Timothi kōm Paulin ei manchū
4
1 Rathān anthiang vanga ei ril chu,
nangkan huna chu mi senkhakhat iamna amāka anhuangna ratha le ratha sia ngāi anchūna tianga malung pe unti.
2 Hava ha milak athei phuazekām ngāi azia thō u sika hong om inti,
hava ngāi siat le sa riatna chu thīr maling alumin ei bel anga anhīp ani u na.
3 Hava ngāi hān inanei ei khār u,
hong zazāt mo nēk le sāk ei khār u ani na.
Tenchu Pathianin hava ngāi ha chongtak ariat chunga,
iamna adōn chunga rāisān chong rilna lehan ansāk kiar thei ranga ansin ani na.
4 Pathianin ei sin dōra hi aloma āsa kiar ani na,
rāisān chong aril chung kiara na sāk anten itē asāk nōk rua ngal om mak.
5 Asik chu Pathian chong le bōrzongna lehan anthiang sua kiar kēng ani zei.
6 Hiva chong ngāi dōra hi unāi ngāi kōma na manthiang vanga na ril ten,
Krista Isua dorbōndom ranga arua chang na ti,
hanūk chu iamna chong le anchūna sa atun tena nei la hong zōmtit sika ama chong lehan ansōn in nati.
7 Tenchu Pathian lalchi thō nōkna le nu tar ngāi sim ril papei ha māk ro,
hanēk ten Pathian andonna lama pui nei ting theina ranga ratha lama siar ansep ro.
8 Taksa lama siar ansep hi hotuk mo chu ei nemna a om,
tenchu Pathian andonna chu atuna a omsa le nangkana a om rangām damna apēk ranga chongtin ei dōn sika hin alom peia ei nemna a om.
9 Hiva chong hi aiamrua le apumpuia apomrua tatak ani na.
10 Hasika han Pathian adam chunga anngampuina nei dōn sika hin nei pōnga tak nei sāta hin mīn ēro ei na zon ani na.
Pathian adam chu ami ngāi dōra ranga aliaktena aiam ngāi ranga Sandampu ani na.
11 Hiva ngāi rui hin chong pe tānla manchū ro.
12 Vānglāi nei ni sika han tutēn na ēlsēl nō rase.
Tenchu chong aril lama,
omdāna,
anditna,
iamna,
anthiangna lama aiam ngāi ranga enrua chang ro.
13 Ka hong māseng chu nang Pathian lekha anpore chiana,
chong arila,
mīnchūna tianga malung lei pēk ro.
14 Māna na ruia deari anga chong ril theina anga na kōma om bōr anpēk,
upa ngāiin na chunga kut abānga bōr anpēk ha poisak luia om nō ro.
15 Mi dōrān nang nei nemna ei mu thei u na ranga hava ngāia han na tepmannēl tānla na malung pe babang ro.
16 Nang na ninga le nang nei anchūna ngāi han anrēng tānla alom peia na tepmannēla om chian ro,
havan tin han na thōna na om ten,
nang le nang na chong anngāi ngāi ha sandam thei in na ti.
Kuibinga pātar,