Pathian mi ngāi
rang nuam pēk
16
1 Atun chu mīnthiang ngāi ranga nuam pēk rui kēng kei na ril u.
Galatia rama kuibing ngāi kōma ei thō u ranga kei ril anga nangnīm thō u chachak ro.
2 Nangni ngāi na thetheia nei phāri u anga nei sua nei vān u ngāi ahapta kipa nikhua mānsa han sum atōm mo ātam mo khāi u tānla mantīng u chachak ro.
Hatuka havan tin han na kōm u na ka hong rang tik le rong nuam pēk ei ansuang babang nōkna ranga thō chachak u ro.
3 Na kōm u na ka hong asuak tik le,
nuam pēk nei thō u ngāi ha Jerusalem khopuia achōi ranga nangnīn arua mi nei thang u tak ngāi kōma lekha maziaka mathuan u ka ti.
4 Koi um nisela kei sē rang dan aniten ka bila ahong len thei u na.
Anthēmna chong
5 Makedonia ram tiang āta kei hong balama na kōm u na hong ka ti.
Asik chu Makedonia ram kei pala kei sē rang ngal ani na.
6 Na bil u na nikhua tōmte chu ka om um thei,
nūdin um ka mang ving theia.
Asik chu ka khual anzinna ranga kei sē na rang taka ka lampui nei na zon thei u na ranga kei mandon.
7 Tenchu atun lena kei na pal vut u balama kei nān mu pui u rang duai hi mancha makunga.
Tenchu Puma azōt ten,
na bil u na ni hotuk ten mo chu a om ranga kān sabei.
8 Tenchu Pentikos nikhua ten pei chu Ephesi khuana a om rang ka ni.
9 Asik chu Pathianin mara ansua theina ranga ka ranga sin thōna suakkhār alianpa khat ana malong pe na,
tenchu anadui rang ātampa a om u na.
10 Timothi na kōm u na ahong ving ten,
na kār u na itē anchīna buia ei om theina ranga kiavāng lei sak u ro.
Koiin sin kei thō anga amām Puma sin athō kēng.
11 Hasik han tutēn apom nōkna ranga dem lei makhāi u nō ro.
Ka kōma ei hong kīr rēt theina ranga phūkdāia lampui hong zon u ro.
Asik chu parual ngāi lehan ei hong rang ka lei ngāk ani na.
12 Atun chu koini na parual Appolo ruia na ril u ka ti:
Parual ngāi bila han na kōm u na asē ranga achālaka kei mathēm ani na,
tenchu atuna ranga asē rang la mancha pial mak.
Nukhōna ei anhērna hun aman ten na kōm u na sē bō ni.
13 Anrēng chunga om u ro.
Iamna tianga angīrtita om u ro.
Pasal arāt anga om u tānla angam chunga omtit u ro.
14 Aloma
nei thō u dōra anditna lehan thō u ro.
15 Parual ngāi,
Stephena ngāi insūngkua ha na riattit u na.
Amāni hi Akaia rama aiam ngāi bila mara mānsa ani u na.
Mīnthiang ngāi hasōndom ranga aninga anphal diai mi ani u na.
16 Hasik han hava ang mi ngāi le hiva anga hasōndoma anchel le apōng mi ngāi dōra achong u
atel ranga kei na mathēm u.
17 Stephena,
Phortunat,
Akaiaka ngāi ei hong u sika ka rāi asān,
asik chu nangni kōma ansam ha amānīn ana lei hong zon u ani na.
18 Amānīn koi ka malung le nangni malung ei na hong manhar rēt ani u na.
Hasika han hava anga mi ngāi chu nangnīn lalchi lei thō u ro.
Anthānna chibai
19 Asia rama kuibing ngāiin chibai ana hong thō u.
Akuila le Priskilli,
a insūng u na kuibing mī ngāi dōra lehan Puma raminga taktaka chibai ana hong thō u.
20 Hivana om unāi ngāi
dōrān chibai ana hong thō u.
Nangnīn biang antum ānthiang lehan biang antum u ro.
21 Koi Paulin ka kut ngēt le hiva chibai thōna lekha hi kei hong maziak ani na.
22 Tukareng Puma Isua Krista anditna dōn lui tak chu,
achunga khomāk tung rase.
O Puma,
hong len ta ro!
23 Puma Isua Krista lungkhamna na kōm u na om rase.
24 Na lom u na Krista Isuana kei na dit u na na chung u na om rase.
Amen.