha ama araminga koinīn rāisān chong nei ril theina mūra mara ani na.
16 Hanūk rēt chu om āsa thō le ansem anbāk anlōm hi mangil u nō ro,
asik chu havan tina nei anpēk u ngāi ha kēng Pathian malung ei tāina ani na.
17 Na chung u na ruaitu ngāi ahē tel u ro,
amāni thunuaia om u ro,
asik chu nangni ngāi hisāp apēk ranga na ratha u arung ngāi ani u na.
Malung ana chunga ni mak tenchu rāisān chunga ei pēk thei u na ranga tel u ro,
Hanō tenchu hava ha na rang u na siatna kēng.
18 Koini ranga bōr na zong pe u ro.
asik chu rui tina om dān āsa taka lēng ranga azōt na ni na.
Hanūk chu siat le sa riatna dik tak adōn kēng na ni ti hi nei anriat ani na.
19 Tenchu anrap uala nangni kōma athara kei hong kīr rēt theina rang bōr ana zong pe u ranga achālaka kei na mathēm u ani na.
Bōrzongna le chibai thōna
20 Atuna hin anngoina Pathian,
bera Enpu liantak,
koini na Puma Isua tāituana dān ankhita thisen zāra athi ngāi bil āta ahong anthui rētpu hān,
21 Ama mitmuna aphāmrua dōra,
nangni na sūng u na ama ei zōt zāt sin āsa tin athō ranga Isua Krista zāra na manzui u rase.
Ama kōma anlianna chu umor tāituana om rase.
Amen.
22 Hatuka unāi ngāi,
kei na mathēm ani u zei,
hiva lungharna
chong hi na rangāi pe zām u ro,
asik chu na rang u na chong atōmte kēng kei maziak.
23 Koini na parual Timothi chu ama zōk u zei ha lei riat u ro.
Ama chu ahong anrap ual ten,
ama bila nangni ngāi na hong antongpui u ka ti.
24 Na chung u na aloma ruaitu ngāi le aloma mīnthiang ngāi dōra kōma chibai na mantung pe u ro.
Itali rama a om ngāiin chibai ana hong mantung u.
25 Na lom u tak chunga lungkhamna chu om rase.
Amen.